பேரூராட்சி முன்னாள் செயல் அலுவலரின் கையெழுத்தை போலியாக போட்டு ரூ.90 லட்சம் மோசடி.. கணினி ஆபரேட்டர் கைது

சிதம்பரம் அருகே புவனகிரி பேரூராட்சியில் முன்னாள் செயல் அலுவலரின் கையெழுத்தை போலியாக போட்டு சுமார் 90 லட்சம் மோசடி செய்துள்ள கணினி ஆபரேட்டரான தினக்கூலி ஊழியர் கைது செய்யப்பட்டுள்ளார். அவரிடம் இருந்த கார், செல்போன் ஆகியவற்றை கைப்பற்றி போலீசார் விசாரணை நடத்தி வருகின்றனர்.

சிதம்பரம் அருகே உள்ள புவனகிரி பேரூராட்சியில் கடந்த 2019ஆம் ஆண்டு முதல் கீழமணக்குடி கிராமத்தைச் சேர்ந்த வீரமணி (29) என்பவர் தினக்கூலி அடிப்படையில் கணினி ஆபரேட்டராக பணியாற்றி வருகிறார். இவர் புவனகிரி பேரூராட்சி முன்னாள் செயல் அலுவலரின் கையெழுத்தை போலியாக போட்டு கடந்த ஆண்டு பண மோசடியில் ஈடுபட்டுள்ளதாக தற்போதைய புவனகிரி பேரூராட்சி செயல் அலுவலர் அருள்குமார் புவனகிரி போலீசில் ஒரு புகார் அளித்திருந்தார்.



அந்த புகாரில், முன்னாள் செயல் அலுவலரான சாதிக்பாட்சா என்பவரின் கையெழுத்தை வீரமணி போலியாக போட்டு திட்டப்பணி காசோலை புத்தகத்தின் இரண்டு காசோலை மூலம் போலி கையெழுத்து போட்டு மொத்தம் 90 லட்சத்து 93 ஆயிரத்து 400 ரூபாய் கையாடல் செய்து இருப்பதாகவும், இதற்காக போலியான ஆவணங்களை தயார் செய்ததாகவும் குறிப்பிட்டிருந்தார்.

ALSO READ |  TN Assembly | இனி குறைந்த செலவில் அடுக்குமாடி வாகன நிறுத்தங்கள் - அமைச்சர் கே.என்.நேரு

 

செய்தியாளர் : பிரசன்ன வெங்கடேசன்