Home /News /tamil-nadu /

திமுகவினர் தோல்வி பயத்தால் வேட்பாளர்களை கடத்துகின்றனர் - சீமான் குற்றச்சாட்டு

திமுகவினர் தோல்வி பயத்தால் வேட்பாளர்களை கடத்துகின்றனர் - சீமான் குற்றச்சாட்டு

சீமான்

சீமான்

Naam Tamilar Katchi : நகர்ப்புற உள்ளாட்சி தேர்தலில் நாம் தமிழர் கட்சி வேட்பாளர்கள் கடத்தப்படுவதாக அக்கட்சியின் தலைமை ஒருங்கிணைப்பாளர் சீமான் கடலூரில் பேசினார்.

கடலூர், விழுப்புரம், அரியலூர் மாவட்டங்களில் போட்டியிடும் நாம் தமிழர் கட்சி வேட்பாளர்களை அறிமுகப்படுத்தும் கூட்டம் கடலூரில் திங்கட்கிழமை மாலையில் நடைபெற்றது. இந்த நிகழ்வில் பங்கேற்ற அக்கட்சியின் தலைமை ஒருங்கிணைப்பாளர் சீமான் செய்தியாளர்களை சந்தித்தார்.

அப்போது அவர் கூறியதாவது,  ஜாதி, மத அடையாளம் இல்லாமல் வேட்பாளர்களை, நாம் தமிழர் கட்சி நிறுத்தி இருப்பதால், மக்களிடையே நல்ல வரவேற்பு உள்ளது. பள்ளியில் ஒரு மதத்தின் அடையாளத்துடன் வர வேண்டாம் என்று சொல்லும் போது ஏன் மக்களவையில் சீக்கியர்கள் தலைப்பாகை அணிந்து வரவும், பூணூல் போட்டுக் கொண்டு வரவும் அனுமதிக்கிறீர்கள். தேர்தல் நேரத்தில் மட்டுமே பாஜக இதுபோன்ற பிரச்னைகளை எழுப்புகிறது.

8 ஆண்டுகள் ஆட்சியில் செய்த சாதனைகளை ஏன் சொல்ல முடியவில்லை. ரூ.5 ஆயிரம் மக்களுக்கு வழங்க வேண்டும் என்று எதிர்கட்சியாக இருக்கும் போது சொன்னவரால் ரூ.ஆயிரம் கூட கொடுக்க முடியவில்லை. ரூ.5.50 லட்சம் கோடி தமிழக அரசுக்கு கடனாக உள்ள நிலையில் ஏன் இலவசங்களை அறிவிக்க வேண்டும். 16 ஆண்டுகளாக மத்தியில் ஆட்சியில் இருந்த போது ஏன் திமுகவினர் கல்வியை மாநில பட்டியலுக்கு கொண்டு வரவில்லை.

சமமான கல்வியை அளிக்காமல் எதற்காக நீட் தேர்வை நடத்த வேண்டும். சட்டப் பேரவையில் இயற்றப்பட்ட நீட் விலக்கு மசோதாவால் ஆகப்போவது ஒன்றும் இல்லை. நடைபெறும் உள்ளாட்சித் தேர்தலில் நாம் தமிழர் கட்சி வேட்பாளர்களை திமுகவினர் தோல்வி பயத்தால் கடத்துகின்றனர். மிரட்டல் விடுத்து கட்சியில் சேர்த்து வருகின்றனர்.

Must Read : ஒரே நாடு, ஒரே தேர்தல் - பாஜக முழக்கத்தை முன்வைக்கிறாரா எடப்பாடி பழனிச்சாமி

இதற்கு மேலாக எங்களை பாஜகவின் பி டீம் என்று கூறி ஓட்டுப் போடக் கூடாது என்று கூறி வருகின்றனர். இதனையும் மீறி மக்களின் நம்பிக்கையை நாங்கள் பெற்றுள்ளோம் என்று கூறினார்.
Published by:Suresh V
First published:

Tags: Local Body Election 2022, Naam Tamilar katchi, Seeman

அடுத்த செய்தி