ரூ.100 கோடி மோசடி - சென்னை துறைமுகம் வங்கி கணக்கில் கைவரிசை காட்டிய மோசடி நபர்கள் கைது

மோசடி நபர்கள் கைது

கோடிக்கணக்கான ரூபாய் தொடர்பு இருப்பதாலும், மத்திய அரசு ஊழியர்கள் தொடர்பு இருப்பதாலும், இந்தியன் வங்கி துணை பொது மேலாளர் கடந்த ஆண்டு ஆகஸ்டு மாதம் சிபிஐ-யில் புகார் அளித்தார்.

  • Share this:
சென்னை துறைமுகத்துக்கு சொந்தமான ரூ.100 கோடி பணத்தை மோசடி செய்த நபர்களை போலீஸார் கைது செய்துள்ளனர். 

சென்னை துறைமுகத்திற்கு சொந்தமான 100 கோடி ரூபாய் பணம் கடந்த ஆண்டு மார்ச் மாதம் 7 ம் தேதி கோயம்பேட்டில் உள்ள இந்தியன் வங்கி கிளையில்  நிரந்தர முதலீடாக போடப்பட்டுள்ளது. இந்நிலையில் மூன்று நாட்கள் கழித்து கணேஷ் நடராஜன் என்பவர் சென்னை துறைமுகத்தின் துணை இயக்குனர் எனக் கூறி பல்வேறு ஆவணங்களை எடுத்து வந்துள்ளார்.

துறைமுகத்தின் 100 கோடி ரூபாய் பணத்தை இரண்டு வங்கி கணக்கு ஆரம்பித்து அதில் 50 கோடி ரூபாய் என்ற அளவில் மாற்றம் செய்ய வேண்டும் என்று கூறியுள்ளார். இதனையடுத்து வங்கி கணக்கு உருவாக்குவதற்கு சென்னை துறைமுகத்தின் அனுமதி சான்று, துறைமுக துணை இயக்குனர் ஐ.டி கார்டு உள்ளிட்ட ஆவணங்களை போலியாக தயாரித்து வங்கியில் கொடுத்து வங்கி கணக்கு துவங்கியுள்ளார்.

Also Read:  கஞ்சா தோட்டம் போட்டு கோடீஸ்வரனாக திட்டம் போட்ட வாலிபர் - நண்பரால் சிக்கிய பரிதாபம்

இதற்கு கோயம்பேடு இந்தியன் வங்கி மேலாளர் சேர்மதி ராஜா என்பவரும் உடந்தையாக இருந்துள்ளார். கணேஷ் நடராஜன் மற்றும் தரகர் மணிமொழி ஆகிய நபர்கள் சேர்ந்து வங்கியில் இருந்து மாற்றப்பட்ட ரூ. 50 கோடி பணத்தை பல்வேறு வங்கிக் கணக்கில் தொடர்ந்து மாற்றிக் கொண்டு வந்துள்ளனர்.இந்த நிலையில் மணிமொழி மற்றும் அவரது நண்பர் செல்வகுமார் ஆகியோர் கோயம்பேடு இந்தியன் வங்கிக்கு போலி ஆவணங்களுடன் வந்தபோது வங்கி அதிகாரிகள் உதவியுடன் கோயம்பேடு போலீசார் இருவரையும் கைது செய்தனர்.

அப்போது வங்கியில் போலி ஆவணங்கள் மூலம் ஏமாற்ற முயன்றதாக சாதாரண வழக்கில் இருவரும் கைது செய்யப்பட்டு பின்னர் ஜாமீனில் வெளியே வந்து தலைமறைவாகினர். பின்னர் இவர்கள் அனைவரும் துறைமுக முதலீட்டு பணத்தை மோசடி செய்தவர்கள் என தெரியவர இந்த வழக்கானது சென்னை மத்திய குற்றப்பிரிவுக்கு மாற்றப்பட்டு விசாரணையில் ஈடுபட்டு வந்தனர்.

Also Read:  EXCLUSIVE: ஆந்திராவில் இருந்து தமிழகத்துக்கு கடத்தப்படும் மணல் - சினிமாவை மிஞ்சும் பின்னணி!

இந்த நிலையில் கோடிக்கணக்கான ரூபாய் தொடர்பு இருப்பதாலும், மத்திய அரசு ஊழியர்கள் தொடர்பு இருப்பதாலும், இந்தியன் வங்கி துணை பொது மேலாளர் ஆறுமுகம் என்பவர் கடந்த ஆண்டு ஆகஸ்டு மாதம் சிபிஐ-யில் புகார் அளித்தார். அதன் அடிப்படையில் சிபிஐ அதிகாரிகள், துறைமுக அதிகாரி என கூறி மோசடியில் ஈடுபட்ட கணேஷ் நடராஜன், தரகர் மணிமொழி, செல்வகுமார் மற்றும் இந்தியன் வங்கி மேலாளர் சேர்மதி ராஜா ஆகியோர் மீது வழக்குப்பதிவு செய்தனர்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

சிபிஐ போலீசாரின் விசாரணையில் 100 கோடி ரூபாய் மோசடி செய்த விவகாரத்தில் 45 கோடி ரூபாய் அளவிற்கு இவர்கள் பல்வேறு வங்கிக் கணக்குகளில் மாற்றியது கண்டுபிடிக்கப்பட்டுள்ளது. மீதமுள்ள பணத்தை முடக்கி சென்னை துறைமுகத்திற்கு ஒப்படைத்தனர். இந்த மோசடியில் தொடர்புடைய வங்கி அதிகாரிகள், துறைமுக அதிகாரிகள் மற்றும் வேறு யாருக்கெல்லாம் தொடர்பு இருக்கிறது என்பது குறித்து சிபிஐ விசாரணை நடத்தி வந்தனர்.

இந்த நிலையில் இந்தியன் வங்கி மேலாளர் சேர்மதி ராஜா, கனேஷ் நடராஜன், தரகர் மணிமொழி ஆகியோர் வீடு மற்றும் அலுவலகங்களில் இன்று சிபிஐ அதிகாரிகள் சோதனை நடத்தினர். சோதனையில் பல்வேறு முக்கிய ஆவணங்கள் கைப்பற்றப்பட்டன. மேலும், தரகர் மணிமொழியை சிபிஐ அதிகாரிகள் கைது செய்தனர். மற்ற இரண்டு இடங்களில் சிபிஐ போலீசார் சோதனை நடத்தி வருகின்றனர்.



உடனடி செய்திகளுக்கு இணைந்திருங்கள்.
Published by:Ramprasath H
First published: