கிராமங்களின் தெருக்களில் உள்ள சாதிப் பெயர்களை நீக்க வேண்டும் - விசிக எம்.எல்.ஏ சிந்தனை செல்வன்

தலைவர்களின் சிலைகளுக்கு உள்ள இரும்பு கூண்டுகளை அகற்றி நவீன படுத்த வேண்டும் என்றும் கோரிக்கை.

  • Share this:
கிராமங்களின் தெருக்களில் உள்ள சாதி பெயரை நீக்க வேண்டுமென்று சட்டப்பேரவையில் விடுதலை சிறுத்தைகள் கட்சியின் சட்டமன்றக் குழு தலைவரும், காட்டுமன்னார்கோயில் சட்டமன்ற உறுப்பினருமான சிந்தனை செல்வன் கோரிக்கை விடுத்துள்ளார்.

தமிழக சட்டப்பேரவையில் விவாத்தின் போது பேசிய விசிக எம்.எல்.ஏ சிந்தனை செல்வன், அனைத்து சாதியினரும் அர்ச்சகர் திட்டம் மூலம் சமூகநீதி பயணத்தின் தொடர்ச்சியாக மட்டுமல்லாமல் பரினாம வளர்ச்சியாகவும் இருக்கிறார் முதல்வர். தமிழ் சமூகத்தின் ஆகச்சிறந்த தலைவராக முதல்வர் ஸ்டாலின் கிடைத்திருக்கிறார் என்பதை எண்ணி மகிழ்கிறேன். இன்று சில நேரம் மாஸ்க்கை கழட்டிவிட்டு பேசலாம் என்ற நம்பிக்கையை மருத்துவ துறை அமைச்சர் தந்திருக்கிறார். வேளாண் துறைக்கு தனி அறிக்கை என்பது ஏதோ ஒரு அறிக்கை அல்ல அது வேளாண் துறையின் புரட்சி.

எருமை, பன்றி போன்ற எளிய மக்களின் கால்நடைகளையும் பாதுகாக்க நடவடிக்கைகள் எடுக்க வேண்டும். கால்நடை வளர்ப்பு பட்டியலில் இவற்றை இணைக்க வேண்டும். அரசின் அனைத்து வேளாண்  திட்டங்களிலும் நிலமற்ற கூலி விவசாயிகளின் நலன்களை முன்னிறுத்தி நடவடிக்கைகளை மேற்கொள்ள வேண்டும். பதவி உயர்வில் ரோஸ்டர் முறையை   கீழமை நீதிமன்றம் ரத்து செய்தது.69% இட ஒதுக்கீட்டை பாதுகாக்கதனியார் துறையில் இட ஒதுக்கீடு என்பது தொலை நோக்கு திட்டம் என்றாலும் அனைத்து துறையிலும் இட ஒதுக்கீடு பாதுகாக்கப்பட வேண்டும்.

Also Read : நீட் தேர்வு ரத்து என்பதை ஒரு இயக்கமாக முன்னெடுக்க வேண்டும் - உதயநிதி ஸ்டாலின்

இஸ்லாமிய மகளிர் கல்வியை மேம்படுத்த சிறப்பு திட்டம் கொண்டு வர வேண்டும். கிருத்துவம் தழுவிய ஆதி திராவிட மக்களுக்கு இட ஒதுக்கீடு வழங்கிட வேண்டுகிறேன். சனாதன சக்திகளால் இந்தியாவின் பன்மை தன்மைக்கு ஆபத்து ஏற்பட்டிருக்கிறது. அதனை காக்க விகிதாச்சார தேர்தல் நடத்த நடவடிக்கை எடுக்க வேண்டும். கிராமங்களில் குடி நோய்க்கு அடிமையாகி உள்ள இளைஞர்களை ஒழுங்கு படுத்தும் முயற்சியாக உடன்பிறப்பு உணவகம் திறக்க வேண்டும்.

தமிழகம் முழுவதும் கிராமங்களில் சாதி பெயர்களில் உள்ள தெருக்களின்  பெயர்களை மாற்ற வேண்டும். தலைவர்களின் சிலைகளுக்கு உள்ள இரும்பு கூண்டுகளை அகற்றி நவீன படுத்த வேண்டும், தனியார் பகுதியில் மட்டுமல்லாமல் அரசு வளாகங்களிலும் அமைக்க வேண்டும். வீராணம் ஏரியை தூர் வார நடவடிக்கை எடுக்க வேண்டும். அயோத்திதாசர் பண்டிதருக்கு நினைவு மணிமண்டபம் அமைக்க வேண்டும் என்று விடுதலை சிறுத்தைகள் கட்சி சார்பில் கோரிக்கை விடுக்கிறோம் என்றார்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Published by:Vijay R
First published: