தீபாவளி பண்டிகை: சென்னையில் இருந்து சிறப்பு பஸ் புறப்படும் இடங்கள் எவை? -

தீபாவளி பண்டிகையையொட்டி சென்னையில் இருந்து வெளியூர் செல்லும் சிறப்பு பேருந்துகள் புறப்படும் இடங்களை சென்னை போக்குவரத்து காவல் சார்பில் அறிவிக்கப்பட்டுள்ளது.

இதுகுறித்து சென்னை போக்குவரத்து போலீசார் வெளியிட்டுள்ள செய்திகுறிப்பில், பொங்கல், தீபாவளி போன்ற பண்டிகை நாட்களிலும், தொடர் விடுமுறை நாட்களிலும் பொதுமக்கள் சிரமமில்லாமல் பயணம் செய்யும் வகையில் போக்குவரத்து துறையால் சிறப்பு பேருந்துகள் இயக்கப்படுகிறது. அந்த நாட்களில், சென்னையில் இருந்து பல்வேறு ஊர்களுக்கு வழக்கமாக இயக்கப்படும் பேருந்துகளுடன் சிறப்பு பேருந்துகள் இயக்கப்பட்டு வருகின்றன.

இதையும் படிங்க : நடத்தையில் சந்தேகம்... மனைவியை அரிவாளால் வெட்டிக்கொலை செய்த கணவன்... குரோம்பேட்டை அருகே பரபரப்பு

இந்நிலையில், தீபாவளி பண்டிகை வரும் 24ம் தேதி கொண்டாடப்பட உள்ளது. தீபாவளி பண்டிகையை முன்னிட்டு சென்னையில் வசிக்கும் மக்கள் தங்களது சொந்த ஊர்களுக்கு செல்ல ஏதுவாக வரும் 21.10.2022 முதல் 23.10.2022 வரை 3 நாட்களுக்கு தமிழ்நாடு அரசு போக்குவரத்து கழகம் மற்றும் அரசு விரைவு போக்குவரத்து கழக சிறப்பு பேருந்துகள் இயக்கப்பட உள்ளது.