ஹோம் /நியூஸ் /தமிழ்நாடு /

Cyclone Sitrang: மேலும் தீவிரமெடுக்கும் சித்ரங் புயல் - எந்தெந்த பகுதிகளில் அலெர்ட்!

Cyclone Sitrang: மேலும் தீவிரமெடுக்கும் சித்ரங் புயல் - எந்தெந்த பகுதிகளில் அலெர்ட்!

மழை

மழை

வங்கக்கடலில் வலுபெற்றுள்ள புயல் அடுத்த 12  மணி நேரத்தில் தீவிர புயலாக வலுபெறக்கூடும். அதன் பின்னர் வடக்கு- வடகிழக்கு திசையில் நகர்ந்து அக்டோபர் 25ஆம்  தேதி அதிகாலை வங்கதேச கடற்கரையில் டிங்கோனா தீவு மற்றும் சந்திவிப் இடையில் கரையை கடக்கக்கூடும்.

மேலும் படிக்கவும் ...
  • News18 Tamil
  • 2 minute read
  • Last Updated :
  • Tamil Nadu, India

    தமிழகத்தில் நீலகிரி, கோயம்பத்தூர், திருப்பூர் மற்றும் தென் தமிழக  மாவட்டங்கள்டெல்டா மாவட்டங்களில் மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

    இது தொடர்பாக வானிலை ஆய்வு மையம் தெரிவித்துள்ளதாவது:-

    வானிலை தகவல் நேற்று காலை மத்திய மேற்கு மற்றும் அதனை ஒட்டிய மத்திய கிழக்கு வங்கக்கடல் பகுதிகளில் நிலவிய ஆழ்ந்த காற்றழுத்த தாழ்வு மண்டலமானது  நேற்று மாலை 5.30 மணி அளவில் புயலாக (SITRANG) வலுப்பெற்று, இன்று காலை 8.30 மணி அளவில் வடமேற்கு  மற்றும் அதனை ஒட்டிய மத்திய வங்கக்கடல் பகுதிகளில், சாகர் தீவுகளுக்கு தெற்கே 380 கிலோமீட்டர் தொலைவிலும்,  வங்காள தேசத்திற்கு தெற்கு-தென்மேற்கே 520  கிலோமீட்டர் தொலைவிலும் நிலைகொண்டுள்ளது.

    இது மேலும் வடக்கு வட-கிழக்கு திசையில் நகர்ந்து அடுத்த 12  மணி நேரத்தில் தீவிர புயலாக வலுபெறக்கூடும்.  அதன் பின்னர்  வடக்கு- வடகிழக்கு திசையில் நகர்ந்து அக்டோபர் 25ஆம்  தேதி அதிகாலை வங்கதேச கடற்கரையில் டிங்கோனா தீவு மற்றும் சந்திவிப் இடையில் கரையை கடக்கக்கூடும்.

    24.10.2022:  தென் தமிழக  மாவட்டங்கள் (ராமநாதபுரம், திருநெல்வேலி, தென்காசி, தூத்துக்குடி, தேனி, கன்னியாகுமரி, சிவகங்கை, விருதுநகர், திண்டுக்கல், மதுரை), டெல்டா மாவட்டங்கள் மற்றும் அதனை ஒட்டிய மாவட்டங்கள் (தஞ்சாவூர், திருவாரூர், நாகப்பட்டினம், மயிலாடுதுறை,  புதுக்கோட்டை, திருச்சிராப்பள்ளி, அரியலூர், கடலூர்),  நீலகிரி, கோயம்பத்தூர், திருப்பூர் மாவட்டங்கள்  மற்றும் காரைக்கால் பகுதிகளில் ஓரிரு  இடங்களில் இடி மின்னலுடன் கூடிய லேசானது முதல்  மிதமான மழை பெய்யக்கூடும்.

    25.10.2022 முதல் 27.10.2022 வரை: தென் தமிழக  மாவட்டங்கள் (ராமநாதபுரம், திருநெல்வேலி, தென்காசி, தூத்துக்குடி, தேனி, கன்னியாகுமரி, சிவகங்கை, விருதுநகர், திண்டுக்கல், மதுரை), டெல்டா மாவட்டங்கள் மற்றும் அதனை ஒட்டிய மாவட்டங்கள் (தஞ்சாவூர், திருவாரூர், நாகப்பட்டினம், மயிலாடுதுறை,  புதுக்கோட்டை, திருச்சிராப்பள்ளி, அரியலூர், கடலூர்),  நீலகிரி, கோயம்பத்தூர், திருப்பூர் மாவட்டங்கள்  மற்றும் காரைக்கால் பகுதிகளில் ஓரிரு  இடங்களில் லேசானது முதல்  மிதமான மழை பெய்யக்கூடும்.

    28.10.2022: தமிழ்நாடு, புதுவை மற்றும் காரைக்கால் பகுதிகளில் ஒருசில இடங்களில் லேசானது முதல்  மிதமான மழை பெய்யக்கூடும்.

    சென்னையை பொறுத்தவரை

    அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 34 டிகிரி செல்சியஸ் மற்றும் குறைந்தபட்ச வெப்பநிலை 24-25 டிகிரி செல்சியஸ் அளவில் இருக்கக்கூடும். அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 34-35 டிகிரி செல்சியஸ் மற்றும் குறைந்தபட்ச வெப்பநிலை 24-25 டிகிரி செல்சியஸ் அளவில் இருக்கக்கூடும்.

    மீனவர்களுக்கான எச்சரிக்கை:  

    24.10.2022 முதல் 28.10.2022 வரை: தமிழக கடலோர பகுதிகளுக்கான மீனவர் எச்சரிக்கை ஏதுமில்லை.

    24.10.2022: மத்தியமேற்கு  வங்கக்கடல் மற்றும் அதனை ஒட்டிய மத்திய கிழக்கு வங்கக்கடல் பகுதிகள், வடக்கு வங்கக்கடல் பகுதிகளில் சூறாவளிக்காற்று மணிக்கு 75 முதல் 85 கிலோ மீட்டர் வேகத்திலும் இடையிடையே 95  கிலோ மீட்டர் வேகத்திலும் வீசக்கூடும்.

    ஒரிசா - மேற்கு வங்காள கடலோரப் பகுதிகளில் சூறாவளிக்காற்று  மணிக்கு 40 முதல் 50 கிலோ மீட்டர் வேகத்திலும் இடையிடையே 60   கிலோ மீட்டர் வேகத்திலும் வீசக்கூடும்.

    இதையும் படிங்க : தீபாவளி பண்டிகையை ஒட்டி நாளை பள்ளி, கல்லூரிகளுக்கு விடுமுறை.. தமிழக அரசு அறிவிப்பு

    25.10.2022: வடக்கு வங்கக்கடல் மற்றும் வங்கதேச கடலோரப்பகுதிகளில் சூறாவளிக்காற்று  மணிக்கு 80 முதல் 90 கிலோ மீட்டர் வேகத்திலும் இடையிடையே 100  கிலோ மீட்டர் வேகத்திலும் வீசக்கூடும்.

    மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாமென்று அறிவுறுத்தப்படுகிறார்கள்.

    இவ்வாறு அந்த அறிக்கையில் தெரிவித்துள்ளது.

    Published by:Lakshmanan G
    First published:

    Tags: Heavy rain, Weather News in Tamil