Home /News /tamil-nadu /

தேசிய நெடுஞ்சாலை திட்ட பணிகளை விரைவுபடுத்த தமிழக அரசு முழு ஒத்துழைப்பை வழங்கும் - நிதின் கட்கரிக்கு மு.க. ஸ்டாலின் கடிதம்

தேசிய நெடுஞ்சாலை திட்ட பணிகளை விரைவுபடுத்த தமிழக அரசு முழு ஒத்துழைப்பை வழங்கும் - நிதின் கட்கரிக்கு மு.க. ஸ்டாலின் கடிதம்

மு.க.ஸ்டாலின்

மு.க.ஸ்டாலின்

CM Mk Stalin | Nitin Gadkari | தமிழகத்தில் சாலைகள் அமைக்கும் பணியில் அரசின் ஒத்துழைப்பு கிடைக்கவில்லை என்று மத்திய நெடுஞ்சாலைகள் துறை அமைச்சர் நிதின் கட்கரி குற்றம்சாட்டி இருந்த நிலையில் முதல்வர் மு.க.ஸ்டாலின் அவருக்கு கடிதம் எழுதி உள்ளார்.

மேலும் படிக்கவும் ...
    தமிழக அரசின் ஒத்துழைப்பு கிடைத்தால் தமிழகத்தில் சாலைகளை அமைக்கும் பணிகள் விரைவாக நடைபெறும். நிதி ஒதுக்கீட்டில் எந்த பற்றாக்குறையும் இல்லை. தமிழகத்தில் சாலை பணிகளுக்காக ஆயிரம் கோடி ரூபாய் ஒதுக்க தயாராக இருக்கிறோம். அந்தவகையில் தமிழக அரசு போதிய ஒத்துழைப்பு அளிக்காததால் தான் தமிழகத்திலே சாலை அமைக்கும் பணிகள் தடைப்பட்டு உள்ளது. தமிகத்தில் அண்டை மாநிலங்களான கேரளா, கர்நாடகா, ஆந்திராவில் மாநில அரசு உரிய ஒத்துழைப்பு கொடுக்கிறது என்று தெரிவித்திருந்தார்.

    மத்திய அமைச்சர் நிதின் கட்கரியின் குற்றச்சாட்டை அடுத்து தமிழக நெடுஞ்சாலைத்துறை அமைச்சர், தமிழக அரசு நெடுஞ்சாலை துறை அதிகாரிகளுடன் முதல்வர் மு.க.ஸ்டாலின் அவசர ஆலோசனையில் மேற்கொண்டார். இந்நிலையில் முதல்வர் மு.க.ஸ்டாலின் மத்திய அமைச்சர் நிதின் கட்கரிக்கு கடிதம் எழுதி உள்ளார்.

    அதில், எனது அரசு பொறுப்பேற்றபிறகு, தேசிய நெடுஞ்சாலை ஆணையத் திட்டங்களுக்கு நாங்கள் அதிக முக்கியத்துவம் அளித்து வருகிறோம். எங்களைப் போன்ற தொழில்மயமான மாநிலத்திற்கு, சாலை இணைப்பின் முக்கியத்துவத்தை நாங்கள் முழுமையாக உணர்ந்துள்ளோம். எனவே, தேசிய நெடுஞ்சாலை ஆணையத்தின் திட்டங்களுக்கு முன்னுரிமை அளிக்க அனைத்துத் துறைகளுக்கும் உரிய அறிவுரைகளை நான் வழங்கியுள்ளேன். திட்டங்களைச் செயல்படுத்துவதில் தற்போதுள்ள பிரச்சினைகள் பல ஆண்டுகளாக நிலவிவருபவை.  இப்பிரச்சினைகள் தொடர்பாக ஆராய்ந்து, அவற்றைத் தீர்க்க தலைமைச் செயலாளரின் கீழ் உள்ள அதிகாரிகள் குழு உரிய முயற்சிகளை எடுத்து வருகிறது.

