சிறந்த கிராம ஊராட்சிக்கு உத்தமர் காந்தி விருது - முதல்வர் ஸ்டாலின் அறிவிப்பு

தமிழக சட்டசபையில் 110-வது விதியின் கீழ் முதல்-அமைச்சர் மு.க.ஸ்டாலின் பேசியதாவது, கிராம ஊராட்சித் தலைவர்களின் தலைமைப் பண்பினை வெளிக் கொணரக்கூடிய வகையிலும், ஊராட்சிகளில் சிறந்த நிர்வாகத்தினை ஏற்படுத்திடும் வகையிலும், சிறப்பாக நிர்வகிக்கக்கூடிய கிராம ஊராட்சித் தலைவர்களைப் பெருமைப்படுத்த வேண்டும் என்கிற எண்ணத்தின் அடிப்படையில், நான் துணை முதல்-அமைச்சராகவும், துறையினுடைய அமைச்சராகவும் இருந்தபோதுதான், கருணாநிதியால் உத்தமர் காந்தி கிராம ஊராட்சி என்ற விருது 2006-ம் ஆண்டு முதல் வழங்கப்பட்டது.

அந்த வகையில், 2006 முதல் 2010-ம் ஆண்டு வரை, 60 கிராம ஊராட்சித் தலைவர்களுக்கு இந்த விருது வழங்கப்பட்டது. அதற்குப்பிறகு இடைப்பட்ட காலத்தில் இவ்விருது வழங்கப்படவில்லை. இந்த ஆண்டு முதல் வழங்கத் திட்டமிட்டிருக்கிறோம்.

Also Read : சமயபுரம், பழனி உள்ளிட்ட 10 கோவில்களில் பிரசாதம் இலவசம் - அமைச்சர் சேகர் பாபு தொடங்கி வைத்தார்

சிறப்பாகச் செயல்படக்கூடிய கிராம ஊராட்சிகளுக்கு உத்தமர் காந்தி விருது 2022-ம் ஆண்டு முதல் மீண்டும் வழங்கப்படும். ஆண்டுதோறும் மாவட்டத்திற்கு ஒன்று வீதம், சிறந்த 37 கிராம ஊராட்சிகளுக்கு 10 லட்சம் ரூபாய் வீதம் வழங்கப்படும்.