தாய் கோழிக்கு நீதி வேண்டி காவல்நிலையம் வந்த சிறுமி

கோழி குஞ்சுகளுக்கு விஷம் வைத்து கொன்றவர்கள் மீது நடவடிக்கை எடுக்கக்கோரி  தாய் கோழியுடன் வந்து பெண்  விருத்தாசலம் காவல் நிலையத்தில் புகார் அளித்துள்ளார்.

கடலூர் மாவட்டம் விருத்தாசலம் அடுத்த எருமனூர் கிராமத்தை சேர்ந்தவர் கதிர்காமன். இவர் தனது வீட்டில் ஆடு, கோழி உள்ளிட்ட கால்நடைகளை வளர்த்து வருகிறார். இவர் வளர்க்கும் கோழி ஒன்று முட்டையிட்டு சமீபத்தில் குஞ்சு பொறித்தது. பிறந்த 10 நாள்களே ஆன கோழிக்குஞ்சுகளை பக்கத்து வீட்டில் வசித்து வரும் நபர் ஒருவர் விஷம் வைத்து கொன்றதாக கூறப்படுகிறது.

கதிர்காமனின் பெண் குழந்தை விசாகா இந்த கோழிக்குஞ்சுகளை ஆசையுடன் பராமரித்து வந்துள்ளார். கோழிக்குஞ்சுகளை விஷம் வைத்து கொன்றதால் சிறுமி ஏமாற்றம் அடைந்துள்ளார். கோழியினை வளர்த்து வந்த பெண் குழந்தை தனது தந்தையுடன்  தாய் கோழிக்கு நீதி வேண்டி விருத்தாசலம் காவல் நிலையத்தில் புகார் அளித்துள்ளார்.

Must Read : ஏடிஎம் மையத்தில் மூதாட்டியை ஏமாற்றி நூதன முறையில் கொள்ளை - இளைஞருக்கு போலீஸ் வலைவீச்சு

தாய் கோழி மற்றும் இறந்துபோன கோழிக்குஞ்சுகளுடன் சிறுமி வந்து தனது புகாரை அளித்தார்.