    Also Read ; அண்ணா பல்கலைக்கழக ஆன்லைன் செமஸ்டர் தேர்வு அட்டவனை வெளியீடு - முழு விவரம்

    கடந்த ஆறு மாதங்களில் தேசிய நெடுஞ்சாலை ஆணையத் திட்டங்களுக்கான உயர்மட்டக் கூட்டம் பதினைந்து நாட்களுக்கு ஒரு முறை நடத்தப்பட்டுள்ளது. திட்டங்களில் நிலவிடும் பிரச்சினைகளைத் தீர்த்திட ஏதுவாக, தொடர்புடைய மாவட்ட ஆட்சியர்கள் மற்றும் சம்பந்தப்பட்ட துறைகளுடனும், தேசிய நெடுஞ்சாலை ஆணைய அதிகாரிகளுடனும் விவாதிக்கப்பட்டு வருகிறது.பொதுப் பணித் துறை அமைச்சர் அவர்கள், 2021 அக்டோபர் 12 ஆம் தேதி புதுதில்லியில் உங்களைச் சந்தித்து, தமிழ்நாட்டில் தேசிய நெடுஞ்சாலை ஆணையத் திட்டங்களை விரைவாகச் செயல்படுத்திட எத்தகைய நடவடிக்கைகள் எடுக்கப்பட்டு வருகின்றன என்பது குறித்து உங்களுக்கு விளக்கினார்.

    மேலும், அந்தக் கூட்டத்தின்போது எடுக்கப்பட்ட முடிவின்படி, மாவட்ட ஆட்சியர்கள், தேசிய நெடுஞ்சாலை ஆணைய அதிகாரிகள், தேசிய நெடுஞ்சாலை ஆணைய ஒப்பந்ததாரர்கள் மற்றும் சம்பந்தப்பட்ட அதிகாரிகளின் பங்கேற்புடன், 2021 டிசம்பர் 16 ஆம் தேதி கூட்டுக் கூட்டத்தைக் கூட்டினார்.  புது தில்லியின் தேசிய நெடுஞ்சாலை ஆணையத்தின் பொது மேலாளரும் இந்தக் கூட்டத்தில் கலந்து கொண்டார்.  ஒரு நாள் முழுதும் நடைபெற்ற கூட்டத்தில், அனைத்துப் பிரச்சினைகள் மற்றும் எடுக்கப்பட்ட நடவடிக்கைகள் குறித்த விவரம் கண்டறியப்பட்டு, தேசிய நெடுஞ்சாலை ஆணையத்தின் 80 விழுக்காடு பிரச்சினைகள் தீர்க்கப்பட்டுள்ளன என்பது குறிப்பிடத்தக்கது.

    தேசிய நெடுஞ்சாலை ஆணையத்தால் முன்னிலைப்படுத்தப்படும் திட்டங்களில், குறிப்பாக விக்கிரவாண்டி-கும்பகோணம்-தஞ்சாவூர் சாலை மற்றும் அரியலூர்-காரைக்குடி சாலை போன்றவை தொடர்பான பிரச்சினைகள் மாண்புமிகு பொதுப் பணித் துறை அமைச்சர் மற்றும் தலைமைச் செயலாளரின் தலையீட்டின் காரணமாகத் தீர்க்கப்பட்டுள்ளன. இதுகுறித்து தமிழ்நாட்டிலுள்ள தேசிய நெடுஞ்சாலை ஆணையக் குழுவினருடன் உறுதிப்படுத்திக் கொள்ளமுடியும். அரசு நிலங்களில், நில அனுமதிகளைப் பொறுத்தவரையில், தமிழ்நாட்டில் இரண்டு பருவமழை இருப்பதால், அவை தற்போது மூன்று மாதங்களுக்கு வழங்கப்படுகின்றன, பொதுவாக ஏரிகள் / குளங்களில் ஆறு மாதங்களுக்கு நீர் இருப்பு உள்ளன.

