காவலர்களின் கண்காணிப்பை தாண்டி தமிழகத்தில் நுழைந்த கேரளாவின் கழிவு மீன்கள் லாரியை சிறை பிடித்த பொதுமக்கள்

கன்னியாகுமரி மாவட்டம் தக்கலையில், கேரளாவில் இருந்து கழிவு மீன்களை ஏற்றி வந்த கண்டெய்னர் லாரிகளை சிறை பிடித்த பொதுமக்கள் போலீசாரிடம் ஒப்படைத்தனர்.

கேரளாவில் இருந்து மீன் கழிவுகள், இறைச்சி மற்றும் மருத்துவ கழிவுகளை கண்டெய்னர் லாரிகள் மூலம் ஏற்றி வந்து கன்னியாகுமரி மாவட்டம் நெல்லை மாவட்டங்களில் சட்ட விரோதமாக கொட்டி செல்வது வாடிக்கையான நிலையில் தொற்று நோய் பரவும் அபாயமும் ஏற்பட்டது. இதை தடுக்க மாவட்ட நிர்வாகம் சார்பில் குமரி கேரளா எல்லையில் சோதனை சாவடிகள் அமைத்து போலீசார் தீவிர கண்காணிப்பில் ஈடுபட்டு வருகின்றனர்.

இருப்பினும் சோதனை சாவடி காவலர்களின் கண்காணிப்பையும் தாண்டி தொடர்ந்து கழிவுகள் கேரளாவில் இருந்து கண்டெய்னர் லாறிகள் மூலம் கொண்டு வரப்பட்டு கன்னியாகுமரி மாவட்டத்தில் கொட்டப்பட்டு வரும் நிலையில், நேற்று இரவு தக்கலை வழியாக நாகர்கோவில் நோக்கி வந்த கேரள பதிவெண் கொண்ட 2-கண்டெய்னர் லாரிகள் அதிக துர்நாற்றத்துடன் செல்வதை கண்ட அப்பகுதி பொதுமக்கள் அந்த இரண்டு லாரிகளையும் தடுத்து நிறுத்தி சிறை பிடித்து டிரைவரிடம் வாக்குவாதத்தில் ஈடுபட்டனர்.