Home /News /tamil-nadu /

உஷார்... காரில் வந்து பைக்குகளை திருடும் கும்பல்...

உஷார்... காரில் வந்து பைக்குகளை திருடும் கும்பல்...

சிசிடிவி காட்சி

சிசிடிவி காட்சி

இருசக்கர வாகனத்தை திருடும் முன்பே கொள்ளையர்களை போலீசார் பிடித்து இருக்கலாம். ஆனால் போலீசார் ரோந்து பணியில் முழுமையாக ஈடுபடாததால் கொள்ளையர்களை கோட்டை விட்டுவிட்டதாக புகார் தெரிவிக்கின்றனர் அப்பகுதி மக்கள்.

  • News18
  • Last Updated :
சென்னை சோழிங்கநல்லூரில் இருசக்கர வாகனங்களை காரில் வந்து திருடிச் செல்லக்கூடிய சம்பவம் அதிகரித்துள்ளது. ரோந்து பணிக்கு சென்ற போலீசார் பாதியில் திரும்பியதால் கொள்ளையர்கள் சிக்காமல் தப்பியுள்ளனர்.

சென்னை சோழிங்கநல்லூர் அலமேலுமங்காபுரம் காலனி பகுதியில் கடந்த 22-ம் தேதி நள்ளிரவு காரில் வந்த அடையாளம் தெரியாத நபர்கள் வீட்டில் நிறுத்தி வைத்து இருந்த இரு சக்கர வாகனத்தை திருடிச் சென்றனர். இந்த காட்சி அங்கிருந்த சிசிடிவி கேமராவில் பதிவாகியுள்ளது.

திருடப்பட்ட பைக்கின் உரிமையாளர்களான, ஐடி ஊழியர்கள் வினோத் மற்றும் ராஜ்கமல் செம்மஞ்சேரி காவல்நிலையத்தில் புகார் அளித்தனர்.

இருசக்கர வாகனத்தை திருடிச் செல்லும் நபர்கள்  காரில் வந்து திட்டமிட்டு திருடி சென்றுள்ளது சிசிடிவி காட்சிகள் மூலம் தெரிய வந்துள்ளது.

அவர்கள் இரு சக்கர வாகனத்தை திருடும் முன்பு, அலமேலுமங்காபுரம் சாலையில் செம்மஞ்சேரி போலீசார் ரோந்து சென்றனர். ஆனால் சாலை முழுவதும் செல்லாமல் பாதி வழியில் நின்று விட்டு திரும்பியுள்ளனர்.

போலீசார் கொஞ்சம் தூரம் முன்னால் சென்றிருந்தால் தனியாக ஒரு கார் நள்ளிரவில் நிற்பதை கண்டு விசாரித்திருக்கலாம். அதில் உள்ளவர்கள் யார் என விசாரித்திருந்தாலே கொள்ளையர்கள் சிக்கியிருப்பார்கள்.

இருசக்கர வாகனத்தை திருடும் முன்பே கொள்ளையர்களை போலீசார் பிடித்து இருக்கலாம். ஆனால் போலீசார் ரோந்து பணியில் முழுமையாக ஈடுபடாததால் கொள்ளையர்களை கோட்டை விட்டுவிட்டதாக புகார் தெரிவிக்கின்றனர் அப்பகுதி மக்கள்.

குற்றங்களை குறைக்க காவல் நிலைய எல்லைக்குட்பட்ட பகுதியில் போலீசார் முழுவதும் ரோந்து பணியில் ஈடுபடவேண்டும் என்றும் கோரிக்கை வைத்துள்ளனர்.

சிசிடிவி கேமராவில் பதிவான 2  இருசக்கர வாகனங்கள் மட்டுமல்லாமல் அப்பகுதியில் இதுவரை 8 இருசக்கர வாகனங்கள் காணாமல் போயுள்ளதாக அப்பகுதி மக்கள் தெரவித்துள்ளனர்.

இருசக்கர வாகனம் திருட்டு குறித்து புகாரை ஏற்ற போலீசார் சிசிடிவி காட்சிகளை வைத்து இரு சக்கர வாகனங்களை திருடி சென்ற நபர் யார் என்பது குறித்தும், அந்த கும்பல் குறித்தும் விசாரணை மேற்கொண்டு வருகின்றனர்.

Also Watch: ரஜினி பேசிய பஞ்ச் டயலாக்கில் மறைந்துள்ள அரசியல்

Published by:Anand Kumar
First published:

Tags: Bike Theft, CCTV Footage, Chennai, Crime | குற்றச் செய்திகள்

அடுத்த செய்தி