Home /News /tamil-nadu /

ராஜேந்திர பாலாஜி மீது முன்னாள் அதிமுக பிரமுகர் போலீசில் புகார்

ராஜேந்திர பாலாஜி மீது முன்னாள் அதிமுக பிரமுகர் போலீசில் புகார்

Rajendra Balaji

Rajendra Balaji

Rajendra Balaji: முன்னாள் அமைச்சர் ராஜேந்திர பாலாஜி மீது கோவையில் மீண்டும் ஓர் புகார்.

    முன்னாள் அமைச்சர் ராஜேந்திர பாலாஜி மீது மேற்கு மண்டல காவல்துறைத் தலைவர் அலுவலகத்தில் அதிமுகவின் முன்னாள் செய்தித் தொடர்பாளர் புகழேந்தி புகார் மனு அளித்துள்ளார்.

    அதிமுகவின் முன்னாள் செய்தி தொடர்பாளர் புகழேந்தி முன்னாள் அமைச்சர் ராஜேந்திர பாலாஜி மீது மேற்கு மண்டல காவல்துறை தலைவர் சுதாகரிடம் அளித்துள்ள புகாரில் கூறியுள்ளதாவது.
    கோவை தொண்டாமுத்தூரில் கடந்த 2021 ம் ஆண்டு நடந்த பொதுக்கூட்டத்தில் திமுக தலைவர் ஸ்டாலின் குறித்தும், முன்னாள் முதல்வர் கருணாநிதி குறித்தும், அவர்கள் குடும்பம் குறித்தும் தனிப்பட்ட முறையில் தரக்குறைவாக ராஜேந்திர பாலாஜி பேசினார் .

    தொண்டாமுத்தூர் பகுதிக்கு மு.க.ஸ்டாலின் பிரச்சாரத்திற்கு வரும் பொழுது அவர்  மீது தாக்குதல் நடத்த  தூண்டும் விதத்தில்  பேசினார்.
    முன்னாள் மத்திய அமைச்சர் ராசா குறித்தும் தவறான வார்த்தைகளில் பேசியதுடன் , இரு மதங்களிடையே மோதலை ஏற்படுத்தும் விதமாகவும் ராஜேந்திரபாலாஜி பேசியதாகவும் புகார் மனுவில் குறிப்பிட்டுள்ளார்.

    புகழேந்தி


    இதைத்தொடர்ந்து செய்தியாளர் சந்திப்பில் அவர் கூறும் பொழுது
    மக்கள் நீதி மையம் கட்சி தலைவர் கமல்ஹாசன் உட்பட பல்வேறு அரசியல் கட்சியினரை தரக்குறைவாக, முன்னாள் அமைச்சர் ராஜேந்திரபாலாஜி பேசி இருப்பதாகவும் , இது தேர்தல் நடத்தை விதி முறைகளுக்கு எதிரானது என்பதால் அவர் மீது  சட்டரீதியான நடவடிக்கை எடுக்க வேண்டும் என தெரிவித்துள்ளார்.
    மேலும் ராஜேந்திர பாலாஜிக்கு நீதிமன்றம் ஜாமீன் வழங்கியது குறித்து பேசிய அவர் அரசு தரப்பு வழக்கறிஞர் ராஜேந்திர பாலாஜி குறித்த சரியான ஆவணங்களை நீதிமன்றத்தில் தாக்கல் செய்யாதது தோல்வி என தெரிவித்தார்.

    Also read: விமான நிலையத்தின் தண்ணீர் சப்ளையை துண்டித்து ஆளும் கட்சி எம்.எல்.ஏவின் மகன் அடாவடி!

    மேலும் கடந்த ஆட்சியில் காவல்துறை அவர்கள் பக்கம் இருந்ததால் நடவடிக்கை எடுக்கவில்லை. தற்போது நடவடிக்கை எடுக்க வேண்டுமென புகார் அளித்துள்ளேன். என் புகாரை பெற்றுக்கொண்ட ஐஜி காவல்துறை இயக்குனர் அலுவலகத்திலும் புகாரை பதிவு செய்யுமாறு அறிவித்துள்ளதாக தெரிவித்தார்.

     
    Published by:Arun
    First published:

    Tags: ADMK, Coimbatore, Rajendra balaji

    அடுத்த செய்தி