''யாராலும் தடுக்க முடியாது.. நாட்டுக்காக உழைப்பேன்'' - சஸ்பெண்ட் குறித்து பதிலளித்த காயத்ரி ரகுராம்!

பாஜகவில் இருந்து நீக்கப்பட்டதற்கு காயத்ரி ரகுராம் அவரது ட்விட்டர் பக்கத்தில் பதிலளித்துள்ளார்

பாஜகவின் வெளிநாடு மற்றும் அண்டை மாநில தமிழ் வளர்ச்சி பிரிவின் மாநில தலைவர் காயத்ரி ரகுராம் கட்சியின் கட்டுப்பாட்டை மீறியும், கட்சிக்கு களங்கள் விளைவிக்கும் செயல்களில் தொடர்ச்சியாக ஈடுபட்டு வருவதால் கட்சியில் அவர் வகித்து வரும் அனைத்து பொறுப்புகளிலிருந்தும் ஆறு மாத காலத்திற்கு நீக்கப்படுவதாக அறிவித்துள்ளார் அக்கட்சியின் தலைவர் அண்ணாமலை.

மேலும், கட்சியின் நிர்வாகிகள் மற்றும் தொண்டர்களிடம் கட்சி சார்பாக எவ்வித தொடர்பும் வைத்து கொள்ள வேண்டாம் என அறிவுறுத்தியுள்ளார்.

I accept. But people who love me will talk to me. No one can stop that. I will work for the Nation with suspension. pic.twitter.com/BM09VEc2vP

— Gayathri Raguramm 🇮🇳🚩 (@BJP_Gayathri_R) November 22, 2022

இந்த அறிக்கையை அவரது ட்விட்டர் பக்கத்தில் பதிவிட்ட காயத்ரி ரகுராம், ’’நான் இதை ஏற்றுகொள்கிறேன். ஆனால் என் மீது அன்பு கொண்டவர்கள் என்னிடம் பேசி கொண்டுதான் இருப்பார்கள். அதை யாராலும் நிறுத்த முடியாது. சஸ்பெண்ட் செய்யப்பட்ட போதும், நாட்டுக்காக உழைப்பேன்’’ என பதிவிட்டுள்ளார்.

முன்னதாக, பாஜக நிர்வாகி காயத்ரி ரகுராம் திருச்சி சூர்யா சிவாவுக்கு கண்டனம் தெரிவித்து அவரது ட்விட்டர் பக்கத்தில் பதிவிட்டிருந்தார்.