வேலைநிறுத்தப் போராட்டத்தில் ஈடுபடும் அரசு ஊழியர்கள் மீது ஒழுங்கு நடவடிக்கை எடுக்கப்படும்: தலைமைச் செயலர் சண்முகம் எச்சரிக்கை..

சில மத்திய வர்த்தக சங்கங்கள், ஊழியர் சங்கங்கள் சில கோரிக்கைகளை வலியுறுத்தி நவம்பர் 26-ஆம் தேதி போராட்டம் அறிவித்துள்ளன. அந்த போராட்டத்தில் தமிழக அரசு ஊழியர்கள் பங்கேற்க அனுமதி கிடையாது என தலைமைச் செயலாளர் சண்முகம் தெரிவித்துள்ளார்.

வேலைநிறுத்த போராட்டம் என்ற பெயரில் அரசு அலுவலகங்களில் பணிகளை தடுக்கும் விதமாக ஊழியர்கள் நடந்து கொண்டால் ஒழுங்கு நடவடிக்கை எடுக்கப்படும் என எச்சரித்துள்ளார். நவம்பர் 26-ஆம் தேதி பணிக்கு வராத ஊழியர்களின் சம்பளம் பிடிக்கப்படும் எனவும் தெரிவித்துள்ளார். பகுதிநேர ஊழியர்கள், தினசரி ஊதியம் பெறுவோர் போராட்டத்தில் பங்கேற்றால் பணிநீக்கம் செய்யப்படுவர் எனவும் எச்சரித்துள்ளார்.

மேலும் படிக்க...Cyclone Nivar | சென்னை அடையாற்றின் இருகரையோர மக்கள் பாதுகாப்பான இடங்களுக்கு செல்லவேண்டும் - மத்திய நீர்வள ஆணையம்..

மேலும் அன்றைய தினம் மருத்துவ விடுப்பை தவிர, தற்காலிக விடுப்பு உட்பட எந்த விடுப்புக்கும் அனுமதி இல்லை என தலைமைச் செயலாளர் சண்முகம் உத்தரவிட்டுள்ளார் என்பது குறிப்பிடத்தக்கது.