நோட்டா குறித்த விழிப்புணர்வு மக்களுக்கு அளிக்கப்பட்டுள்ளது: தேர்தல் ஆணையம் விளக்கம்!

தெற்கு ரயில்வே, மெட்ரோ மூலமும் விளம்பரப்படுத்துவதோடு, போட்டிகள், கலைநிகழ்ச்சிகள், மற்றும் மாரத்தான் மூலம் வாக்களிப்பது குறித்த விழிப்புணர்வு அளிக்கப்பட்டு வருவதாக தேர்தல் ஆணையம் தெரிவித்துள்ளது.

news18
Updated: April 17, 2019, 5:06 PM IST
நோட்டா குறித்த விழிப்புணர்வு மக்களுக்கு அளிக்கப்பட்டுள்ளது: தேர்தல் ஆணையம் விளக்கம்!
நோட்டா
news18
Updated: April 17, 2019, 5:06 PM IST
நோட்டா குறித்த விழிப்புணர்வை தமிழகம் முழுவதும் முழுமையாக ஏற்படுத்தியிருப்பதாக தேர்தல் ஆணையம் சென்னை உயர் நீதிமன்றத்தில் தெரிவித்துள்ளது.

தேர்தலில் யாருக்கும் வாக்களிக்க விரும்பவில்லை என்பதற்காக நோட்டா கொண்டு வரப்பட்டது. இந்த நோட்டா குறித்து முழுமையாக விழிப்புணர்வை தேர்தல் ஆணையம் ஏற்படுத்தவில்லை.

இதனால் வாக்காளர்கள் வாக்களிக்க விரும்பவில்லை என்றாலும் ஏதேனும் ஒரு வேட்பாளருக்கு தங்களுடைய வாக்குகளை செலுத்த மறைமுகமாக கட்டாயப்படுத்தப்படுகிறார்கள். இது சுதந்திரமாக மக்கள் வாக்களிக்க வேண்டும் என்ற தேர்தல் விதிகளுக்கு எதிராக அமைந்து விடுகிறது.

இதுதொடர்பாக தகவல் அறியும் உரிமைச்சட்டத்தின் மூலம் கிடைத்த தகவலில், முதல் தலைமுறை வாக்காளர்களுக்கு நோட்டா குறித்து விழிப்புணர்வு ஏற்படுத்த விளம்பரத் தூதர் யாரையும் நியமிக்கவில்லை என்றும், தேர்தல் ஆணைய இணையதளத்தில் கூட நோட்டா குறித்த விவரங்கள் மாநில மொழிகளில் இடம்பெறவில்லை. வாக்காளர் உதவுமைய எண்கள், மொபைல் செயலிகளிலும் நோட்டா செயல்பாடுகள் குறித்து விவரங்கள் இல்லை என்று தெரியவந்தது.

இவ்வாறு நோட்டா குறித்த விழிப்புணர்வை ஏற்படுத்த தேர்தல் ஆணையம் தவறிவிட்டது. இதன் காரணமாகத் தான் ஊழல்வாதிகள், குற்றவாளிகள் தேர்தலில் வெற்றி பெற்று வருகின்றனர்.

எனவே நோட்டா குறித்து விழிப்புணர்வை அதிகமாக விளம்பரப்படுத்தக் கோரி காஞ்சிபுரத்தைச் சேர்ந்த நிர்மல்குமார் என்பவர் வழக்கு தொடர்ந்திருந்தார்.

இந்த வழக்கு நீதிபதிகள் மணிக்குமார், சுப்பிரமணிய பிரசாத் அமர்வில் விசாரணைக்கு வந்தது. அப்போது தேர்தல் ஆணையத்தின் தரப்பில், நோட்டா குறித்து விழிப்புணர்வு ஏற்படுத்த மேற்கொண்ட நடவடிக்கைகள் குறித்த விவரங்களை தாக்கல் செய்தனர்.
Loading...
அந்த அறிக்கையில் நடைப்பெற உள்ள மக்களவைத் தேர்தலில் நோட்டா குறித்து பேரூந்து நிலையங்கள், திரையரங்களிலும் விளம்பரப்படுத்தப்பட்டுள்ளது. அதுமட்டுமல்லாமல் நோட்டா குறித்த துண்டறிக்கைகள் பேருந்துகள், மார்க்கெட், உணவகங்களிலும் வழங்க ஏற்பாடு செய்யப்பட்டுள்ளது.

மேலும் சென்னையைப் பொறுத்தவரை மக்கள் அதிகம் கூடும் மெரினா கடற்கரை, கோயம்பேடு, பெசன்ட் நகர் கடற்கரைகளில் பெரிய அளவிலான எல் இ டி திரையில் விழிப்புணர்வு விளம்பரங்கள் காட்டப்படுகின்றன.

32 மாவட்ட ஆட்சியர் அலுவலகங்கள், அனைத்து தாலுகா அலுவலகங்கள் மூலம் மொபைல் வேன் மூலம் விளம்பரப்படுத்தப்படுகிறது.

தெற்கு ரயில்வே, மெட்ரோ மூலமும் விளம்பரப்படுத்துவதோடு, போட்டிகள், கலைநிகழ்ச்சிகள், மற்றும் மாரத்தான் மூலம் வாக்களிப்பது குறித்த விழிப்புணர்வு அளிக்கப்பட்டு வருவதாக தெரிவிக்கப்பட்டிருந்தது.

இதை ஏற்றுக்கொண்ட நீதிபதிகள் வழக்கை முடித்து வைத்து உத்தரவிட்டனர்.

Also see...








தேர்தல் செய்திகளை உடனுக்குடன் அறிய இங்கே கிளிக் செய்க.  அரசியல் செய்திகள், தேர்தல் பிரசார வீடியோக்கள், சுவாரஸ்யமான வீடியோக்கள், விவாதங்கள் என அனைத்தையும் இங்கே கிளிக் செய்து காண்க.



First published: April 17, 2019
மேலும் பார்க்க
Loading...
அடுத்து செய்திகள்
Loading...