மனைவி இறந்த அதிர்ச்சியில் ஓய்வுபெற்ற ஊழியர் உயிரிழப்பு.. சோகத்தில் உறவினர், சுற்றத்தினர்..

கோவை சுந்தராபுரம் பகுதியை சேர்ந்த தம்பதி மணி- சரோஜினி. தனியார் நிறுவனத்தில் பணியாற்றி ஓய்வு பெற்றவர் மணி. இவரது மனைவி சரோஜினி கிணத்துக்கடவு அரசு மேல்நிலை பள்ளியில் ஆசிரியராக பணியாற்றி ஓய்வு பெற்றவர்.

கடந்த ஐந்து ஆண்டுகளுக்கு முன் பக்கவாதத்தினால்  பாதிக்கப்பட்ட சரோஜினியை அவரது  மகள் கவனித்து வந்துள்ளார். இந்நிலையில் சரோஜினி  நேற்று இரவு உயிரிழந்தார். மனைவி உயிரிழந்த அதிர்ச்சியில் இருந்த  அவரது கணவர் மணிக்கு மாரடைப்பு ஏற்பட்டுள்ளது.



மேலும் படிக்க...மீண்டுவரும் அரசு வருவாய்.. தமிழகத்தில் 6 மாதங்களுக்குப் பிறகு பத்திரப்பதிவு அதிகரிப்பு..

மருத்துமனைக்கு கொண்டு செல்லும்  வழியிலேயே அவரது உயிரும் பிரிந்தது. கணவன் மனைவி இருவரும் அடுத்தடுத்து  உயிரிழந்த சம்பவம்   உறவினர்கள் மத்தியில் அதிர்ச்சியையும் சோகத்தையும்  ஏற்படுத்தியுள்ளது. இருவரது உடலையும் ஒரே நேரத்தில் நஞ்சுண்டாபுரம் மின் மயானத்தில் எரியூட்டப்பட்டது.