`நாக்கை அறுப்பேன்’ என்று சர்ச்சையாகப் பேசியதற்கு அமைச்சர் விளக்கம்!

தஞ்சையில் நேற்று முன்தினம் அதிமுகவைப் பற்றி தவறாக பேசினால் யாராக இருந்தாலும் நாக்கை அறுப்போம் என்று பொது கூட்டத்தில் வேளாண் துறை அமைச்சர் துரைகண்ணு பேசினார்.

அது தொடர்பாக நிருபர்கள் அவரிடம் கேட்டபோது, ``நான் கிராமத்து பாணியில் பேசினேன். நாக்கு அழுகிவிடும் என்று சொல்வதற்க்கு பதிலாக அறுப்பேன் என்று வந்து விட்டது. இதைத்தவறாக எடுத்துகொள்ள வேண்டாம். நான் யாறையும் திட்டமிட்டு குறிப்பிட்டு பேசவில்லை. தவறாக வாயில் வந்துவிட்டது’’ என்று கூறினார்.

முன்னதாக செப்டம்பர் 25-ம் தேதி தஞ்சாவூரில் நடைபெற்ற அதிமுக பொதுக்கூட்டத்தில், வைத்திலிங்கம் மற்றும் வேளாண்துறை அமைச்சர் துறைகண்ணு ஆகியோர் கலந்துக்கொண்டனர். அப்போது பேசிய அமைச்சர் துரைக்கண்ணு, ``பொற்கால ஆட்சி நடைபெறும் தமிழகத்தில் குற்ற ஆட்சி நடைபெறுவதாக யாராவது கூறினால், அவர்களின் நாக்கை அறுப்பேன். திமுகவுக்கு ஊழலைப் பற்றி பேச எந்த அருகதையும் இல்லை. தமிழகத்தில் ஊழலை அறிமுகப்படுத்தியவர்களே இவர்கள் தான்' என்று அமைச்சர் துரைகண்ணு பேசினார்.