Home /News /tamil-nadu /

தமிழகத்தில் சொத்து வரி உயர்வை திரும்பப் பெற வேண்டும் : வைகோ வலியுறுத்தல்

தமிழகத்தில் சொத்து வரி உயர்வை திரும்பப் பெற வேண்டும் : வைகோ வலியுறுத்தல்

மத்திய அரசையும் விமர்சித்துள்ளார் வைகோ.

மத்திய அரசையும் விமர்சித்துள்ளார் வைகோ.

பெட்ரோல், டீசல், சமையல் எரிவாயு விலையை மத்திய அரசு தாறுமாறாக உயர்த்தியதால் மக்கள் மீதான சுமை அதிகரித்து விட்டது.

    தமிழகத்தில் சொத்து வரி உயர்வை திரும்பப் பெற வேண்டும் என்று மதிமுக பொதுச் செயலாளர் வைகோ வலியுறுத்தியுள்ளார்.

    சொத்துவரி உயர்வு தொடர்பாக ம.தி.மு.க பொதுச் செயலாளர் வைகோ வெளியிட்டுள்ள அறிக்கையில், ‘தமிழகத்தில் மாநகராட்சிகள், நகராட்சிகள், பேரூராட்சிகளில் சொத்து வரிகள் உயர்த்தப்படுவதாக தமிழக அரசு அறிவித்துள்ளது. சென்னை உள்ளிட்ட 21 மாநகராட்சிகளில் சொத்து வரி விகிதங்கள் 25 சதவீதம் முதல் 150 சதவீதம் வரை உயர்த்தப்படுவதாக அறிவிக்கப்பட்டு, அதற்கான அரசாணை வெளியிடப்பட்டுள்ளது.

    600 சதுரடிக்குக் குறைவான பரப்பளவு உள்ள கட்டிடங்களுக்கு 25 சதவிகித சொத்துவரி உயர்வை தமிழக அரசு அறிவித்துள்ளது. சென்னையில் புதியதாக இணைந்த பகுதிகளில் 600 முதல் 1200 சதுரடி பரப்பளவு கொண்ட குடியிருப்புகளுக்கு 50 சதவிகிதம் சொத்துவரி உயர்த்தப்படுகிறது. சென்னையின் முக்கிய பகுதிகளில் 600 முதல் 1200 சதுரடி பரப்பளவு கொண்ட குடியிருப்புகளுக்கு 75 சதவிகிதமும், 1200 லிருந்து 1800 சதுரடி கொண்ட குடியிருப்புகளுக்கு 100 சதவிகிதமும் சொத்துவரி உயர்த்தப்பட்டுள்ளது.

    இதையும் படிங்க - டெல்லி அறிவாலயம் திறப்பு விழா: எம்.பி தமிழச்சி தங்கபாண்டியன் உட்பட 9 பேர் செல்போன் திருட்டு!

    மத்திய அரசின் 15 ஆவது நிதி ஆணையம் கொடுத்த நிபந்தனைகளின் அடிப்படையில் சொத்துவரி உயர்த்தப்படுவதாகவும், மாநில மொத்த உள்நாட்டு உற்பத்தி வளர்ச்சிக்கு ஏற்றவாறு ஆண்டுதோறும் சொத்துவரியை உயர்த்த நிதி ஆணையம் அறிவுறுத்தி உள்ளதாகவும் தமிழக அரசு தனது அறிவிப்பில் குறிப்பிட்டுள்ளது.

    இதையும் படிங்க - யார் காலில் விழுவதற்காகவும் டெல்லி செல்லவில்லை: முதல்வர் மு.க.ஸ்டாலின்

    கடந்த இரண்டு ஆண்டுகளாக கொரோனா பெருந்தொற்று ஏற்படுத்திய தாக்கம், பொருளாதார வீழ்ச்சி மற்றும் வேலையின்மையால் மக்கள் சொல்லொணா வேதனையில் வாழ்க்கையை நடத்தும் நிலைக்குத் தள்ளப்பட்டுள்ளனர். பெட்ரோல், டீசல், சமையல் எரிவாயு விலையை மத்திய அரசு தாறுமாறாக உயர்த்தியதால் மக்கள் மீதான சுமை அதிகரித்து விட்டது.

    இந்நிலையில் சொத்துவரி உயர்வும் மக்களை பாதிக்கும். எனவே இதனை மறுபரிசீலனை செய்து,சொத்துவரி உயர்வை திரும்ப பெற வேண்டும் என வலியுறுத்துகிறேன்.'' இவ்வாறு வைகோ தெரிவித்துள்ளார்.
    Published by:Musthak
    First published:

    Tags: Vaiko

    அடுத்த செய்தி