அப்போ ஸ்டாலின், இப்போ உதயநிதி... எல்லா கட்சியிலும் இதான் - வாரிசு அரசியல் குறித்து பொன்முடி பளிச் பதில்

ஆளுநர் ஆர்.என். ரவியின் முதன்மை செயலாளர் வெளியிட்டுள்ள செய்திக்குறிப்பில், உதயநிதியை அமைச்சரவையில் சேர்க்க, முதலமைச்சர் ஸ்டாலின் பரிந்துரைத்து உள்ளதாகவும் அதற்கு ஆளுநர் ஒப்புதல் தந்துவிட்டதாகவும் தெரிவித்தார். பதவியேற்பு நிகழ்ச்சி, கிண்டி ஆளுநர் மாளிகையில் உள்ள தர்பார் ஹாலில் நாளை காலை 9.30 மணிக்கு நடைபெறும் என கூறியுள்ளார். உதயநிதி ஸ்டாலின் அமைச்சர் பதவியில் பொறுப்பேற்க உள்ள நிலையில் அவருக்கு திமுகவின் மூத்த நிர்வாகிகள் பலர் பாராட்டுகளை தெரிவித்து வருகின்றனர்.

Also Read : "சேப்பாக்கத்தின் தென்றல் இனி செந்தமிழ் நாடெங்கும் வீசட்டும்" - உதயநிதிக்கு செந்தில் பாலாஜி வாழ்த்து!

இந்நிலையில் சென்னை தலைமை செயலகத்தில் உயர் கல்வித்துறை அமைச்சர் பொன்முடி செய்தியாளர்களை சந்தித்தார். அப்போது உதயநிதி ஸ்டாலினுக்க அமைச்சர் பொறுப்பு வழங்கப்பட உள்ள கேள்விகளுக்கு பதில் அளித்தார். அப்போது, உதயநிதி ஸ்டாலினுக்கு அமைச்சரவையில் தற்போது இடம் ஒதுக்கி இருப்பது தாமதம் எனத்தான் நான் கூறுவேன். வாரிசு அரசியல் என்ற குற்றச்சாட்டு ஒன்றும் புதிது இல்லை. ஸ்டாலின் வரும் போது இதை தான் கூறினார்கள். இவற்றையெல்லாம் மக்கள் பார்த்துக் கொள்வார்கள். இது எல்லா கட்சியிலும் இருப்பது தான் அதில் ஒன்றும் தப்பு இல்லை. உதயநதிக்கு அமைச்சர் பொறுப்பு கொடுப்பது கூட்டான ஒரு முடிவு தான். அவருடன் இணைந்து நாங்களும், எங்களுடன் இணைந்து அவரும் செயல்படுவார் என்றார்.

மேலும் உதயநிதி ஸ்டாலினுக்கு துணை முதல்வர் பொறுப்பு கொடுக்கப்படுமா என்ற கேள்வி எழுப்பினர். அவர் துணை முதல்வராவரா என்று உங்களை போல் நானும் காத்துக் கொண்டிருக்கிறேன் என்று தெரிவித்தார்.