Home /News /tamil-nadu /

₹134 கோடி மதிப்புள்ள அனாதீன நிலம் 66 நபர்களுக்கு ஒதுக்கீடு - விசாரணை நிலை குறித்து அறிக்கை கேட்கும் உயர் நீதிமன்றம்!

₹134 கோடி மதிப்புள்ள அனாதீன நிலம் 66 நபர்களுக்கு ஒதுக்கீடு - விசாரணை நிலை குறித்து அறிக்கை கேட்கும் உயர் நீதிமன்றம்!

சென்னை உயர்நீதிமன்றம்

சென்னை உயர்நீதிமன்றம்

வழக்கை சிபிசிஐடி விசாரணைக்கு மாற்ற கோரி, உள்துறை செயலாளருக்கும், காஞ்சிபுரம் மாவட்ட எஸ்.பி.க்கும் மனு அனுப்பியும் எந்த நடவடிக்கையும் எடுக்கவில்லை எனவும் மனுவில் தெரிவிக்கப்பட்டுள்ளது.

  • News18
  • 1 minute read
  • Last Updated :
செங்கல்பட்டு மாவட்டம், தாழம்பூர் கிராமத்தில் 134 கோடி ரூபாய் மதிப்பிலான 102 ஏக்கர் அனாதீன நிலத்தை, 66 தனிநபர்களுக்கு ஒதுக்கியது தொடர்பான வழக்கின் புலன் விசாரணை நிலை குறித்த அறிக்கையை தாக்கல் செய்ய தமிழக அரசுக்கு சென்னை உயர் நீதிமன்றம் உத்தரவிட்டுள்ளது.

காஞ்சிபுரம் மாவட்டம், மதுராந்தகத்தைச் சேர்ந்த சந்திரன் என்பவர் தாக்கல் செய்த மனுவில், செங்கல்பட்டு மாவட்டம், தாழம்பூர் கிராமத்தில், 134 கோடி ரூபாய் மதிப்பிலான 102 ஏக்கர் அனாதீன நிலம், 66 தனி நபர்களுக்கு சட்ட விரோதமாக ஒதுக்கப்பட்டுள்ளது எனவும், இதுசம்பந்தமாக காஞ்சிபுரம் மாவட்ட குற்றப்பிரிவு, வழக்குப்பதிவு செய்ததாகவும் குறிப்பிட்டுள்ளார்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

ஆனால், அந்த வழக்கில் எந்த விசாரணையும் மேற்கொள்ளவில்லை எனவும், இந்த மெகா ஊழலில் ஈடுபட்ட அதிகாரிகள் மீது எந்த நடவடிக்கையும் எடுக்கப்படவில்லை என்பதால், இந்த வழக்கை சிபிசிஐடி விசாரணைக்கு மாற்ற கோரி, உள்துறை செயலாளருக்கும், காஞ்சிபுரம் மாவட்ட எஸ்.பி.க்கும் மனு அனுப்பியும் எந்த நடவடிக்கையும் எடுக்கவில்லை எனவும் கூறியிருந்தார்.

Also read... பேருந்துகளில் திருக்குறள் பலகை வைக்கும் பணிகள் 10 நாட்களுக்குள் முடிக்கப்படும் - அமைச்சர் ராஜகண்ணப்பன்!

அதனால் தனது மனுவை பரிசீலித்து, இந்த நில ஒதுக்கீடு ஊழல் வழக்கை சிபிசிஐடி-க்கு மாற்ற உத்தரவிட வேண்டும் என மனுவில் கோரியிருந்தார்.

இந்த வழக்கை விசாரித்த தலைமை நீதிபதி சஞ்சிவ் பானர்ஜி மற்றும் நீதிபதி செந்தில்குமார் ராமமூர்த்தி அடங்கிய அமர்வு, மனுவுக்கு நான்கு வாரங்களில் பதிலளிக்கும்படியும், இந்த வழக்கு தொடர்பான புலன் விசாரணை குறித்த அறிக்கையை தாக்கல் செய்யவும் உத்தரவிட்டு, விசாரணையை தள்ளிவைத்தது.



உடனுக்குடனான செய்திகளுக்கு இணைந்திருங்கள்.
Published by:Vinothini Aandisamy
First published:

Tags: Madras HC

அடுத்த செய்தி