Home /News /tamil-nadu /

3 பேர் பலி எதிரொலி: 2018 அக்டோபரில் தயாரிக்கப்பட்ட மதுபானங்கள் விற்பனையை நிறுத்தி வைக்க டாஸ்மாக் கடைகளுக்கு அறிவுறுத்தல்!

3 பேர் பலி எதிரொலி: 2018 அக்டோபரில் தயாரிக்கப்பட்ட மதுபானங்கள் விற்பனையை நிறுத்தி வைக்க டாஸ்மாக் கடைகளுக்கு அறிவுறுத்தல்!

Tasmac

Tasmac

மூன்று பேரும் குடித்த மதுபானம் 2018 ம் ஆண்டு தயாரிக்கப்பட்டது என்பது போலீசார் விசாரணையில் தெரியவந்துள்ளது.

  • News18 Tamil
  • 2 minute read
  • Last Updated :
கள்ளச்சந்தையில் மதுபானம் வாங்கி விடிய விடிய அருந்திய மூன்று தொழிலாளர்கள் மயங்கி விழுந்து பலியான நிலையில் 2018 அக்டோபரில் தயாரிக்கப்பட்ட மதுபானங்கள் விற்பனையை நிறுத்தி வைக்க டாஸ்மாக் கடைகளுக்கு அறிவுறுத்தப்பட்டுள்ளது.

கோவை பாப்பநாயக்கன் பாளையம் பகுதியை சேர்ந்தவர்கள் பார்த்திபன் (31), முருகானந்தம் (55),சக்திவேல்(61). இவர்களில் பார்த்திபனும், சக்திவேலும் பெயின்டராக பணிபுரிந்து வருகின்றனர். தென்காசியை சேர்ந்த முருகானந்தம் சமையலராக வேலை பார்த்து வருகின்றார். நண்பர்களான மூவரும் நேற்று இரவு தீபாவளி கொண்டாடுவதற்காக இரவு நீண்ட நேரம் மது அருந்தியுள்ளனர்.

மது குடித்த மூவர் பலி:

இந்நிலையில் நேற்று (நவ 4) காலை 6 மணி அளவில் மூவரும் மீண்டும் ஒரு முழுபாட்டில் மதுவை பிளாக்கில் வாங்கியுள்ளனர். அருந்ததியர் வீதி அருகில் உள்ள பாழடைந்த கட்டிடத்தில் அமர்ந்து 3 பேரும் மது அருந்தியுள்ளனர். பின்னர் சக்திவேல் மட்டும் அந்த கட்டிடத்தின் அருகில் அமர்ந்திருந்த நிலையில் மயங்கி விழுந்துள்ளார். முருகானந்தம் பாரதியார் சாலையில் மயங்கி விழுந்துள்ளார். இருவரையும் கோவை அரசு மருத்துவமனைக்கு கொண்டு சென்ற போது அவர்களை பரிசோதித்த மருத்துவர்கள் இருவரும் உயிரிழந்து விட்டதை உறுதி செய்தனர்.

Also read:  வேண்டுமென்றே செருப்பு அணிந்து கோவிலுக்குள் நுழைந்து வீடியோ வெளியிட்ட இளைஞர்கள்!

இதனையடுத்து அவர்கள் இருவரின் உடல் பிரேத பரிசோதனைக்காக கோவை அரசு மருத்துவமனையில் வைக்கப்பட்டது. இதனிடையே இவர்களுடன் மது அருந்திய பார்த்திபனை உறவினர்கள் தேடிய போது அவர் வீட்டில் உயிரிழந்து கிடப்பது தெரியவந்தது. இதனையடுத்து காட்டூர் போலீசாருக்கு தகவல் தெரிவிக்கப்பட்ட நிலையில் சம்பவ இடத்திற்கு விரைந்து வந்த போலீசார் பார்த்திபன் உடலை கைப்பற்றி விசாரணை நடத்தி வருகின்றனர்.

.பாதி அருந்திய நிலையில் கைப்பற்றபட்ட மதுபான பாட்டிலை கைப்பற்றிய போலீசார் அந்த மதுபானத்தை பரிசோதனைக்காக அனுப்பினர். மேலும் மூவரும் மது அருந்திய இடத்தில் இருந்த பிளாஸ்டிக் கப், தண்ணீர் பாட்டில் உள்ளிட்டவற்றையும் தடய அறிவியல் துறையினர் கைப்பற்றி விசாரணை நடத்தி வந்தனர்.

Also read:  கணவருடன் பிரச்னை என போலீஸ் நிலையம் சென்ற பெண்ணின் வாழ்க்கையை நாசம் செய்த இன்ஸ்பெக்டர்!

டாஸ்மாக் கடைகளுக்கு அறிவுறுத்தல்:

இந்த விவகாரத்தில், உயிரிழந்த மூவரும் போதைக்காக மதுபானத்தில் தின்னர் கலந்து குடித்து இருக்கலாம் என்ற கோணத்தில் போலீசார் விசாரணை
நடத்தி வருகின்றனர்.

மூன்று பேரும் குடித்த மதுபானம் 2018 ம் ஆண்டு தயாரிக்கப்பட்டது என்பது போலீசார் விசாரணையில் தெரியவந்துள்ளது.

Also read:  பாஸ்போர்ட் கவர் ஆர்டர் செய்தவருக்கு அமேசான் அனுப்பிய நிஜ பாஸ்போர்ட்.. இதெப்படி சாத்தியம்?

இதனையடுத்து 2018ம் ஆண்டு அக்டோபர் மாதம் தயாரிக்கப்பட்ட L830455A என்ற பேட்ஜ் மதுபானங்களை மட்டும் விற்காமல் நிறுத்தி வைக்க டாஸ்மாக் கடைகளுக்கு அறிவுறுத்தப்பட்டுள்ளது.
Published by:Arun
First published:

Tags: Coimbatore, Tasmac

அடுத்த செய்தி