Home /News /tamil-nadu /

எல்லா பேருந்துகளிலும் பெண்களுக்கு இலவசம் என்றால் போக்குவரத்து கழகத்தை எப்படி நடத்துவது? - அமைச்சர் ராஜ கண்ணப்பன்

எல்லா பேருந்துகளிலும் பெண்களுக்கு இலவசம் என்றால் போக்குவரத்து கழகத்தை எப்படி நடத்துவது? - அமைச்சர் ராஜ கண்ணப்பன்

மாதிரிப்படம்

மாதிரிப்படம்

போக்குவரத்துத்துறை ஏற்கனவே 48,000 கோடி ரூபாய் நஷ்டத்தில் இயங்கி வருவதாக அமைச்சர் குறிப்பிட்டார்.

  • News18 Tamil
  • 1 minute read
  • Last Updated :
மாநகர பேருந்துகளில் மகளிர் மகிழ்ச்சியாக பயணம் மேற்கொண்டு வருவதாகவும், அனைத்து பேருந்துகளிலும் இலவசமாக அனுமதித்தால் போக்குவரத்து கழகத்தை எப்படி நடத்த முடியும் என அமைச்சர் ராஜகண்ணப்பன் தெரிவித்துள்ளார்.

சட்டப்பேரவையில் வினாக்கள் விடைகள் நேரத்தில், குறிப்பிட்ட பேருந்துகளில் தான் பெண்களுக்கு இலவசம் என்பதாகவும், அனைத்து பேருந்துகளிலும் பெண்களுக்கு இலவசம் என்று அரசு அறிவித்துள்ள நிலையில், இதுகுறித்து தெளிவுபடுத்த வேண்டும் என சட்டமன்ற உறுப்பினர் செல்லூர் ராஜூ கேள்வி எழுப்பினார்.

இதற்கு பதிலளித்த போக்குவரத்துத்துறை அமைச்சர் ராஜகண்ணப்பன், மகளிர் பேருந்து என்பது முதலமைச்சரின் கனவுத்திட்டம் என்றும், பெண்களுக்கென எந்த பேருந்துகள் இயக்கப்படுகிறதோ அதில் தான் ஏறி பயணிக்க வேண்டும் எனவும், அனைத்து பேருந்துகளிலும் பெண்களுக்கு இலவசம் என்று அறிவித்தால் போக்குவரத்துக்கழகத்தை எவ்வாறு நடத்துவது? என கேள்வி எழுப்பினார்.

மேலும்,போக்குவரத்துத்துறை ஏற்கனவே 48,000 கோடி ரூபாய் நஷ்டத்தில் இயங்கி வருவதாக குறிப்பிட்ட அவர், மகளிர் அனைவரும் பேருந்துகளில் மகிழ்ச்சியாக பயணம் மேற்கொண்டு வருவதாகவும் கூறினார்
Published by:Ramprasath H
First published:

Tags: Bus, DMK, MK Stalin, Sellur K. Raju, Tamilnadu, TN Assembly, Women Care

அடுத்த செய்தி