Home /News /tamil-nadu /

கட்டிட அனுமதியை மீறி கட்டுமானங்களை மேற்கொள்ள அனுமதிக்கக்கூடாது - ஜெயங்கொண்டம் நகராட்சி ஆணையருக்கு நீதிமன்றம் உத்தரவு!

கட்டிட அனுமதியை மீறி கட்டுமானங்களை மேற்கொள்ள அனுமதிக்கக்கூடாது - ஜெயங்கொண்டம் நகராட்சி ஆணையருக்கு நீதிமன்றம் உத்தரவு!

சென்னை உயர்நீதிமன்றம்

சென்னை உயர்நீதிமன்றம்

அரியலூர் மாவட்டம் ஜெயங்கொண்டத்தில் ஜோசப் ரெட்டியார் காலனியில் உள்ள பொதுமக்கள் பயன்படுத்தி வந்த 15 அடி அகலமுள்ள பொதுப் பாதையில் ஜெரோம் ஸ்டான்லி மற்றும் ரீட்டா மேரி ஆகியோர் ஐந்தடி வரை ஆக்கிரமிப்பு செய்து கட்டுமான பணி மேற்கொண்டு வருவதாக குறிப்பிட்டுள்ளார்.

மேலும் படிக்கவும் ...
  • News18
  • Last Updated :
கட்டிட அனுமதியை மீறி கட்டுமானங்களை மேற்கொள்ள அனுமதிக்கக்கூடாது என்றும், பொதுப்பாதை ஆக்கிரமிக்கப்படவில்லை என்பதை உறுதிசெய்ய வேண்டுமெனவும் ஜெயங்கொண்டம் நகராட்சி ஆணையருக்கு சென்னை உயர் நீதிமன்றம் உத்தரவிட்டுள்ளது.

இதுதொடர்பாக மருத்துவர் மணிகண்டன் என்பவர் தாக்கல் செய்துள்ள பொது நல மனுவில், அரியலூர் மாவட்டம் ஜெயங்கொண்டத்தில் ஜோசப் ரெட்டியார் காலனியில் உள்ள பொதுமக்கள் பயன்படுத்தி வந்த 15 அடி அகலமுள்ள பொதுப் பாதையில் ஜெரோம் ஸ்டான்லி மற்றும் ரீட்டா மேரி ஆகியோர் ஐந்தடி வரை ஆக்கிரமிப்பு செய்து கட்டுமான பணி மேற்கொண்டு வருவதாக குறிப்பிட்டுள்ளார்.

இது தொடர்பாக பலமுறை ஜெயங்கொண்டம் நகராட்சி ஆணையரிடம் மனு அளித்ததாகவும், அதில் இருவருக்கும் நோட்டீஸ் அனுப்பப்பட்ட நிலையில், ஆக்கிரமிப்புகள் அகற்றப்படவில்லை எனவும், ஆக்கிரமிப்பை அகற்றும் படி சம்பந்தப்பட்ட அதிகாரிகளுக்கு உத்தரவிட வேண்டுமென கோரிக்கை வைத்திருந்தார்.

Also read... கரும்புக்கு உரிய விலை கிடைக்கவில்லை - விவசாயிகள் வேதனை!

இந்த மனு பொறுப்புத் தலைமை நீதிபதி முனீஷ்வர் நாத் பாண்டாரி, நீதிபதி ஆதிகேசவலு அமர்வில் விசாரணைக்கு வந்தபோது, நகராட்சி ஆணையர் தரப்பில் பொதுப்பாதையில் கட்டுமானம் மேற்கொள்வது தொடர்பான புகாரில் நோட்டீஸ் அனுப்பப்பட்டவுடன், கட்டுமான பணிகள் மேற்கொண்டு நடைபெறாமல் நிறுத்தப்பட்டதாக தெரிவிக்கப்பட்டது.

Also read... பிரபல ரவுடி குணா என்கவுன்டர் செய்யப்படலாம் என அச்சம் தெரிவித்து அவரது மனைவி தொடர்ந்த வழக்கு தள்ளுபடி...!

இதனை ஏற்றுக்கொண்ட நீதிபதிகள், கட்டிட அனுமதியை மீறி கட்டுமானங்களை மேற்கொள்ள அனுமதிக்கக்கூடாது என்றும், பொதுப்பாதை ஆக்கிரமிக்கப்படவில்லை என்பதை உறுதிசெய்ய வேண்டுமெனவும் ஜெயங்கொண்டம் நகராட்சி ஆணையருக்கு உத்தரவிட்டு மருத்துவர் மணிகண்டன் தொடர்ந்த வழக்கை முடித்துவைத்தனர்.
Published by:Vinothini Aandisamy
First published:

Tags: Madras High court

அடுத்த செய்தி