Home /News /tamil-nadu /

டீசல் திருட்டு கும்பல் அட்டூழியம் ... தட்டிக்கேட்ட வருவாய்த்துறை அதிகாரிகள் மீது தாக்குதல்

டீசல் திருட்டு கும்பல் அட்டூழியம் ... தட்டிக்கேட்ட வருவாய்த்துறை அதிகாரிகள் மீது தாக்குதல்

டீசல் திருட்டு கும்பல் அட்டூழியம்

டீசல் திருட்டு கும்பல் அட்டூழியம்

Dharmapuri District : தேசிய நெடுஞ்சாலையில் செல்லும் வாகன டிரைவர்களை கைக்குள் போட்டுக்கொண்டு லாரியில் இருந்து டீசல் திருடப்பட்டு அதில் கெமிக்கல் கலக்கப்பட்டு கலப்பட டீசல் விற்பனை செய்யப்பட்டு வருகிறது.

    தருமபுரி மாவட்டம் கிருஷ்ணகிரி தேசிய நெடுஞ்சாலையில் உள்ள குண்டலபட்டி, மாட்லாம்பட்டி, பெரியாம்பட்டி, பொன்னேரி,  அகரம் பைபாஸ் ரோடு உட்பட பல்வேறு இடங்களில் திருட்டு டீசல் விற்பனை மையங்கள் அதிக அளவில் செயல்பட்டு வருகிறது. தேசிய நெடுஞ்சாலையில் செல்லும் வாகன டிரைவர்களை கைக்குள் போட்டுக்கொண்டு லாரியில் இருந்து டீசல் திருடப்பட்டு அதில் கெமிக்கல் கலக்கப்பட்டு கலப்பட டீசல் விற்பனை செய்யப்பட்டு வருகிறது.

    சுமார் நாற்பதுக்கும் மேற்பட்ட இடங்களில் கலப்பட டீசல் விற்பனை மையங்கள் இரவு பகலாக செயல்பட்டு வருகிறது. கலப்பட டீசல் விற்பனை குறித்து பொதுமக்கள் சமூக ஆர்வலர்கள் என பலரும் புகார் தெரிவித்தும் அதிகாரிகள் எவ்வித நடவடிக்கையும் எடுக்கவில்லை.

    இந்நிலையில் தொடர்ச்சியான புகாரையடுத்து மாவட்ட ஆட்சியர்  உத்தரவின் பேரில் மாவட்ட வழங்கல் அலுவலர் ஜெயக்குமார் தலைமையில் தாசில்தார்கள் சின்னா, ராஜராஜன், வினோதினி, பாலமுரளி, மற்றும் வருவாய் துறை அலுவலர்கள் கிருஷ்ணகிரி தேசிய நெடுஞ்சாலையில் பொன்னேரி என்ற இடத்தில் சோதனை மேற்கொண்டனர்.



    அப்போது கலப்பட டீசல் விற்பனை செய்யும் பெரியசாமி மற்றும் அவரது மனைவி குடும்பத்தினர் ஆகியோர் சோதனைக்கு சென்ற அதிகாரிகளை தகாத வார்த்தையால் திட்டி கல் இரும்பு போன்றவற்றைக் கொண்டு தாக்க முயற்சித்தனர்.



    இத்தாக்குதலில் தாசில்தார் கோவிந்தராஜ், புள்ளியியல் அலுவலர் ரோசாரியோ விஏஓ முருகன் உட்பட 4 பேரை சிறை பிடித்தனர். இதில் பெண் தாசில்தார் வினோதினி என்பவரை டீசல் திருட்டு கும்பல் சுற்றி வளைத்தனர். உடனடியாக அவர் தப்பி ஓட்டம் பிடித்தார். இதில் ரோசாரியோ என்ற அலுவலர் இரும்பு கம்பியால் தாக்கப்பட்டதாக கூறப்படுகிறது.



    இதனால் அதிர்ச்சி அடைந்த வருவாய் துறை அதிகாரிகள் போலீசார் துணையுடன் திருட்டு டீசல் விற்பனை மையங்களில் தொடர் சோதனை மேற்கொண்டு இரவு 10 மணிவரை சோதனை செய்ததில் பல்வேறு இடங்களில் பதுக்கி வைத்திருந்த டீசல் சுமார் 3,000 லிட்டர் பறிமுதல் செய்தனர்.  விற்பனையில் ஈடுபட்ட அனைவரும் தப்பி ஓடிவிட்டனர். அவர்களை காவல்துறையினர் தேடி வருகின்றனர்.



    சட்டவிரோத கலப்பட டீசல் விற்பனையை தடுக்க முயன்ற அதிகாரிகள் மீது டீசல் திருட்டு கும்பல் தாக்குதல் நடத்த முயற்சி செய்தது அப்பகுதியில் பெரும் பரபரப்பை ஏற்படுத்திய நிலையில் இதுதொடர்பாக மாவட்ட வழங்கல் அலுவலர் கொடுத்த புகாரின் பேரில் காரிமங்கலம் போலீஸார் வழக்கு பதிவு செய்து விசாரணை மேற்கொண்டு வருகின்றனர். பறிமுதல் செய்யப்பட்ட டீசல் அனைத்தும் வருவாய்த்துறையினர் அரசுக்கு சொந்தமான குடோனுக்கு எடுத்துச் சென்றனர்.

    செய்தியாளர் : சுகுமார் ரங்கநாதன் , தருமபுரி 
    Published by:Sankaravadivoo G
    First published:

    Tags: Dharmapuri

    அடுத்த செய்தி