Home /News /tamil-nadu /

'மிகத் தாமதமாக தூக்கம் கலைந்து விழித்துள்ளது திமுக அரசு' - மேகதாது அணை விவகாரத்தில் தினகரன் விமர்சனம்

'மிகத் தாமதமாக தூக்கம் கலைந்து விழித்துள்ளது திமுக அரசு' - மேகதாது அணை விவகாரத்தில் தினகரன் விமர்சனம்

டிடிவி தினகரன்

டிடிவி தினகரன்

''கருணாநிதி காலத்து நடைமுறைகளை மட்டும் வைத்துக்கொண்டு, தமிழகத்தின் நலனை திமுகவின் வழக்கப்படி இம்முறையும் விட்டுக் கொடுத்துவிடக் கூடாது.''

    'மிகத் தாமதமாக தூக்கம் கலைந்து விழித்துள்ளது திமுக அரசு' என்று மேகதாது அணை விவகாரத்தில் அ.ம.மு.க பொதுச் செயலாளர் டிடிவி தினகரன் விமர்சனம் செய்துள்ளார்.

    காவிரி ஆற்றின் குறுக்கே மேகதாதுவில் கர்நாடக அரசு அணை கட்டுவதற்கான வேலைகளில் தீவிரமாக இறங்கியுள்ளது. இந்தாண்டு இறுதிக்குள் அணை கட்டுவதற்கான பணிகள் தொடங்கி விடும் என்று அம்மாநில முதல்வர் பசவராஜ் பொம்மை தெரிவித்துள்ளார்.

    இந்நிலையில், மேகதாது அணை விவகாரம் தொடர்பாக தமிழக சட்டப்பேரைவயில் இன்று தனித் தீர்மானம் கொண்டு வரப்பட்டது. தமிழக நீர்வளத்துறை அமைச்சர் துரைமுருகன் தீர்மானத்தை தாக்கல் செய்தார்.

    இதனைத் தொடர்ந்து மேகதாது அணை விவகாரத்தில் கர்நாடக அரசைக் கண்டித்து கொண்டு வரப்பட்ட தீர்மானம் ஒருமனதாக தமிழக சட்டப் பேரவையில் நிறைவேற்றப்பட்டது.

    இதையும் படிங்க: இதெல்லாம் 2026-ம் ஆண்டுக்கான முன்னோட்டம்... ஜெயக்குமார் பேச்சால் சர்ச்சை


    இந்நிலையில், மேகதாது அணை விவகாரம், தமிழக அரசின் தடுப்பு நடவடிக்கைகள் உள்ளிட்டவை குறித்து அம்மா மக்கள் முன்னேற்ற கழகத்தின் பொதுச் செயலாளர் டிடிவி தினகரன் தனது ட்விட்டர் பக்கத்தில் கூறியிருப்பதாவது-

    ''மேகதாதுவில் அணை கட்டுவதற்கு நிதி ஒதுக்கி கர்நாடக அரசு பணிகளைத் தொடங்கிவிட்ட பிறகு, மிகத் தாமதமாக தூக்கம் கலைந்து விழித்துள்ள திமுக அரசு, மத்திய அரசுக்கு கோரிக்கை வைத்து தமிழக சட்டப்பேரவையில் தீர்மானம் நிறைவேற்றியிருக்கிறது.

    மேலும் படிங்க: 24 மணி நேரம் கெடு விதித்த செந்தில் பாலாஜி... ஆளுநரை சந்தித்து அண்ணாமலை புகார் மனு


    ஆனால், கடிதம் எழுதுவது, தீர்மானம் நிறைவேற்றுவது என்கிற கருணாநிதி காலத்து நடைமுறைகளை மட்டும் வைத்துக்கொண்டு, தமிழகத்தின் நலனை திமுகவின் வழக்கப்படி இம்முறையும் விட்டுக் கொடுத்துவிடக் கூடாது.

    நாடாளுமன்றத்தில் அதிக எம்.பி.க்களை வைத்திருக்கிறதோடு, தமிழகத்தின் ஆட்சி அதிகாரத்தையும் வைத்துள்ள முதல்வர் ஸ்டாலின், மத்திய அரசுக்கு உரிய அழுத்தம் கொடுத்து மேகதாது அணையைத் தடுத்து நிறுத்த வேண்டும் எனக் கேட்டுக்கொள்கிறேன்' என்று குறிப்பிட்டுள்ளார்.
    Published by:Musthak
    First published:

    Tags: Mekedatu, Mekedatu dam

    அடுத்த செய்தி