Home /News /tamil-nadu /

தமிழகம் மற்றும் புதுவையில் 5 நாட்களுக்கு மழைக்கு வாய்ப்பு - சென்னை வானிலை ஆய்வு மையம்..

தமிழகம் மற்றும் புதுவையில் 5 நாட்களுக்கு மழைக்கு வாய்ப்பு - சென்னை வானிலை ஆய்வு மையம்..

மழைக்கு வாய்ப்பு

மழைக்கு வாய்ப்பு

Rain Update | சென்னையை பொறுத்தவரை:அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசானது / மிதமான மழை பெய்யக்கூடும் என வானிலை ஆய்வு மையம் தெரிவித்துள்ளது.

    தமிழக பகுதிகளின் மேல் நிலவும் வளிமண்டல கீழடுக்கு சுழற்சி காரணமாக 22.06.2022, முதல் 26.06.2022 வரை தமிழ்நாடு, புதுவை மற்றும் காரைக்கால் பகுதிகளில் ஒரு சில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் தகவல் தெரிவித்துள்ளது.

    அதன்படி, இன்று மற்றும் நாளை  தமிழ்நாடு, புதுவை மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். நாளை மறுதினம் தமிழ்நாடு, புதுவை மற்றும் காரைக்கால் பகுதிகளில் ஒருசில இடங்களில் லேசானது முதல் மிதமான மழை பெய்யக்கூடும் என தெரிவிக்கப்பட்டுள்ளது.

    இதேபோல், ஜூன் 25, 26 ஆகிய தேதிகளில்  தமிழ்நாடு, புதுவை மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்ய வாய்ப்பு உள்ளதாக வானிலை ஆய்வு மையம் தெரிவித்துள்ளது.

    சென்னையை பொறுத்தவரை:

    அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசானது / மிதமான மழை பெய்யக்கூடும். அதிகபட்ச வெப்பநிலை 35 டிகிரி செல்சியஸ் மற்றும் குறைந்தபட்ச வெப்பநிலை 27  டிகிரி செல்சியஸ் அளவில் இருக்கக்கூடும்.

    கடந்த 24 மணி நேரத்தில் பதிவான மழை அளவு (சென்டிமீட்டரில்):

    அம்பத்தூர் (திருவள்ளூர்) 8, CD மருத்துவமனை, தொண்டையார்பேட்டை (சென்னை), மாவட்ட ஆட்சியர் அலுவலகம், சென்னை (சென்னை), பெரம்பூர் (சென்னை), எம்ஜிஆர் நகர் (சென்னை), குட்வில் பள்ளி, வில்லிவாக்கம் ARG  (திருவள்ளூர்) தலா 7, ஆவடி (திருவள்ளூர்), ரெட் ஹில்ஸ் (திருவள்ளூர்) தலா 6, கலயநல்லூர் (கள்ளக்குறிச்சி), சோழிங்கநல்லூர் (சென்னை), அண்ணா பல்கலைக்கழகம் ARG (சென்னை), அயனாவரம் தாலுகா அலுவலகம் (சென்னை), வம்பன் KVK  (புதுக்கோட்டை) தலா 5 செ.மீ.

    மீனவர்களுக்கான எச்சரிக்கை :  

    22.06.2022 , 23.06.2022 தேதிகளில் வடக்கு கர்நாடகா மற்றும்  அதனை ஒட்டிய மத்திய கிழக்கு அரபிக்கடல் பகுதிகளில் சூறாவளிக்காற்று மணிக்கு 40 முதல் 50 கிலோ மீட்டர் வேகத்தில் வீசக்கூடும்.

    24.06.2022 முதல் 26.06.2022 வரை இலட்சத்தீவு பகுதி, கேரளா - கர்நாடக கடலோரப் பகுதிகள்  மற்றும்  அதனை ஒட்டிய மத்திய கிழக்கு, தென் கிழக்கு அரபிக்கடல் பகுதிகளில் சூறாவளிக்காற்று மணிக்கு 40 முதல் 50 கிலோ மீட்டர் வேகத்தில் வீசக்கூடும்.
    மேற்குறிப்பிட்ட நாட்களில் மீனவர்கள் இப்பகுதிகளுக்கு  செல்ல வேண்டாமென்று அறிவுறுத்தப்படுகிறார்கள்.

    22.06.2022, 23.06.2022: குமரிக்கடல் பகுதி, தென் தமிழக கடலோரப் பகுதிகள், மன்னார் வளைகுடா மற்றும் அதனை ஒட்டிய தென்மேற்கு வங்கக்கடல் பகுதிகளில் பலத்தக்காற்று மணிக்கு 35 முதல் 45 கிலோ மீட்டர் வேகத்தில்  வீசக்கூடும் என தெரிவிக்கப்பட்டுள்ளது.
    Published by:Lilly Mary Kamala
    First published:

    Tags: Meteorological Center, Rain Update

    அடுத்த செய்தி