Home /News /tamil-nadu /

மேனியில் தவழும் மேகமூட்டங்கள்.. கொடைக்கானலில் குவியும் சுற்றுலாப்பயணிகள்

மேனியில் தவழும் மேகமூட்டங்கள்.. கொடைக்கானலில் குவியும் சுற்றுலாப்பயணிகள்

கொடைக்கானல்

கொடைக்கானல்

வெள்ளி நீர் வீழ்ச்சி சோத‌னை சாவ‌டியில் நூற்றுக்க‌ண‌க்கான‌ வாக‌ன‌ங்க‌ளில் சுற்றுலாப்ப‌ய‌ணிக‌ள் நீண்ட‌ வ‌ரிசையில் காத்திருக்கின்றனர்.

    த‌ரைப்ப‌குதிக‌ளில் நில‌வும் வெப்ப‌த்தை ச‌மாளிக்க‌ கொடைக்கான‌லில் குவியும் சுற்றுலாப்ப‌ய‌ணிக‌ள்

    த‌ரைப்ப‌குதிக‌ளில் நில‌வும் வெப்ப‌த்தை ச‌மாளிக்க‌ மலைகளின் இளவரசியான‌  கொடைக்கானலுக்கு சுற்றுலாப்ப‌யணிக‌ளின் வ‌ருகை வ‌ழ‌க்க‌த்தை விட‌ இன்று அதிக‌ரித்துள்ள‌து, காலை முத‌ல் கொடைக்கான‌ல் ம‌லைப்ப‌குதிக‌ளில் லேசான‌ வெப்ப‌ம் நில‌வி வ‌ந்தாலும் இத‌மான‌ குளிர்ந்த‌ காற்று வீசி வ‌ரும் கால‌நிலையை அனுப‌விக்க‌ இன்று கொடைக்கான‌லுக்கு அதிக‌ள‌வில் த‌மிழ‌க‌ம் ம‌ட்டுமின்றி கேர‌ளா, ஆந்திரா, க‌ர்நாட‌கா, உள்ளிட்ட‌ வெளி மாநில‌ங்க‌ளில் இருந்தும் சுற்றுலாப்ப‌ய‌ணிக‌ள் குவிந்து வ‌ருகின்ற‌ன‌ர்.

    Also Read: தக்காளி கிலோ ரூ.2-க்கு விற்பனை... ரோட்டில் கொட்டி சென்ற விவசாயிகள்

    குறிப்பாக‌ வெள்ளி நீர் வீழ்ச்சி சோத‌னை சாவ‌டியில் நூற்றுக்க‌ண‌க்கான‌ வாக‌ன‌ங்க‌ளில் சுற்றுலாப்ப‌ய‌ணிக‌ள் நீண்ட‌ வ‌ரிசையில் காத்திருந்து ந‌க‌ருக்குள் சென்று வனப் பகுதிகளில் இருக்கும் முக்கிய‌ சுற்றுலா தலங்களான மோயர் ச‌துக்க‌ம்,  குணா குகை, பசுமைப் பள்ளத்தாக்கு, தூண் பாறை ஆகிய இடங்களில் மேகக் கூட்டங்களின் நடுவே தெரியும் இயற்கை எழில் கொஞ்சும் காட்சிகளைக் கண்டும், மேனிகளில் தவழ்ந்து விளையாடும் மஞ்சு மூட்டங்களைக் கண்டும் சுற்றுலாப் பயணிகள் ரசித்து மகிழ்ந்து வருகின்றனர்.

    நகரின் மையப் பகுதியில் இருக்கும் நட்சத்திர வடிவிலான ஏரியில் படகு சவாரி செய்தும், பிரயண்ட் பூங்காவில் உள்ள வண்ண வண்ண மலர்களைக் கண்டும் ரசித்து வரும் சுற்றுலாப் பயணிகள், ஏரிச்சாலையில் சைக்கிள் மற்றும் குதிரை சவாரி செய்தும் மகிழ்ந்து வருகின்றனர், சுற்றுலாப்ப‌ய‌ணிக‌ளின் தொட‌ர் வ‌ருகையால் சுற்றுலா தொழில்புரிவோர் அனைவ‌ரும் ம‌கிழ்ச்சிய‌டைந்துள்ள‌தும் குறிப்பிட‌த்த‌க்க‌து.

    கொடைக்கானல் செய்தியாள‌ர்- ஜாப‌ர்சாதிக் 
    Published by:Ramprasath H
    First published:

    Tags: Dindigul, Kodaikanal, Tamilnadu, Tourist spots

    அடுத்த செய்தி