TN Local Body Election | டிச. 27, 30-ல் உள்ளாட்சித்தேர்தல் - ஜன. 2 ரிசல்ட்!

TN Local Body Election | டிச. 27, 30-ல் உள்ளாட்சித்தேர்தல் - ஜன. 2 ரிசல்ட்!
  • News18
  • Last Updated: December 2, 2019, 11:19 AM IST
  • Share this:
தமிழகத்தில் ஊரக உள்ளாட்சி அமைப்புகளுக்கான தேர்தல் டிசம்பர் 27 மற்றும் டிசம்பர் 30 ஆகிய இரண்டு கட்டமாக தேர்தல் நடக்கும் அறிவிக்கப்பட்டுள்ளது.

தமிழகத்தில் 2 கட்டமாக ஊரக உள்ளாட்சி அமைப்புகளுக்கான தேர்தல் நடக்கும் என்று மாநில தேர்தல் ஆணையம் அறிவித்துள்ளது.

டிசம்பர் 27, 30 ஆகிய தேதிகளில் தேர்தல் நடக்க உள்ளது. வரும் 6-ம் தேதி வேட்புமனு தாக்கல் தொடங்குகிறது. டிசம்பர் 13-ம் தேதி வரை வேட்புமனு தாக்கல் செய்யலாம். 18-ம் தேதிக்குள் வேட்புமனுவை வாபஸ் பெறலாம். வாக்கு எண்ணிக்கை ஜனவரி 2-ம் தேதி நடக்கும்.


ஊராட்சி வார்டு,  ஊராட்சி தலைவர், ஒன்றிய கவுன்சிலர், மாவட்ட ஊராட்சி ஒன்றிய கவுன்சிலர் ஆகிய பதவிகளுக்கு ஒரே நாளில் தேர்தல் நடக்கும்.

கிராம ஊராட்சிகளில் உள்ளாட்சி தேர்தலுக்கு நான்கு வண்ணங்களில் வாக்குச்சீட்டு பயன்படுத்தப்படும். ஊராட்சி வார்டு உறுப்பினர்கள் தேர்தலுக்கான வெள்ளை நிறத்திலும் கிராம ஊராட்சி தலைவர்கள் தேர்தலுக்கு இளஞ்சிவப்பு நிறத்திலும் ஊராட்சி ஒன்றிய வார்டு உறுப்பினர்கள் தேர்தலுக்கு பச்சை நிறத்திலும் மாவட்ட ஊராட்சி வார்டு உறுப்பினர்கள் தேர்தலுக்கு மஞ்சள் நிறத்திலும் வாக்குச்சீட்டுகள் பயன்படுத்தப்படும்.

மேயர், நகராட்சி தலைவர், பேரூராட்சி, ஊராட்சி தலைவர்களுக்கான மறைமுக தேர்தல் ஜனவரி 11-ம் தேதி நடக்க உள்ளது.பதிவு செய்யப்பட்ட அங்கீகரிக்கப்படாத அரசியல் கட்சிகளுக்கு சின்னங்கள் ஒதுக்கீட்டில் முன்னுரிமை அளிக்கப்பட்டுள்ளது.

நிர்வாக காரணங்களுக்காக முதற்கட்டமாக ஊரக உள்ளாட்சி அமைப்புகளுக்கு மட்டுமே மட்டுமே தேர்தல் தேதி அறிவிக்கப்பட்டுள்ளது. மாநகராட்சி நகராட்சிக்கான தேர்தல் தேதிகள் விரைவில் அறிவிக்கப்படும் என்று தெரிவிக்கப்பட்டுள்ளது.



 

First published: December 2, 2019
மேலும் பார்க்க
அடுத்து செய்திகள்

Top Stories

corona virus btn
corona virus btn
Loading