• HOME
  • »
  • NEWS
  • »
  • tamil-nadu
  • »
  • தென்னிந்தியாவின் ஜான்சிராணி என காந்தி போற்றிய தியாகி அஞ்சலை அம்மாள்: அரசின் நிதிக்கு ஏங்கி நிற்கும் குடும்பம்!

தென்னிந்தியாவின் ஜான்சிராணி என காந்தி போற்றிய தியாகி அஞ்சலை அம்மாள்: அரசின் நிதிக்கு ஏங்கி நிற்கும் குடும்பம்!

அஞ்சலை அம்மாள்

அஞ்சலை அம்மாள்

அஞ்சலை அம்மாளின் துணிவைக் காரணமாகக் காட்டி, காந்தியடிகள் இவரை தென்னிந்தியாவின் ஜான்சி ராணி என்று அழைத்தார்.

  • Share this:
தென்னிந்தியாவின் ஜான்சிராணி என காந்தியடிகளால் அழைக்கப்பட்டவர் சுதந்திர போராட்ட பெண் தியாகி அஞ்சலை அம்மாள். தற்போது அவரின் குடும்பத்தினர் தமிழக அரசின் நிதியுதவியை எதிர்பார்த்து காத்திருக்கின்றனர்.

கடலூர் முதுநகரில்  ஓர் எளிய குடும்பத்தில் 1890 ஆம் ஆண்டில் பிறந்தவர் சுதந்திர போராட்ட தியாகி அஞ்சலை அம்மாள். ஐந்தாம் வகுப்பு வரை படித்தவர். அவரது கணவர் முருகப்பா  பத்திரிகையில் முகவராக பணியாற்றியுள்ளார். மகாத்மா காந்தியின் ஒத்துழையாமை இயக்கத்தில் சேர்ந்து அஞ்சலை அம்மாள் தனது அரசியல் வாழ்க்கையைத் தொடங்கினார்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

1921 இல் நடைபெற்ற ஒத்துழையாமை இயக்கத்தில் பங்கேற்ற தென்னிந்தியாவின் முதல் பெண்மணி என்ற சிறப்பு இவருக்கு உண்டு. தனது குடும்ப சொத்தாக இருந்த நிலங்களையும், வீட்டையும் விற்று இந்தியாவின் விடுதலைப் போராட்டத்திற்காக பணத்தை செலவிட்டார். 1927 ஆம் ஆண்டு சென்னையில்  நடைபெற்ற  நீலன் சிலை அகற்றும் போராட்டத்தில் அஞ்சலை பங்கேற்றார். தனது 9 வயது மகள் அம்மாக்கண்ணுவையும், இப்போராட்டத்தில் ஈடுபடுத்தி அக்குழந்தையுடன் சிறைக்குச் சென்றுள்ளார்.



அதன் பிறகு தனது ஒன்பது வயதுக் குழந்தையை சிறையிலேயே வளர்த்தார். சிறையில் இருந்த அம்மாக்கண்ணு, அஞ்சலையம்மாள் இருவரையும் காந்தியடிகள் சிறைக்கு சென்று  பார்வையிட்டுள்ளார். அம்மாக்கண்ணு என்ற பெயரை லீலாவதி என்று மறுபெயரிட்டு தன்னுடன் வார்தா ஆசிரமத்திற்கு அழைத்துச் சென்றார். 1930 ஆம் ஆண்டு நடைபெற்ற உப்புச் சத்தியாகிரகத்தின் போது அஞ்சலை அம்மாள் கடுமையாகக் காயமடைந்தார்.

இதையும் படிங்க: இந்தியா மட்டுமல்ல, ஆகஸ்ட் 15 சுதந்திரமடைந்த 5 நாடுகள்


1931 ஆம் ஆண்டு நடைபெற்ற அனைத்திந்திய மகளிர் காங்கிரசு கூட்டத்திற்கு, அஞ்சலை தலைமை தாங்கினார். 1932 ஆம் ஆண்டு மற்றொரு போராட்டத்தில் கலந்துகொண்டார் என்பதற்காக இவர் வேலூர் சிறைக்கு அனுப்பப்பட்டார். அந்த நேரத்தில் இவர் கர்ப்பமாக இருந்தார் என்பதனால் பிணையில் விடுவிக்கப்பட்டார். மகன் பிறந்த இரண்டு வாரங்களுக்குள் அஞ்சலை மீண்டும் வேலூர் சிறைக்கு அனுப்பப்பட்டார்.சிறையிலேயே வளர்ந்த அவரது மகனுக்கு ஜெயவீரன் என பெயரிடப்பட்டது.



ஒருமுறை காந்தி கடலூருக்கு வந்தபோது அஞ்சலை அம்மாளை சந்திக்க முயன்றார். பிரித்தானிய அரசாங்கம் காந்தியடிகள் அஞ்சலை அம்மாளைப் பார்க்க தடை விதித்தது. ஆனால் அஞ்சலை அம்மாள் பர்தா அணிந்து ஒரு குதிரை வண்டியில் வந்து காந்தியடிகளை சந்தித்தார். அஞ்சலையின் துணிவைக் காரணமாகக் காட்டி, காந்தியடிகள் இவரை தென்னிந்தியாவின் ஜான்சி ராணி என்று அழைத்தார்.

இதையும் படிங்க: கைப்பதிப்புப் மூலம் தேசியக் கொடி: 5ம் வகுப்பு மாணவன் சாதனை


1947 இல் இந்தியா விடுதலை அடைந்த பின்னர், அஞ்சலையம்மாள் மூன்று முறை தமிழகத்தின் சட்டமன்ற உறுப்பினராக தேர்ந்தெடுக்கப்பட்டார். நாட்டுக்காக பாடுபட்ட தனக்கு தியாகி ஓய்வூதியம் வேண்டாம் என மறுத்தவர் அஞ்சலை அம்மாள்.1961 ஆம் ஆண்டு, சீ-மூட்லூர் பகுதியில்  அஞ்சலை அம்மாள் காலமானார்.
அவருக்கு கடலூர்-சிதம்பரம் சாலையில் தீர்த்தாம்பாளையம் என்னும் இடத்தில் நிலம் வழங்கப்பட்டு அதற்கு பாசனத்திற்கு தனி வாய்க்காலை அரசு உருவாக்கி அதற்கு அஞ்சலை அம்மாள் வாய்க்கால் என பெயரிட்டது.இன்னும் அதே பெயரிலேயே இந்த வாய்க்கால் அழைக்கப்படுகிறது.

மேலும் படிக்க: அனைத்து சாதியினரும் அர்ச்சகர்: 51 ஆண்டுகளுக்கு பின் நடைமுறைக்கு வந்த கலைஞரின் சட்டம்


இந்த சூழ்நிலையில் அஞ்சலை அம்மாளின் வாரிசுகள் அவருக்கு வழங்கப்பட்ட நிலத்தை விற்று தற்பொழுது வாழ்க்கையை நடத்தி வருகின்றனர்.  தமிழக அரசு தங்களுக்கு நிதியுதவி வழங்க வேண்டும் என்றும் அவர்கள் கோரிக்கை வைத்துள்ளனர்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Murugesh M
First published: