• HOME
  • »
  • NEWS
  • »
  • tamil-nadu
  • »
  • Tamil Nadu Full Lockdown | காசிமேடு மீன் மார்க்கெட்டில் குவிந்த மக்கள் - கொரோனா பரவும் அபாயம்

Tamil Nadu Full Lockdown | காசிமேடு மீன் மார்க்கெட்டில் குவிந்த மக்கள் - கொரோனா பரவும் அபாயம்

Youtube Video

நாளை முழு ஊரடங்கு எதிரொலியாக காசிமேடு மீன் மார்க்கெட்டில் மக்கள் குவிந்தனர். இதனால் கொரோனா தொற்று பரவும் அபாயம் ஏற்பட்டுள்ளது. 

  • Share this:
    வேகமாக பரவி வரும் கொரோனா நோய் தொற்றின் இரண்டாம் அலை காரணமாக ஏற்கனவே இரவு நேர ஊரடங்கு மற்றும் ஞாயிற்றுக்கிழமைகளில் முழு ஊரடங்கு அமல்படுத்தப்பட்ட நிலையில் நோய்த்தொற்றின் தீவிரத்தால் திங்கட்கிழமை முதல் 14 நாட்களுக்கு முழு ஊரடங்கு அமலில் இருக்கும் என தமிழக முதலமைச்சர் மு.க.ஸ்டாலின் அறிவித்தார். அதன்காரணமாக, நேற்றும் இன்றும் இரவு 9 மணி வரையில் கடைகள் திறந்திருக்க அனுமதி வழங்கப்பட்டது.

    இந்நிலையில் காய்கறி மற்றும் மளிகை கடைகளில் பொது மக்கள் அதிகாலை முதலே அத்தியாவசிய பொருட்களை வாங்க குவிந்த வண்ணம் உள்ளனர். ஊரடங்கு நேரத்தில் கடைகள் திறக்கப்படாமல் போய்விடுமோ உணவுக்கு என்ன செய்வது என்று அறிந்த மக்கள் ஊரடங்கு அறிவிக்கப்பட்டதால் காய்கறி மீன்கள் மற்ற மளிகை பொருட்கள் உள்ளிட்டவைகளை வாங்குவதற்காக காசிமேடு, திருவொற்றியூர் காலடிபேட்டை மற்றும் தேரடி சந்தை உள்ளிட்ட பகுதிகளில் சமூக இடைவெளியின்றி அதிக அளவில் குவிந்தனர்.

    வியாபாரிகளும் காவல்துறையின் சார்பில் சமூக இடைவெளியை கடைபிடிக்க கூறி பல்வேறு எச்சரிக்கைகள் விடுக்கப்பட்டு வந்தாலும் பொதுமக்கள் தங்கள் பொருட்களை வாங்கிச் செல்வதில் மட்டும் அதிக நாட்டம் செலுத்தி வருகின்றனர்

    ஊரடங்கு அறிவித்து நோய்த்தொற்று பரவலை தடுக்கும் விதமாக தமிழக அரசு அறிவித்துள்ள நிலையில் இது போன்ற பொது மக்கள் ஒரே இடத்தில் அதிக அளவில் கூடுவதால் நோய் தொற்று பரவும் அபாயம் ஏற்பட்டுள்ளதாகவும் மாநகராட்சி நிர்வாகமோ அல்லது தமிழக அரசு இதனை தடுக்க நடவடிக்கை மேற்கொள்ள வேண்டும் என சமூக ஆர்வலர்கள் கோரிக்கை விடுக்கின்றனர்.



    உடனடி செய்திகளுக்கு இணைந்திருங்கள்

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Karthick S
    First published: