Home /News /tamil-nadu /

கபாலீஸ்வரர் கோயிலில்  இருந்த மயில் சிலை மயிலாப்பூர் குளத்தில் புதைந்துள்ளதாக காவல்துறை தகவல்

கபாலீஸ்வரர் கோயிலில்  இருந்த மயில் சிலை மயிலாப்பூர் குளத்தில் புதைந்துள்ளதாக காவல்துறை தகவல்

சென்னை உயர்நீதிமன்றம்

சென்னை உயர்நீதிமன்றம்

காவல் துறை தரப்பில் ஆஜரான தலைமை குற்றவியல் வழக்கறிஞர் ஹசன் முகமது ஜின்னா, சிலை திருட்டு வழக்கு தொடர்பான விசாரணையை முடிக்க உயர் நீதிமன்றம் வழங்கிய ஆறு வார அவகாசம் அடுத்த வாரம் முடிவடைவதாகவும், இதுவரை மேற்கொண்ட விசாரணையில் கோவில் குளத்தில் மயில் சிலை புதைக்கப்பட்டுள்ளது என தெரிய வந்துள்ளதாகவும் குறிப்பிட்டார்.

மேலும் படிக்கவும் ...
  • News18
  • Last Updated :
மயிலாப்பூர் கபாலீஸ்வரர் கோவிலில் இருந்து திருடப்பட்டதாக கூறப்படும் மயில் சிலை, கோவில் குளத்தில் புதைக்கப்பட்டுள்ளது என விசாரணையில் தெரியவந்துள்ளதாக காவல் துறை தரப்பில் சென்னை உயர் நீதிமன்றத்தில் தெரிவிக்கப்பட்டது.

சென்னை மயிலாப்பூர் கபாலீஸ்வரர் கோவிலில் 2004ம் ஆண்டு குடமுழுக்கு விழாவுக்கு பின், புன்னைவனநாதர் சன்னதியில், லிங்கத்தை மலரால் அர்ச்சிக்கும் மயில் சிலை இருந்ததாகவும், அந்த சிலை மாயமானதாகவும்,   அதற்கு பதிலாக பாம்பை அலகில் வைத்திருக்கும் மயில் சிலை வைத்துள்ளது ஆகம விதிகளுக்கு எதிராக உள்ளதாக கூறி, ஸ்ரீரங்கத்தை சேர்ந்த ரங்கராஜன் நரசிம்மன் வழக்கு தொடர்ந்திருந்தார்.

புதிய சிலையை அகற்றிவிட்டு, ஏற்கனவே இருந்த சிலையை வைத்து கும்பாபிஷேகம் நடத்தவும் மனுவில் கோரிக்கை வைத்திருந்தார்.

இந்த வழக்கு தலைமை நீதிபதி முனீஷ்வர்நாத் பண்டாரி மற்றும் நீதிபதி பரத சக்கரவர்த்தி அமர்வில் விசாரணைக்கு வந்த போது, அறநிலையத் துறை தரப்பில் ஆஜரான வழக்கறிஞர், புன்னைவனநாதர் சன்னதியில் அலகில் மலருடன் தான் மயில் சிலை இருந்தது என்பதற்கு எந்த புகைப்பட ஆதாரமும் இல்லை என தெரிவிக்கப்பட்டது.

அதேசமயம், அலகில் பூவுடன் இருந்த மயில் சிலையே இலச்சினையாக இருந்ததாக நிபுணர்களும், அர்ச்சகர்களும் தெரிவித்துள்ளதாகவும், அதனால் அலகில் பாம்புடன் உள்ள மயில் சிலையை மாற்றி விட்டு, அலகின் பூவுடன் இருந்த மயில் சிலையை அமைக்க முடிவு செய்யப்பட்டுள்ளதாகவும், அதற்கு அவகாசம் வழங்க வேண்டும் எனவும் அறநிலையத் துறை தரப்பில் தெரிவிக்கப்பட்டது.

காவல் துறை தரப்பில் ஆஜரான தலைமை குற்றவியல் வழக்கறிஞர் ஹசன் முகமது ஜின்னா, சிலை திருட்டு வழக்கு தொடர்பான விசாரணையை முடிக்க உயர் நீதிமன்றம் வழங்கிய ஆறு வார அவகாசம் அடுத்த வாரம் முடிவடைவதாகவும், இதுவரை மேற்கொண்ட விசாரணையில் கோவில் குளத்தில் மயில் சிலை புதைக்கப்பட்டுள்ளது என தெரிய வந்துள்ளதாகவும் குறிப்பிட்டார்.

சிலையை கண்டறிய குளத்தை தோண்டுவதற்கு பதில் வேறு தொழில் நுட்பத்தை பயன்படுத்தலாமா என்பது தொடராக அண்ணா பல்கலைக்கழகத்தின் உதவியை அணுகியுள்ளதாகவும் தெரிவித்தார்.

Also read... Russia-Ukraine War: உக்ரேனுக்குள் 40 மைல் தொலைவுக்கு அணிவகுத்து செல்லும் ரஷ்ய ராணுவம் - போரை தீவிரப்படுத்த திட்டம்

இதை ஏற்று, குளத்தில் சிலை உள்ளதா என்பதை கண்டறிய இரண்டு வார காலம் அவகாசம் வழங்கிய நீதிபதிகள், சிலை மீட்கப்பட்ட பின் உரிய உத்தரவுகள் பிறப்பிக்கப்படும் எனக் கூறி வழக்கை தள்ளிவைத்தனர்.

முன்னதாக சமீபத்தில் கோவிலுக்கு சென்றதாகவும், மயில் சிலையை பார்வையிட்டதாகவும் கூறிய தலைமை நீதிபதி, இந்த வழக்கை விசாரிப்பது முறையாக இருக்காது எனத் தெரிவித்தார். ஆனால் மனுதாரர் ரங்கராஜன் நரசிம்மனும், எதிர்மனுதாரர்களும் வழக்கை தொடர்ந்து விசாரிக்க வேண்டும் என கேட்டுக் கொண்டதை அடுத்து, தலைமை நீதிபதி விசாரணையை துவங்கினார் என்பது குறிப்பிடத்தக்கது.
Published by:Vinothini Aandisamy
First published:

Tags: Madras High court

அடுத்த செய்தி