Home /News /tamil-nadu /

தொழிலதிபரை கடத்தி சொத்துக்களை எழுதி வாங்கியதாக பதிவான வழக்கு - காவல் உதவி ஆணையரின் முன்ஜாமின் மனு தள்ளுபடி

தொழிலதிபரை கடத்தி சொத்துக்களை எழுதி வாங்கியதாக பதிவான வழக்கு - காவல் உதவி ஆணையரின் முன்ஜாமின் மனு தள்ளுபடி

சென்னை உயர்நீதிமன்றம்

சென்னை உயர்நீதிமன்றம்

Chennai Crime News | சென்னையை சேர்ந்த தொழிலதிபர் ராஜேஷை கடத்திச் சென்று, துன்புறுத்தி அவரது சொத்துக்களை மூன்றாம்  நபர் பெயருக்கு  எழுதி வாங்கியதாக சென்னை திருமங்கலம் காவல் உதவி ஆணையர் சிவகுமார், இன்ஸ்பெக்டர் சரவணன், எஸ்.ஐ.,  பாண்டியராஜன் உள்ளிட்டோர் மீது சி.பி.சி.ஐ.டி., போலீசார் வழக்குப்பதிவு செய்தனர்.

மேலும் படிக்கவும் ...
  • News18
  • Last Updated :
தொழிலதிபரை கடத்தி சொத்துக்களை எழுதி வாங்கியதாக பதிவான வழக்கில் காவல்துறை உதவி ஆணையரின் முன்ஜாமின் மனுவை சென்னை உயர் நீதிமன்றம் தள்ளுபடி செய்துள்ளது.

சென்னையை சேர்ந்த தொழிலதிபர் ராஜேஷை கடத்திச் சென்று, துன்புறுத்தி அவரது சொத்துக்களை மூன்றாம்  நபர் பெயருக்கு  எழுதி வாங்கியதாக சென்னை திருமங்கலம் காவல் உதவி ஆணையர் சிவகுமார், இன்ஸ்பெக்டர் சரவணன், எஸ்.ஐ.,  பாண்டியராஜன் உள்ளிட்டோர் மீது சி.பி.சி.ஐ.டி., போலீசார் வழக்குப்பதிவு செய்தனர்.

இந்த வழக்கில் முன்ஜாமீன் கோரி சென்னை உயர் நீதிமன்றத்தில் உதவி ஆணையர் சிவகுமார் மனு தாக்கல் செய்தார்.இந்த மனு நீதிபதி ஜெயச்சந்திரன் முன்பு விசாரணைக்கு  வந்தது.

அப்போது, காவல்துறை தரப்பில் ஆஜரான வழக்கறிஞர் சந்தோஷ், வெங்கட சிவஞானகுமார் என்பவரை  வெங்கடேஷ் என்பவர்  20 கோடி ரூபாய் மோசடி செய்ததாக திருமங்கலம் போலீசில் புகார் அளிக்கப்பட்டதாகவும் இந்த புகாரின் அடிப்படையில், வெங்கடேஷை, உதவி ஆணையர் சிவகுமார், இன்ஸ்பெக்டர் சரவணன் உள்ளிட்டோர் கடத்திச் சென்று பல கோடி ரூபாய் மதிப்புள்ள சொத்துக்களை எழுதி வாங்கியுள்ளதாகவும் தெரிவித்தார்.

பின்னர், உதவி ஆணையர் உத்தரவின்படி இன்ஸ்பெக்டர் தலைமையிலான காவல்துறையினர், புகார்தாரர் ராஜேஷின் சொத்து ஆவணங்களை பறித்துக் கொண்டும், அவரது தாயாரை காயப்படுத்தியதாகவும் கூறினார்.

சில நாட்களுக்கு பின்னர் ராஜேசை திருமங்கலம் காவல் நிலையத்திற்கு பிடித்து சென்று, அவரது சொத்தை எழுதி வாங்கிக் கொண்டதாகவும் இந்த ஒட்டுமொத்த சம்பவத்துக்கும் மனுதாரர்தான் முக்கிய நபராக செயல்பட்டுள்ளதாகவும் வாதிடப்பட்டது.

இதுகுறித்து வழக்கு பதிவு செய்த நாளில் இருந்து மனுதாரர் சிவகுமார் தலைமறைவாக உள்ளதாகவும் தற்போது அவர் பணியிடை நீக்கம் செய்யப்பட்டுள்ள நிலையில் சிவகுமாரை போலிஸ் காவலில் வைத்து விசாரிப்பது அவசியம் என்பதால் அவருக்கு முன் ஜாமீன் வழங்கக்கூடாது என எதிர்ப்பு தெரிவிக்கப்பட்டது.

மனுதாரர் தரப்பில் ஆஜரான மூத்த வழக்கறிஞர் என்.ஆர்.இளங்கோ, இந்த வழக்கில் முக்கிய குற்றவாளிக்கும்,புகார்தாரருக்கும் சமரசம் ஏற்பட்டு விட்டதாகவும்  இது சம்மந்தமாக சமரச ஒப்பந்தம் செய்துள்ளதால் உதவி ஆணையர் சிவகுமாருக்கு முன்ஜாமீன் வழங்க வேண்டும் என வாதிட்டார்.

Also read... திருநெல்வேலியில் 5 கிலோ தங்க நகைகள் கொள்ளையடிக்கப்பட்ட வழக்கில் 6 பேர் கைது

இருதரப்பு வாதங்களையும் கேட்ட நீதிபதி, "மனுதாரர் சிவக்குமாருக்கு எதிராக புகார்தாரர் முக்கிய குற்றச்சாட்டுகளை கூறியுள்ளயதாகவும் தற்போது, இருதரப்பினருக்கும் இடையே சமரசம் ஏற்பட்டுவிட்டது என்பதற்காக அதிகாரத்தை தவறாக பயன்படுத்திய குற்றச்சாட்டில் இருந்து  மனுதாரரை விடுவிக்க  முடியாது என நீதிபதி தெரிவித்தார்.

ஒரு மூத்த காவல் அதிகாரியான மனுதாரர் தலைமறைவாகி இருப்பதன் மூலம் அவரது உள்நோக்கம் என்னவென்று வெளிப்படுவதாக குறிப்பிட்டுள்ள நீதிபதி, உதவி ஆணையர் சிவகுமாரை முன்ஜாமீனில் விட்டால், போலீஸ் விசாரணைக்கு ஆஜராக மாட்டார் என தெரிவித்து அவரது முன் ஜாமீன் மனுவை தள்ளுபடி செய்து உத்தரவிட்டார்.
Published by:Vinothini Aandisamy
First published:

Tags: Chennai, Madras High court

அடுத்த செய்தி