    Also Read : மாணவியிடம் அமைப்புகள் வாக்குமூலம் பெற்றது தவறு..அமைச்சர் அன்பில் மகேஷ்

    எனினும், தேசிய நெடுஞ்சாலை ஆணையத்தின் வேண்டுகோளைக் கருத்தில் கொண்டு, அரசு நிலங்களிலும் நீண்ட காலத்திற்கு அனுமதி வழங்க சுரங்க விதிகளில் திருத்தம் செய்ய நடவடிக்கை எடுக்கப்பட்டு வருகிறது. தனியார் நிலங்களுக்கு, ஏற்கனவே ஒன்பது மாதங்கள் அல்லது அதற்கு மேல் அனுமதி வழங்கப்படுகிறது.தேசிய நெடுஞ்சாலை ஆணையத்தின் திட்டங்கள் தொடர்பான மறுஆய்வின்போது, சில திருத்த நடவடிக்கைகளை தேசிய நெடுஞ்சாலை ஆணையமும் எடுக்கவேண்டியதும் அவசியமாகும்.  இவை சில பிரச்சினைகளில், திட்டத்தைச் செயல்படுத்துவதில் தாமதம் ஏற்பட வழிவகுக்கின்றன. தாங்கள் மேற்கொள்ள வேண்டிய தேவையான சில நடவடிக்கைகள் குறித்து நான் எடுத்துரைக்க விரும்புகிறேன்:

    தேசிய நெடுஞ்சாலைகள் சட்டத்தின்கீழ் நிலம் கையகப்படுத்துவதற்கான நில மதிப்பீட்டை அங்கீகரிக்கும் முறை முறைப்படுத்தப்பட வேண்டும்.  சில சந்தர்ப்பங்களில், தேசிய நெடுஞ்சாலை ஆணையம், நிலம் கையகப்படுத்துவதற்கான தகுதிவாய்ந்த ஆணையம் (CALA) நிர்ணயித்த மதிப்பீட்டையோ அல்லது மாவட்ட ஆட்சியர்களால் வழங்கப்பட்ட நடுவர் முடிவுகளுக்கோ ஒப்புக்கொள்ளவில்லை, இது திட்டச் செயல்முறையை முடக்கியுள்ளது.

    இதேபோல், பல சந்தர்ப்பங்களில் மண்-கிராவல் எடுப்பதற்குத் தேவையான அனுமதி விண்ணப்பங்கள், தேவையான ஆவணங்கள் இல்லாமல் வழங்கப்படுகின்றன. சில சந்தர்ப்பங்களில், ஏரிகள் / குளங்களில் தண்ணீர் தேக்கமாவதால் அல்லது சுற்றுச்சூழல் முக்கியத்துவம் வாய்ந்த மண்டலங்களில் இருப்பதால், சாத்தியமற்ற இடங்களுக்கும் விண்ணப்பங்கள் வழங்கப்பட்டுள்ளன. அத்தகைய விண்ணப்பங்கள் சமர்ப்பிக்கும் முன் ஆராயப்பட வேண்டும்.

    மேலே கொடுக்கப்பட்டுள்ள விவரங்களிலிருந்து, தமிழ்நாட்டில் தேசிய நெடுஞ்சாலை ஆணையத் திட்டங்களுக்கு ஆதரவளிப்பதற்கு, மாநில அரசு தனது சிறந்த முயற்சிகளை முன்னெடுத்து வருகிறது என்பது தெள்ளத் தெளிவாகும், மேலும், இவை நீண்ட காலமாக நிலுவையில் உள்ள பல பிரச்சினைகளைத் தீர்க்க உதவியுள்ளன என்பதை அறிய முடிகிறது.

    மாநில அரசு மேற்கொண்ட முயற்சிகள் மற்றும் அதன் விளைவாக துறையில் ஏற்பட்டுள்ள முன்னேற்றம் ஆகியவற்றைக் கருத்தில் கொண்டு, மேலே குறிப்பிட்ட நிகழ்ச்சியின் போது தாங்கள் உரையாற்றியது சற்று வியப்பாக இருந்தது. இருப்பினும், அனைத்துப் பணிகளையும் விரைவுபடுத்த தேசிய நெடுஞ்சாலை ஆணையத்திற்கு எனது அரசு, தனது முழு ஒத்துழைப்பையும் வழங்கும் என்று நான் மீண்டும் உங்களுக்கு உறுதியளிக்க விரும்புகிறேன் என்றுள்ளார்.
    Published by:Vijay R
    First published:

    Tags: MK Stalin, TN Govt

    அடுத்த செய்தி