விமான அவசர கதவை திறந்த விவகாரம்.. விசாரணை நடத்த உத்தரவு.. அமைச்சர் செய்த ட்வீட்!

விமானத்தின் அவசர கால கதவை திறந்த விவகாரம் தொடர்பாக விசாரணை நடத்த விமான போக்குரவரத்து இயக்குநரகம் உத்தரவிட்டுள்ளது.

கடந்த 2022-ம் ஆண்டு டிசம்பர் 10-ம் தேதி சென்னையில் இருந்து திருச்சி சென்ற விமானத்தில் பயணம் செய்த பயணிகள் 2 பேர், விமானத்தின் அவசர கதவை திறந்ததாகவும், இதனால் விமானம் 3 மணி நேரம் தாமதம் ஆனதாக செய்திகள் வெளியாகி சர்ச்சையானது.

இந்நிலையில், இண்டிகோ விமானத்தில் பயணம் செய்தபோது, விமானத்தின் அவசர கால கதவை திறந்த விவகாரம் தொடர்பாக விசாரணை நடத்த விமான போக்குரவரத்து இயக்குநரகம் உத்தரவிட்டுள்ளது.

2 ஆர்வக்கோளாறுகள் விமானத்தின் Emergency கதவை திறந்து விளையாடியது பற்றி டிச-29 அன்று நான் கேள்வியெழுப்பி இருந்தேன். இன்று DGCA விசாரிக்க உத்தரவிட்டுள்ளது. வெளிநாட்டு வாட்ச் கட்டுவது தேசப்பற்றென உருட்டிய பொய்யர், சுதந்திர காற்றை சுவாசிக்க கதவை திறந்தேன் என உருட்டாமல் இருந்தால் சரி. pic.twitter.com/yzWrd97dxs

— V.Senthilbalaji (@V_Senthilbalaji) January 17, 2023

இதன் மூலம் 2 முக்கிய தலைவர்களிடம் விசாரணை நடத்தப்படும் என்பது தெரியவந்துள்ளது. இந்நிலையில் இந்த விவகாரம் தொடர்பாக ட்விட்டரில் பதிவிட்டுள்ள மின்சாரத்துறை அமைச்சர் செந்தில் பாலாஜி, 2 ஆர்வக்கோளாறுகள் விமானத்தின் Emergency கதவை திறந்து விளையாடியது பற்றி தான் முன்னரே கேள்வியெழுப்பி இருந்தாக சுட்டிக்காட்டியுள்ளார். சுதந்திர காற்றை சுவாசிக்க கதவை திறந்தேன் என சொல்லாமல் இருந்தால் சரி என விமர்சித்து பதிவிட்டுள்ளார்.