Home /News /tamil-nadu /

இந்த 10 மாவட்டங்களில் இன்று கனமழை பெய்யும் - வானிலை ஆய்வுமையம்

இந்த 10 மாவட்டங்களில் இன்று கனமழை பெய்யும் - வானிலை ஆய்வுமையம்

மழை

மழை

Weathe Update : வளி மண்டல கீழடுக்கு சுழற்சி மற்றும் வெப்பச்சலனம் காரணமாக, கோவை, திண்டுக்கல், வேலூர் உள்ளிட்ட 10 மாவட்டங்களில் இன்று கனமழை பெய்யும் என சென்னை வானிலை ஆய்வுமையம் தெரிவித்துள்ளது.

    தமிழக பகுதிகளின் மேல் நிலவும் வளி மண்டல கீழடுக்கு சுழற்சி மற்றும் வெப்பச்சலனம் காரணமாக, இன்று (மே - 26) தமிழ்நாடு, புதுவை மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என்றும், நீலகிரி, கோவை, திருப்பூர், திண்டுக்கல், திருப்பத்தூர், வேலூர், ராணிப்பேட்டை, திருவண்ணாமலை, திருவள்ளூர் மற்றும் காஞ்சிபுரம் மாவட்டங்களில் ஓரிரு இடங்களில் கனமழை பெய்ய வாய்ப்புள்ளது எனவும் வாலை ஆய்வுமையம் தெரிவித்துள்ளது.

    நாளை (மே-27ம் தேதி) தமிழ்நாடு, புதுவை மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என்றும், நீலகிரி, கோவை, திருப்பூர், திண்டுக்கல், சேலம், தர்மபுரி, நாமக்கல், கள்ளக்குறிச்சி, திருவண்ணாமலை, வேலூர், திருப்பத்தூர், ராணிப்பேட்டை, செங்கல்பட்டு, காஞ்சிபுரம், கடலூர் மற்றும் பெரம்பலூர் மாவட்டங்களில் ஓரிரு இடங்களில் கனமழை பெய்ய வாய்ப்புள்ளது எனவும் தெரிவிக்கப்பட்டுள்ளது.

    சனிக்கிழமை (28ஆம் தேதி) தமிழ்நாடு, புதுவை மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். மேலும், மே- 29 மற்றும் 30ஆகிய தேதிகளில், தமிழ்நாடு, புதுவை மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும் என்றும் வானிலை ஆய்வுமையம் தெரிவித்துள்ளது.

    சென்னையை பொறுத்தவரை, அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் சில இடங்களில் இடி மின்னலுடன் கூடிய லேசான / மிதமான மழை பெய்யக்கூடும். அதிகபட்ச வெப்பநிலை 38 டிகிரி செல்சியஸ் மற்றும் குறைந்தபட்ச வெப்பநிலை 29 டிகிரி செல்சியஸை ஒட்டி இருக்கக்கூடும்.

    கடந்த 24 மணி நேரத்தில் பதிவான மழை அளவு (சென்டிமீட்டரில்):

    ஆவடி (திருவள்ளூர்) 9, சோழவந்தான் (மதுரை), நடுவட்டம் (நீலகிரி), தாமரைப்பாக்கம் (திருவள்ளூர்) தலா 6, வேப்பந்தட்டை (பெரம்பலூர்), ஆண்டிபட்டி (தேனி), நிலக்கோட்டை (திண்டுக்கல்), முகையூர் (விழுப்புரம்) தலா 5, வேடசந்தூர் (திண்டுக்கல்), ஆனைமடுவு அணை (சேலம்), வாடிப்பட்டி (மதுரை), மருங்காபுரி (திருச்சி), இலுப்பூர் (புதுக்கோட்டை) தலா 4, பேச்சிப்பாறை (கன்னியாகுமரி), பண்ருட்டி (கடலூர்), கிளென்மார்கன் (நீலகிரி), வால்பாறை PTO (கோவை), காமாட்சிபுரம் (திண்டுக்கல்) தலா 3,

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    வால்பாறை தாலுகா அலுவலகம் (கோவை), KVK காட்டுக்குப்பம் ARG (காஞ்சிபுரம்) திருத்தணி (திருவள்ளூர்), பெரியகுளம் (தேனி), திருவாலங்காடு (திருவள்ளூர்), துவாக்குடி (திருச்சி), மணப்பாறை (திருச்சி), சிவலோகம் (கன்னியாகுமரி), பொன்னனையார் அணை (திருச்சி), கெட்டி (நீலகிரி), சின்கோனா (கோவை) தலா 2,

    Must Read : மலைகளின் இளவரசி கொடைக்கானலுக்கு இன்று 177வது பிறந்தநாள்..!

    திருத்தணி PTO (திருவள்ளூர்), வீரபாண்டி (தேனி), சிற்றாறு (கன்னியாகுமரி), எறையூர் (பெரம்பலூர்), சூளகிரி (கிருஷ்ணகிரி), விராலிமலை (புதுக்கோட்டை), பூந்தமல்லி (திருவள்ளூர்), சேலம் (சேலம்), பாபநாசம் (திருநெல்வேலி), பெருந்துறை (ஈரோடு), குந்தா பாலம் (நீலகிரி), பெருஞ்சாணி அணை (கன்னியாகுமரி), பென்னாகரம் (தர்மபுரி), கூடலூர் பஜார் (நீலகிரி), பெரியநாயக்கன்பாளையம் (கோவை), மேல் பவானி (நீலகிரி) , கோத்தகிரி (நீலகிரி), திரூர் (திருவள்ளூர்) தலா 1.

    மீனவர்களுக்கான எச்சரிக்கை :

    வெள்ளி மற்றும் சனி (மே-26, 27) ஆகிய நாட்களில் இலட்சதீவு, கேரளா மற்றும் அதனை ஒட்டிய குமரிக்கடல் மற்றும் தென்தமிழக கடலோர பகுதிகளில் சூறாவளிக்காற்று மணிக்கு 40 முதல் 50 கிலோ மீட்டர் வேகத்தில் வீசக்கூடும் என்பதால் மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாமென்று சென்னை வானிலை ஆய்வு மையம் அறிவுறுத்தியுள்ளது.
    Published by:Suresh V
    First published:

    Tags: Heavy rain, Meteorological Center, Rain Forecast, Weather News in Tamil

    அடுத்த செய்தி