Home /News /tamil-nadu /

நடிகை மீரா மிதுன் பெங்களூருவில் பதுங்கல்.. விரைந்து கைது செய்ய போலீஸ் தீவிரம்

நடிகை மீரா மிதுன் பெங்களூருவில் பதுங்கல்.. விரைந்து கைது செய்ய போலீஸ் தீவிரம்

மீராமிதுன்

மீராமிதுன்

Meera Mitun | காவல் துறை தரப்பில், நீதிமன்ற உத்தரவின்படி மீராமிதுனை வேளச்சேரி மற்றும் சேத்துப்பட்டில் தேடியும் கிடைக்கவில்லை எனவும், அவர் பெங்களூருவில் இருப்பதாக தெரிய வந்துள்ளதாகவும் தெரிவிக்கப்பட்டது.

  • News18 Tamil
  • 2 minute read
  • Last Updated :
  • Tamil Nadu, India
பிடிவாரண்ட் பிறக்கப்பட்ட நடிகை மீரா மிதுன் பெங்களூருவில் இருப்பதாகவும், அவரை விரைந்து கைது செய்து நீதிமன்றத்தில் ஆஜர்படுத்துவதாகவும் காவல் துறை தரப்பில் சென்னை முதன்மை அமர்வு நீதிமன்றத்தில் தெரிவிக்கப்பட்டது.

பிரபல நடிகையும் பிக்பாஸ் முன்னாள் போட்டியாளருமான மீராமிதுன் தொடர்ந்து சர்ச்சைக்குள்ளாகி வந்தார். அவர் அவரது ஆண் நண்பருடன் இணைந்து யூடியூப்-ல் வெளியிட்ட வீடியோ இணையத்தில் பெரும் பரப்ரப்பை ஏற்படுத்தியது. தொடர்ந்து சினிமாத்துறையில் உள்ளவர்கள் உட்பட பலரை அவதூராகப் பேசியும், முடிந்தால் என்னை கைது செய்யுங்கள் என தமிழ்நாடு காவல் துறையினருக்கு சவால் விட்ட வண்ணமும் வீடியோக்கள் வெளியிட்டு வந்தார். பொதுமக்களை தொந்தரவு செய்யும் வகையில் அவரது நடவெடிக்கைகள் இருந்தமையால் சமூக வலைத்தளங்களிலும், நேரடியாகவும் மீரா மிதுனிற்கு எதிர்ப்புகள் கிளம்பின.

அதனைத் தொடர்ந்து அவர் வெளியிட்ட வீடியோ அட்டகாசத்தின் உச்சநிலையை எட்டியது. பட்டியலின மக்களை இழிவுப்படுத்தும் வகையில் அவர் பேசிய அந்த வீடியோ பொதுமக்களிடையே கொந்தளிப்பை ஏற்படுத்தியது. பட்டியலினத்தவர்கள் குறித்து சமூக வலைதளங்களில் அவதூறு கருத்துக்களை வெளியிட்டதாக, நடிகை மீரா மிதுன் மீதும், உடந்தையாக இருந்ததாக அவரது நண்பர் சாம் அபிஷேக் மீதும் வன்கொடுமை  தடுப்பு சட்டத்தின் கீழ் சென்னை மத்திய குற்றப் பிரிவு போலீசார் கடந்த 2021ம் ஆண்டு ஆகஸ்ட் மாதம் வழக்கு பதிந்து இருவரையும் கைது செய்தனர்.

Read More : சூப்பர் சிங்கர் நித்யஸ்ரீ நடத்திய வேற லெவல் ஃபோட்டோ ஷூட்.. நீங்க பார்த்தீங்களா?


பின்னர்  ஜாமீனில் விடுதலையான இவர்களுக்கு எதிராக  சென்னை முதன்மை அமர்வு நீதிமன்றத்தில்  குற்றப்பத்திரிகை தாக்கல் செய்யப்பட்டது. கடந்த ஆகஸ்ட் 6 ம் தேதி வழக்கு  விசாரணைக்கு வந்தபோது, மீரா மீதுன் ஆஜரகாததால், அவருக்கு எதிராக ஜாமீனில் வெளி வர முடியாத கைது வாரண்ட் பிறப்பித்து முதன்மை அமர்வு நீதிமன்ற நீதிபதி அல்லி உத்தரவிட்டிருந்தார்.

இந்நிலையில், இந்த வழக்கு மீண்டும் விசாரணைக்கு வந்தபோது, காவல் துறை தரப்பில், நீதிமன்ற உத்தரவின்படி மீராமிதுனை வேளச்சேரி மற்றும் சேத்துப்பட்டில் தேடியும் கிடைக்கவில்லை எனவும், அவர் பெங்களூருவில் இருப்பதாக தெரிய வந்துள்ளதாகவும் தெரிவிக்கப்பட்டது.மேலும், விரைவில் அவரை கைது செய்து நீதிமன்றத்தில் ஆஜர்படுத்துவதாகவும் தெரிவிக்கப்பட்டது.
இதை ஏற்ற நீதிபதி, வழக்கின் விசாரணையை இரு வாரங்களுக்கு தள்ளி வைத்துள்ளார்.
Published by:Lilly Mary Kamala
First published:

Tags: Actress Meera Mithun, Bangalore, Viral

அடுத்த செய்தி