• HOME
  • »
  • NEWS
  • »
  • tamil-nadu
  • »
  • பசுபதி பாண்டியன் கொலை வழக்கில் தொடர்புடைய பெண், தலை துண்டிக்கப்பட்டு படுகொலை!

பசுபதி பாண்டியன் கொலை வழக்கில் தொடர்புடைய பெண், தலை துண்டிக்கப்பட்டு படுகொலை!

Youtube Video

தலையை மட்டும் துண்டித்து எடுத்துச் சென்று கொலையாளிகள், அதை பசுபதி பாண்டியன் வீட்டில் போட்டுவிட்டுச் சென்றனர்.

  • Share this:
    திண்டுக்கல் அருகே பசுபதி பாண்டியன் கொலை வழக்கில் தொடர்புடைய பெண், தலை துண்டிக்கப்பட்டு படுகொலை செய்யப்பட்டதால் அப்பகுதியில் பதற்றம் ஏற்பட்டுள்ளது.

    தேவேந்திரகுல வேளாளர் கூட்டமைப்பின் நிறுவனராக இருந்த பசுபதிபாண்டியன், திண்டுக்கல் நந்தவனப்பட்டியில் 2010-ம் ஆண்டு படுகொலை செய்யப்பட்டார். இந்த வழக்கில் தூத்துக்குடியைச் சேர்ந்த சுபாஷ் பண்ணையார் உட்பட 16 பேர் குற்றவாளிகளாக சேர்க்கப்பட்டனர். இதில், எட்டாவது குற்றவாளியாக நந்தவனப்பட்டியை சேர்ந்த 60 வயதான நிர்மலா தேவியின் பெயரும் சேர்க்கப்பட்டது.

    இந்நிலையில், திண்டுக்கல் இபி காலனி டேவிட் நகர் பகுதியில் நிர்மலா தேவி, அடையாளம் தெரியாத நபர்களால் படுகொலை செய்யப்பட்டார். பின்னர், தலையை மட்டும் துண்டித்து எடுத்துச் சென்று கொலையாளிகள், அதை பசுபதி பாண்டியன் வீட்டில் போட்டுவிட்டுச் சென்றனர். இதையடுத்து நிகழ்விடத்திற்கு வந்த திண்டுக்கல் தாடிக்கொம்பு போலீசார், நிர்மலா உடல் மற்றும் தலையை மீட்டு பிரேத பரிசோதனைக்கு அனுப்பி வைத்தனர்.

    அத்துடன், கொலையாளிகளை பிடிப்பதற்கான விசாரணையை தீவிரப்படுத்தி உள்ளனர். 11 ஆண்டுகளுக்கு முன்பு பசுபதி பாண்டியன் கொலை செய்யப்பட்ட செப்டம்பர் 22ம் தேதியான, அதே நாளில் நிர்மலா தேவி கொலை செய்யப்பட்டுள்ளார். எனவே, பழிக்குப்பழியாக இந்த கொலை சம்பவம் நிகழ்திருக்கலாம் என்ற கோணத்தில் போலீசார் விசாரணை மேற்கொண்டு வருகின்றனர்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Arun
    First published: