தண்டவாளத்தைக் கடக்க முயன்ற ஒரே குடும்பத்தினரைச் சேர்ந்த 3 பேர் ரயில் மோதி உயிரிழப்பு!

வேலூர் மாவட்டம், ஆம்பூர் ரயில் நிலையத்தில், தண்டவாளத்தைக் கடந்த முயன்ற சிறுவன் உட்பட ஒரே குடும்பத்தைச் சேர்ந்த 3 பேர் ரயிலில் அடிபட்டு பரிதாபமாக உயிரிழந்தனர்.

ஆம்பூர் அடுத்த கரும்பூர் பகுதியைச் சேர்ந்த தொழிலாளி சங்கர், அவரது சகோதரி பானுமதி, அவரின் 11 வயது பேரன் நித்தீஷ் ஆகிய 3 பேர் இன்று காலை சென்னை செல்வதற்காக ஆம்பூர் ரயில் நிலையம் சென்றனர்.

அப்போது,  2-வது நடைமேடையில் இருந்து 3-வது நடைமேடைக்கு தண்டவாளத்தை கடந்த அவர்கள் மீது, வாணியம்பாடியில் இருந்து காட்பாடி நோக்கிச் சென்ற ரயில் மோதியது. அதில் மூவரும் சம்பவ இடத்திலேயே இறந்தனர். இந்த சம்பவம் குறித்து ஜோலார்பேட்டை ரயில்வே போலீசார் விசாரணை மேற்கொண்டு வருகின்றனர்.

Also Watch: எளிய முறையில் அதிக லாபம் தரும் தர்பூசணி விவசாயம்!