Home /News /tamil-nadu /

உங்களோடு நானும் களத்தில் நிற்கிறேன், நிற்பேன் - முதல்வர் மு.க.ஸ்டாலின்

உங்களோடு நானும் களத்தில் நிற்கிறேன், நிற்பேன் - முதல்வர் மு.க.ஸ்டாலின்

மிக அதிக மழை பெய்யும் இக்காலத்தில் நேரம், காலம் பார்க்காது களத்தில் பணியாற்றி வரும் மக்கள் பிரதிநிதிகள், அரசு அதிகாரிகளுடன் நானும் களத்தில் நிற்கிறேன், நிற்பேன் என முதல்வர் மு.க.ஸ்டாலின் தெரிவித்துள்ளார்.

மிக அதிக மழை பெய்யும் இக்காலத்தில் நேரம், காலம் பார்க்காது களத்தில் பணியாற்றி வரும் மக்கள் பிரதிநிதிகள், அரசு அதிகாரிகளுடன் நானும் களத்தில் நிற்கிறேன், நிற்பேன் என முதல்வர் மு.க.ஸ்டாலின் தெரிவித்துள்ளார்.

மிக அதிக மழை பெய்யும் இக்காலத்தில் நேரம், காலம் பார்க்காது களத்தில் பணியாற்றி வரும் மக்கள் பிரதிநிதிகள், அரசு அதிகாரிகளுடன் நானும் களத்தில் நிற்கிறேன், நிற்பேன் என முதல்வர் மு.க.ஸ்டாலின் தெரிவித்துள்ளார்.

  • News18 Tamil
  • 2 minute read
  • Last Updated :
    தமிழகத்தில் கடந்த சில நாட்களாக வடகிழக்கு பருவ மழை தீவிரமாக பெய்து வருகிறது. இதனால், பொதுமக்களின் இயல்பு வாழ்க்கை பெரிதும் பாதிக்கப்பட்டுள்ளது. தாழ்வான பகுதிகளில் தண்ணீர் தேங்கி வெள்ளக்காடாக காட்சி அளிக்கின்றன. குறிப்பாக சென்னையில் பெரும்பாலான பகுதிகள் மழையால் கடுமையாக பாதிக்கப்பட்டுள்ளன.

    இதனிடையே, வடகிழக்கு பருவ மழையால் சென்னையில் இயல்பைவிட 77 சதவீதம் மழை அதிகமாக பதிவாகி உள்ளதாக சென்னை வானிலை ஆய்வு மைய இயக்குனர் புவியரசன் தெரிவித்துள்ளார். மேலும், கடந்த 200 ஆண்டுகளில் ஒரே மாதத்தில் 1000 மி.மீ மழை பதிவாவது இதுதான் நான்காவது முறை என வானிலை வல்லுநர்கள் தெரிவிக்கின்றனர்.

    இதுதொடர்பாக தமிழ்நாடு வெதர்மேன் பிரதீப் ஜான் தனது ட்விட்டர் பதிவில் கூறியதாவது, கடந்த 200 வருடங்களில் நான்காவது முறையாக சென்னையில் 1000மி.மீ மழை பதிவாகியுள்ளது. நவம்பர் மாதத்தில் 3வது முறையாக 1000 மி.மீ மழை பதிவாகி உள்ளது.1918ம் ஆண்டு நவம்பரில் 1088 மிமீ பெய்துள்ளது, 2005ம் ஆண்டு அக்டோபரில் 1078 மி.மீ பெய்துள்ளது. 2015ம் ஆண்டு நவம்பரில் 1049 மி.மீ மழை பெய்துள்ளது. 2021 நவம்பரில் தற்போது வரை 1003 மி.மி மழை பெய்துள்ளது என்று தெரிவித்துள்ளார்.

    இந்நிலையில், மிக அதிக மழை பெய்யும் இக்காலத்தில் நேரம், காலம் பார்க்காது களத்தில் பணியாற்றி வரும் மக்கள் பிரதிநிதிகள், அரசு அதிகாரிகளுடன் நானும் களத்தில் நிற்கிறேன்; நிற்பேன் என முதல்வர் மு.க.ஸ்டாலின் தெரிவித்துள்ளார்.



    இதுதொடர்பாக மு.க.ஸ்டாலின் தனது முகநூல் பதிவில் கூறியதாவது, சென்னையில், கடந்த 200 ஆண்டுகளில் ஒரே மாதத்தில் 1000 மி.மீ மழை பதிவாவது இதுதான் நான்காவது முறை என்கிறார்கள் வானிலை வல்லுநர்கள். இத்தகைய கடும் மழைப் பொழிவிலும் உயிர்ப்பலிகளைத் தடுத்து; முடிந்தவரை உடமைச்சேதங்களைக் குறைத்து; பாதிப்புகள் விரைந்து சரிசெய்யப்பட்டு; நிலைமை கட்டுக்குள் இருப்பதை உறுதிசெய்துள்ளதற்கு முழுமுதற்காரணம், ஓய்வுறக்கமின்றி நாள் முழுதும் கொட்டும் மழையில் பணியாற்றி வரும் மாநகராட்சி, மின்துறை, பொதுப்பணித்துறை, வருவாய்த்துறை, காவல்துறை, உள்ளிட்ட அனைத்துத் துறை அதிகாரிகள்தான். அவர்களுக்கு நாம் எத்தனை நன்றி கூறினாலும் போதாது!

    அடுத்த சில நாட்களுக்கும் மிக அதிக மழை தொடரும் என அறிவிக்கப்பட்டிருப்பதால், மக்கள் பிரதிநிதிகள், அரசு அதிகாரிகள் அனைவரும் நேரம், காலம் பார்க்காது களத்திலேயே இருந்து பணியினைத் தொடர்ந்து மேற்கொள்ளுமாறு கேட்டுக்கொள்கிறேன். உங்களோடு முதலமைச்சராகிய நானும் களத்தில் நிற்கிறேன்; நிற்பேன்! இவ்வாறு அவர் கூறியுள்ளார்.
    Published by:Esakki Raja
    First published:

    Tags: Heavy rain, MKStalin

    அடுத்த செய்தி