ஹோம் /நியூஸ் /தமிழ்நாடு /

கொரோனா காலத்தில் மருத்துவர்கள் துன்புறுத்தப்படாமல் இருக்க நடவடிக்கை தேவை- தமிழக டி.ஜி.பி.க்கு முன்னாள் தலைமை நீதிபதி வலியுறுத்தல்!

கொரோனா காலத்தில் மருத்துவர்கள் துன்புறுத்தப்படாமல் இருக்க நடவடிக்கை தேவை- தமிழக டி.ஜி.பி.க்கு முன்னாள் தலைமை நீதிபதி வலியுறுத்தல்!

மாதிரி படம்

மாதிரி படம்

தமிழக டிஜிபி-க்கு ஓய்வுபெற்ற தலைமை நீதிபதி என். பால் வசந்தகுமார் குறுஞ்செய்தி அனுப்பியுள்ளார்.

  • News18
  • 1 minute read
  • Last Updated :

கொரோனா காலத்தில் பணி முடித்து திரும்பும் மருத்துவர்கள் துன்புறுத்தப்படாமல் இருக்க நடவடிக்கை எடுக்கும்படி தமிழக டிஜிபி-க்கு தமிழகத்தை சேர்ந்த முன்னாள் தலைமை நீதிபதி பால் வசந்தகுமார் வலியுறுத்தியுள்ளார்.

தமிழகத்தை சேர்ந்த நீதிபதி என்.பால் வசந்தகுமார், ஜம்மு காஷ்மீர் மாநில உயர் நீதிமன்றத்தில் தலைமை நீதிபதியாக பணியாற்றி ஓய்வுபெற்றவர். தற்போது குடும்பத்துடன் சென்னையில் வசித்துவரும் நிலையில், அவரது மனைவியும், மகளும் போரூரில் உள்ள தனியார் மருத்துவமனையில் மருத்துவர்களாக பணியாற்றி வருகின்றனர்.

தற்போது கொரோனா தொற்று ஏற்பட்டோருக்கு சிகிச்சை அளித்துவரும் இருவரும் புதன்கிழமை, பணிமுடித்து வீடு திரும்பியுள்ளனர்.

அப்போது, அவர்கள் வந்த வாகனத்தை காவல்துறையினர் தடுத்து நிறுத்தியதாகவும், தாங்கள் மருத்துவர் என்பதற்கான அடையாள அட்டையை காண்பித்ததுடன், பணிமுடித்து திரும்புவதாகவும் தெரிவித்துள்ளதாக கூறப்படுகிறது. ஆனாலும் அதை ஏற்காத காவல்துறையினர், இருவரையும் மன உளைச்சலுக்கு ஆளாக்கியதாக கூறப்படுகிறது.

Also read... அவசர வழக்குகளின் ஆவணங்களை இமெயில் மூலம் தாக்கல் செய்ய சென்னை உயர் நீதிமன்றம் அனுமதி!

இந்த சம்பவத்தை குறிப்பிட்டு தமிழக டிஜிபி-க்கு ஓய்வுபெற்ற தலைமை நீதிபதி என். பால் வசந்தகுமார் குறுஞ்செய்தி அனுப்பியுள்ளார்.

அதில் கொரோனா காலத்தில் பணி முடித்து திரும்பும் மருத்துவர்கள் துன்புறுத்தப்படாமல் இருப்பதை உறுதி செய்வதற்கான நடவடிக்கை எடுக்கும்படி டிஜிபி-யிடம் வலியுள்ளதாக என கூறப்படுகிறது.

உடனுக்குடனான செய்திகளுக்கு இணைந்திருங்கள்.

First published:

Tags: Madras High court