#FactCheck | கூகுள் சி.இ.ஓ சுந்தர் பிச்சை தமிழகம் வந்து ஓட்டு போட்டாரா... உண்மை என்ன?

சர்கார் படத்தில் வெளிநாட்டு நிறுவனத்தின் சி.இ.ஓ.வாக இருக்கும் விஜய், ஓட்டு போடுவதற்காக தமிழகம் வந்திருப்பார்.

#FactCheck | கூகுள் சி.இ.ஓ சுந்தர் பிச்சை தமிழகம் வந்து ஓட்டு போட்டாரா... உண்மை என்ன?
சுந்தர் பிச்சை
  • News18
  • Last Updated: October 24, 2019, 12:07 PM IST
  • Share this:
கூகுள் நிறுவனத்தின் சி.இ.ஓ தமிழத்தில் இன்று நடக்கும் மக்களவை தேர்தலில் ஓட்டு போட்டதாக புகைப்படங்கள் வைரலாக பரவி வருகின்றன.

தமிழகத்தில் வேலூர் நீங்களாக 38 மக்களவை தொகுதிகளுக்கு இன்று தேர்தல் நடக்கிறது. மேலும், 18 சட்டமன்ற தொகுதிகளுக்கான இடைத்தேர்தலும் நடக்கிறது. காலை 7 மணிக்கு தொடங்கிய வாக்குப்பதிவு அமைதியாக நடந்து வருகிறது.

அரசியல் தலைவர்கள், சினிமா பிரபலங்கள் ஆர்வமாக வந்து தங்களது வாக்குகளை பதிவு செய்தனர். நடிகர் அஜித் திருவான்மியூரில் ஓட்டு பதிவு செய்தார். நடிகர் விஜய், நீலாங்கரையில் உள்ள வாக்குச்சாவடியில் மக்களோடு, மக்களாக வரிசையில் நின்று வாக்களித்தார்.


விஜய் வரிசையில் நின்று வாக்குப்பதிவு செய்த புகைப்படங்களை ஒருவிரல் புரட்சி (#OruViralPuratchi) என்ற ஹேஷ்டேக் உடன் அவரது ரசிகர்கள் பகிர்ந்து வருகின்றனர். மேலும், சுந்தர் பிச்சை தமிழகம் வந்து வாக்களித்ததாகவும் அவர்களில் பலர் புகைப்படம் ஒன்றை பதிவிட்டுள்ளனர்.

சர்கார் படத்தில் வெளிநாட்டு நிறுவனத்தின் சி.இ.ஓ.வாக இருக்கும் விஜய், ஓட்டு போடுவதற்காக தமிழகம் வந்திருப்பார். அப்போது, அவரின் ஓட்டை வேறு ஒருவர் போட்டுவிட, அதன் பிறகு என்ன நடக்கிறது என்பதே படத்தின் கதை.

தற்போது, சுந்தர் பிச்சையும் கூகுள் நிறுவனத்தின் சி.இ.ஓ.வாக இருப்பதால், அவர் ஓட்டுபோட தமிழகம் வந்துள்ளதாக புகைப்படங்களை பலர் பகிர்ந்து வருகின்றனர். ஆனால், அவர் தற்போது அமெரிக்காவில் இருக்கிறார் என்பதே உண்மை.இணையத்தில் வைரலாகும் புகைப்படம் அவர் கடந்த 2017-ம் ஆண்டு கரக்பூர் ஐஐடிக்கு வந்த போது எடுத்த படம். தான் படித்த ஐஐடிக்கு அவர் வந்திருந்தபோது அந்த புகைப்படங்கள் எடுக்கப்பட்டது. தனது ட்விட்டரில் அவரே அந்த புகைப்படங்களை பதிவிட்டுள்ளார்.



மேலும், அமெரிக்காவில் குடியுரிமை பெற்றுள்ள சுந்தர் பிச்சைக்கு, இந்தியாவில் ஓட்டே கிடையாது என்பது கூடுதல் தகவல்.

Photos | வரிசையில் நின்று வாக்களித்த விஜய்...!

 






தேர்தல் செய்திகளை உடனுக்குடன் அறிய இங்கே கிளிக் செய்க.  அரசியல் செய்திகள், தேர்தல் பிரசார வீடியோக்கள், சுவாரஸ்யமான வீடியோக்கள், விவாதங்கள் என அனைத்தையும் இங்கே கிளிக் செய்து காண்க.



First published: April 18, 2019
மேலும் பார்க்க
அடுத்து செய்திகள்

Top Stories

corona virus btn
corona virus btn
Loading