Home /News /tamil-nadu /

விசாரணைக்கு அழைத்த காவல் ஆய்வாளரை மிரட்டிய ரவுடி ... சீர்காழியில் பரபரப்பு

விசாரணைக்கு அழைத்த காவல் ஆய்வாளரை மிரட்டிய ரவுடி ... சீர்காழியில் பரபரப்பு

மயிலாடுதுறை செய்திகள்

மயிலாடுதுறை செய்திகள்

Mayiladuthurai District : சீர்காழி அருகே வழக்கு விசாரணைக்காக அழைத்த சிறப்பு காவல் உதவி ஆய்வாளரை ஆபாசமாக பேசி கொலை மிரட்டல் விடுத்த ரவுடி தப்பி ஓடி தலைமறைவாகியுள்ளார்.

    மயிலாடுதுறை மாவட்டம் சீர்காழி காவல் நிலையத்தில் சிறப்பு காவல் ஆய்வாளராக அர்ஜூனன் என்பவர் பணியாற்றி வருகிறார். இவரிடம் புத்தூர் பகுதியைச் சேர்ந்த மணிமாறன் என்பவர் தன்னை வழிமறித்து வினோத், கனேஷ் என்பவர் கொலை மிரட்டல் விடுத்ததாக புகார் அளித்திருந்தார்.

    புகாரின் பேரில் வழக்குப்பதிவு செய்த சிறப்பு உதவி காவல் ஆய்வாளரர் அர்ஜுனன்,  மணிமாறன் மற்றும் எதிர்தரப்பை சேர்ந்த கணேஷ், வினோத் ஆகியோரை விசாரணை மேற்கொண்டனர்.

    அப்போது வினோத்திற்கு ஆதரவாக தைக்கால் பகுதியைச் சேர்ந்த செந்தில் என்பவர் கொலை மிரட்டல் விடுத்தது தெரியவந்தது. இதனை அடுத்து சிறப்பு காவல் ஆய்வாளர் அர்ஜுனன் செந்திலை தொலைபேசியில் தொடர்பு கொண்டு வழக்கு விசாரணைக்காக அழைத்துள்ளார். அப்போது தொலைபேசியில் ஆய்வாளரை ஆபாசமாக பேசிய செந்தில் கடுமையாக திட்டி கொலை மிரட்டல் விடுத்தார்.



    மேலும் தன்னை இனிமேல் விசாரித்தால் அரை மணி நேரத்தில் குடும்பத்தோடு காலி செய்து விடுவேன் என கடுமையாக பேசி மிரட்டிய ஆடியோ சமூக வலைதளங்களில் பரவியது.



    இதனையடுத்து ரவுடி செந்தில் மீது காவல் ஆய்வாளர் அர்ஜுனன் சீர்காழி காவல் நிலையத்தில் புகார் அளித்தார். புகாரின் பேரில் சீர்காழி போலீசார் வழக்குப்பதிவு செய்து தப்பியோடி தலைமறைவான ரவுடி செந்திலை தேடி வருகின்றனர். வழக்கு விசாரணைக்கு அழைத்த சிறப்பு உதவி காவல் ஆய்வாளரை ரவுடி மிரட்டிய சம்பவம் சீர்காழி பகுதியில் பரபரப்பை ஏற்படுத்தியுள்ளது.
    Published by:Sankaravadivoo G
    First published:

    Tags: Mayiladuthurai

    அடுத்த செய்தி