துணை முதல்வர் ஓ.பன்னீர் செல்வம் மருத்துவமனையில் அனுமதி

ஆளும் அ.தி.மு.க கட்சியின் ஒருங்கிணைப்பாளராகவும், தமிழகத்தின் துணை முதல்வராகவும் இருப்பவர் ஓ.பன்னீர் செல்வம். அவர், கடந்த மே மாதம் 24-ம் தேதி சென்னை அமைந்தகரையிலுள்ள எம்.ஜி.எம் ஹெல்த்கேர் மருத்துவமனையில் சிகிச்சைக்காக அனுமதிக்கப்பட்டார். அவருக்கு உரிய மருத்துவப் பரிசோதனைகள் செய்யப்பட்டு மே 25-ம் தேதியன்று மருத்துவமனையிலிருந்து டிஸ்சார்ஜ் செய்யப்பட்டார்.

இந்தநிலையில், 3 மாதங்கள் கழித்து மீண்டும் ஓ.பன்னீர் செல்வம் மருத்துவமனையில் தனியார் மருத்துவமனையில் அனுமதிக்கப்பட்டுள்ளார்.

தற்போது அவர் இதயவியல் சிகிச்சைக்காக மீண்டும் மருத்துவமனைக்கு அனுமதிக்கப்பட்டுள்ளார். இதயத்துக்கான பரிசோதனைகள் செய்யப்பட்டு இன்று மதியமோ அல்லது மாலையோ அவர் வீடு திரும்புவார் என்று தெரிவிக்கப்படுகிறது.