Home /News /tamil-nadu /

நாளை தமிழகத்தில் இந்த மாவட்டங்களில் மழை- வானிலை மையம் அறிவிப்பு

நாளை தமிழகத்தில் இந்த மாவட்டங்களில் மழை- வானிலை மையம் அறிவிப்பு

மழை

மழை

தமிழ்நாட்டில் கீழ்கண்ட நாள்களில் கீழ்கண்ட பகுதிகளில் மழை பெய்யும் என்று வானிலை ஆய்வு மையம் தெரிவித்துள்ளது.

    உள் தமிழக பகுதிகளின் மேல் நிலவும் வளி மண்டல கீழடுக்கு சுழற்சி மற்றும் வெப்பசலனம் காரணமாக தமிழ்நாட்டில் கீழ்கண்ட நாள்களில் கீழ்கண்ட பகுதிகளில் மழை பெய்யும் என்று வானிலை ஆய்வு மையம் தெரிவித்துள்ளது.

    05.04.2022: தென் தமிழகம் மற்றும் மேற்கு தொடர்ச்சி மலைப் பகுதி மாவட்டங்களில் ஓரிரு இடங்களில் இடி மின்னலுடன் கூடிய லேசான முதல் மிதமான மழை பெய்யக்கூடும்.

    06.04.2022: உள் தமிழக மாவட்டங்கள், டெல்டா மாவட்டங்கள், கன்னியாகுமரி, திருநெல்வேலி, தூத்துக்குடி மற்றும் காரைக்கால் பகுதிகளில் ஓரிரு இடங்களில் இடி மின்னலுடன் கூடிய லேசான முதல் மிதமான மழை பெய்யக்கூடும்.

    07.04.2022 முதல் 09.04.2022 வரை: தமிழ்நாடு, புதுவை மற்றும் காரைக்கால் பகுதிகளில் ஓரிரு இடங்களில் லேசான முதல் மிதமான மழை பெய்யக்கூடும்.

    சென்னையை பொறுத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 35 டிகிரி செல்சியஸ் மற்றும் குறைந்தபட்ச வெப்பநிலை 27 டிகிரி செல்சியஸை ஒட்டி இருக்கக்கூடும்.

    கடந்த 24 மணி நேரத்தில் பதிவான மழை அளவு (சென்டிமீட்டரில்):

    பேச்சிப்பாறை (கன்னியாகுமரி) 6, சிற்றாறு (கன்னியாகுமரி) 5, பெருஞ்சாணி அணை (கன்னியாகுமரி), புத்தன் அணை (கன்னியாகுமரி) தலா 4, சேரன்மகாதேவி (திருநெல்வேலி), இரணியல் (கன்னியாகுமரி), சிவலோகம் (கன்னியாகுமரி) வலோகம் (கன்னியாகுமரி) தலா 3, சுருளகோடு (கன்னியாகுமரி), நாகர்கோவில் (கன்னியாகுமரி), குளச்சல் (கன்னியாகுமரி), அம்பாசமுத்திரம் (திருநெல்வேலி) தலா 2, குழித்துறை (கன்னியாகுமரி), மணிமுத்தாறு (திருநெல்வேலி), ராதாபுரம் (திருநெல்வேலி), தூத்துக்குடி டி.ஆர்.எம்.எஸ் (தூத்துக்குடி) தலா 1.

    ஏப்ரல் 06-ம் தேதி தெற்கு அந்தமான் கடல் மற்றும் அதனை ஒட்டியுள்ள வங்க கடல் பகுதிகளில் ஓர் மேலடுக்கு சுழற்சி உருவாகக்கூடும். அதற்கடுத்த 24 மணி நேரத்தில் தென்கிழக்கு வங்க கடல் பகுதிகளில் ஓர் காற்றழுத்த தாழ்வு பகுதி உருவாகக்கூடும்.

    'எனக்கா ஓட்டு போட்டீங்க' - குடிநீர் பிரச்னைக்கு ஊராட்சி மன்ற தலைவரின் அலட்சிய பதில்

    இதன் காரணமாக, மீனவர்களுக்கான எச்சரிக்கை விடுக்கப்பட்டுள்ளது. அதன்படி, 05.04.2022, 06.04.2022: தெற்கு அந்தமான் கடல் மற்றும் அதனை ஒட்டிய தென்கிழக்கு வங்கக்கடல் பகுதிகளில் சூறாவளி காற்று மணிக்கு 40 முதல் 50 கிலோ மீட்டர் வேகத்திலும் இடையிடையே மணிக்கு 60 கிலோ மீட்டர் வேகத்திலும் வீசக்கூடும்.

    07.04.2022: தெற்கு வங்கக்கடலின் மத்திய பகுதிகளில் சூறாவளி காற்று மணிக்கு 40 முதல் 50 கிலோ மீட்டர் வேகத்திலும் இடையிடையே மணிக்கு 60 கிலோ மீட்டர் வேகத்திலும் வீசக்கூடும்

    08.04.2022, 09.04.2022: தென்மேற்கு வங்கக்கடல் பகுதிகளில் சூறாவளி காற்று மணிக்கு 45 முதல் 55 கிலோ மீட்டர் வேகத்திலும் இடையிடையே மணிக்கு 65 கிலோ மீட்டர் வேகத்திலும் வீசக்கூடும்.

    மீனவர்கள் இப்பகுதிகளுக்கு செல்ல வேண்டாமென்று அறிவுறுத்தப்படுகிறார்கள்.
    Published by:Karthick S
    First published:

    Tags: Heavy rain

    அடுத்த செய்தி