தர்மபுரியில் அன்புமணியை வீழ்த்திய திமுகவின் செந்தில்குமார்!

தர்மபுரி தொகுதியில் 2014-ம் ஆண்டு வெற்றி பெற்று எம்.பியாக தேர்வான அன்புமணி ராமதாஸ், இம்முறை தோல்வியடைந்துள்ளார்.

தர்மபுரியில் அதிமுக கூட்டணி சார்பில் போட்டியிட்ட பாமக-வின் அன்புமணி ராமதாஸ் தான் மீண்டும் இம்முறை வெற்றி பெற வாய்ப்பு இருப்பதாக கூறப்பட்டது.

கடந்த 2014-ம் ஆண்டு நடைபெற்ற நாடாளுமன்ற தேர்தலில் அதிமுக மற்றும் திமுக-வுக்கு அதிர்ச்சி அளிக்கும் வகையில் தர்மபுரி தொகுதியில் வெற்றி பெற்றார் அன்புமணி ராமதாஸ். தர்மபுரி தொகுதியைப் பொறுத்தவரையில் வன்னியர் சமூகம் சார்ந்த ஓட்டுகளே அன்புமணிக்கு சாதகமாக அமைந்தன.

ஆனால், திமுக வேட்பாளர் டாக்டர் செந்தில்குமார் சப்தமில்லாமல் ஒரு சாதனையை செய்துள்ளார். அதிமுக + பாஜக என்று பெரும் கூட்டணி பலத்தில் போட்டியிட்ட அன்புமணியை செந்தில் குமார் வீழ்த்தியுள்ளார்.

The Declaration form.Thank you Dharmapuri constituents.😊🙏 pic.twitter.com/Mkr46ZIVZ0

— Dr.Senthilkumar.S (@DrSenthil_MDRD) May 23, 2019

வாக்கு எண்ணிக்கையில் முன்னிலை, பின்னடைவு என்று மாறி மாறி நிலவரம் வெளியான நிலையில், இறுதியாக 70 ஆயிரம் ஓட்டு வித்தியாசத்தில் செந்தில் குமார் வெற்றி பெற்றுள்ளார்.