கார்த்திகை தீபம்: திருச்சியில் இருந்து திருவண்ணாமலைக்கு சிறப்பு ரயில் அறிவிப்பு

திருவண்ணாமலை கார்த்திகை தீபத்தை முன்னிட்டு தமிழக முழுவதிலும் இருந்து பக்தர்கள் திருவண்ணாமலை அண்ணாமலையார் கோவிலுக்குத் தரிசிக்கச் செல்லுவர். அப்படிச் செல்பவர்களுக்கு ஏதுவாக டிசம்பர் 6 மற்றும் 7 ஆம் தேதிகளில் திருவண்ணாமலை ரயில் நிலையத்தில் ரயில்கள் நிறுத்திச் செல்ல சிறப்பு ரயில்களை தெற்கு ரயில்வே அறிவித்துள்ளனர்.

திருச்சியில் இருந்து வேலூர் செல்லும் சிறப்பு ரயில் :

திருச்சியில் இருந்து வேலூர் செல்லும் சிறப்பு ரயில் திருவண்ணாமலை வழியாகச் செல்லும். அப்போது திருவண்ணாமலை நிலையத்தில் நிற்கும் என்று தெரிவித்துள்ளனர். இந்த ரயில் டிசம்பர் 6 மற்றும் 7 ஆம் தேதிகளில் திருச்சியில் இருந்து காலை 05.40 மணிக்குப் புறப்பட்டு மதியம் 1.10 மணிக்கு வேலூர் சென்றடையும். இதன் நடுவில் கடக்கும் நிலையங்களில் திருவண்ணாமலை இடம்பெற்றுள்ளது. குறிப்பிட்ட நாட்களில் காலை 11.40 மணிக்கு திருவண்ணாமலை ரயில் நிலையத்திற்கு வரும். 10 நிமிடங்கள் நிற்று 11.50  ரயில் புறப்படும்.

அதே போல், வேலூரில் இருந்து திருச்சி செல்லும் சிறப்பு ரயில் வேலூரில் இருந்து டிசம்பர் 6 மற்றும் 7 ஆம் தேதிகளில் இரவு 9.00 மணிக்குப் புறப்பட்டு காலை 5.30 மணிக்குத் திருச்சிக்கு வந்தடையும். இந்த ரயிலும் திருவண்ணாமலையில் இரவு 10.15 மணிக்கு வந்தடைந்து 10.20 மணிக்கு புறப்படும்.

ரயில் கால அட்டவணை:

கார்த்திகை தீபம் சிறப்பு நாளன்று திருவண்ணாமலைக்குச் செல்லும் பக்தர்கள் ரயில்வேயின் சிறப்பு ரயில்களைப் பயன்படுத்திக் கொண்டு பயணம் செய்யுமாறு கேட்டுக்கொள்ளப்படுகிறது.