Cyclone Mandous Live: 6 மணி நேரத்தில் வலுவிழக்கிறது மாண்டஸ்

கிருஷ்ணகிரி கல்வி மாவட்டத்தில் உள்ள கிருஷ்ணகிரி, காவேரிப்பட்டினம்,பர்கூர்,மத்தூர்,ஊத்தங்கரை ஆகிய பகுதிகளில் மட்டும் உள்ள பள்ளிகளுக்கு விடுமுறை

தூத்துக்குடி பள்ளிகளுக்கு மட்டும் விடுமுறை

புயல் மற்றும் வானிலை மாற்றம் காரணமாக தூத்துக்குடி மாவட்டத்தில் உள்ள அனைத்து பள்ளிகளுக்கும் மட்டும் இன்று (டிசம்பர் 09) விடுமுறை அளிக்கப்பட்டுள்ளது என மாவட்ட ஆட்சித்தலைவர் செந்தில்  உத்தரவிட்டுள்ளார்.

வானிலை மையம் அலெர்ட்: அடுத்த 3 மணி நேரத்திற்குள்ளாக அமைந்தக்கரை, செங்கல்பட்டு, எழும்பூர், வாலாஜாபாத், காஞ்சிபுரம், குன்றத்தூர், மதுரவாயல், மாம்பலம், பூவிருந்தவல்லி, பொன்னேரி, ஸ்ரீபெரும்புதூர், திருக்கழுகுன்றம், உத்திரமேரூர், அம்பத்தூர் பகுதிகளில் லேசான மழை பெய்வதற்கான வாய்ப்பு உள்ளது.

தேனி மாவட்டத்தில் உள்ள பள்ளிகளுக்கு மட்டும் மழையின் காரணமாக, முன்னெச்சரிக்கை நடவடிக்கையாக இன்று (09.12.2022) ஒரு நாள் மட்டும் விடுமுறை அளித்து மாவட்ட ஆட்சித்தலைவர் முரளீதரன் விடுமுறை அறிவித்துள்ளார்.

பள்ளி, கல்லூரிகளுக்கு விடுமுறை அறிவிப்பு

திண்டுக்கல் மாவட்டம் கொடைக்கானல், சிறுமலையில் இன்று பள்ளி, கல்லூரிகளுக்கு விடுமுறை அறிவிக்கப்பட்டுள்ளது.

6 மணி நேரத்தில் வலுவிழக்கிறது மாண்டஸ்

மாண்டஸ் தீவிர புயலிலிருந்து புயலாக 6 மணி நேரத்தில் வலுவிழக்கும் என வானிலை ஆய்வு மையம் தகவல் தெரவிக்கும். தற்போது மாண்டஸ் புயல் சென்னைக்கு கிழக்கே 320 கி.மீ தொலைவில் நிலை கொண்டுள்ளது.

23​ மாவட்டங்களுக்கு விடுமுறை அறிவிப்பு

மாண்டஸ் புயல் காரணமாக  சென்னை, காஞ்சிபுரம், கடலூர், ராணிப்பேட்டை, விழுப்புரம், செங்கல்பட்டு, திருவள்ளூர், வேலூர், திருவாரூர், பெரம்பலூர், தஞ்சாவூர், அரியலூர், மயிலாடுதுறை, புதுக்கோட்டை, கள்ளக்குறிச்சி, சேலம், நாமக்கல், தருமபுரி, திருவண்ணாமலை, நாகை, திருச்சி, திருப்பத்தூர், சிவகங்கை உள்ளிட்ட 23 மாவட்ட பள்ளி, கல்லூரிகளுக்கு நாளை விடுமுறை அறிவிக்கப்பட்டுள்ளது

தீவிர புயலாக வலுப்பெற்றது மாண்டஸ்

மாண்டஸ் புயல் வலுப்பெற்று தீவிர புயலாக மாறியது -வானிலை ஆய்வு மையம்

நாளை காலை 9 மணி வரை தீவிர புயலாக நீடிக்கும் என்றும் புதுச்சேரி - ஸ்ரீஹரிகோட்டா இடையே மாமல்லபுரம் அருகே நாளை நள்ளிரவு மாண்டஸ் புயல் கரையை கடக்கும்

புயல் கரையை கடக்கும் போது மணிக்கு 85 கி.மீ. வேகம் வரை காற்று வீசும் என்றும் சென்னைக்கு தென்கிழக்கில் 440 கி.மீ.தொலைவில் புயல் நிலைகொண்டுள்ளது 

21​ மாவட்டங்களுக்கு விடுமுறை அறிவிப்பு

மாண்டஸ் புயல் காரணமாக  சென்னை, காஞ்சிபுரம், கடலூர், ராணிப்பேட்டை, விழுப்புரம், செங்கல்பட்டு, திருவள்ளூர், வேலூர், திருவாரூர், பெரம்பலூர், தஞ்சாவூர், அரியலூர், மயிலாடுதுறை, புதுக்கோட்டை, கள்ளக்குறிச்சி, சேலம், நாமக்கல், தருமபுரி, திருவண்ணாமலை, நாகை,திருச்சி உள்ளிட்ட 21 மாவட்ட பள்ளி, கல்லூரிகளுக்கு நாளை விடுமுறை அறிவிக்கப்பட்டுள்ளது

15 மாவட்டங்களுக்கு விடுமுறை அறிவிப்பு

மாண்டஸ் புயல் காரணமாக சென்னை கடலூர், விழுப்புரம், திருவள்ளூர், காஞ்சிபுரம், வேலூர், ராணிப்பேட்டை, செங்கல்பட்டு, தஞ்சாவூர், திருவாரூர்,பெரம்பலூர்,அரியலூர், கள்ளக்குறிச்சி, புதுக்கோட்டை, மயிலாடுதுறை  உள்ளிட்ட 15 மாவட்டங்களுக்கு பள்ளி கல்லூரிகளுக்கு விடுமுறை அளிக்கப்படுள்ளது.