AUTO-REFRESH
வழக்கமாக நடைபெறும் பொதுக்குழு கூட்டத்துக்கு தான் 15 நாட்களுக்கு முன்னர் நோட்டீஸ் அனுப்ப வேண்டும். இதுபோன்ற சிறப்பு பொதுக்குழு கூட்டத்துக்கு பொரும்பாண்மையான பொதுக்குழு உறுப்பினர்கள் கோரிக்கை தெரிவித்தால் 15 நாட்கள் அவகாசம் என்பது அவசியமில்லை - இபிஎஸ்
ஜூலை 11 பொதுக்குழு கூட்டம் குறித்து ஜூன் 23 ஆம் தேதியே அறிவிக்கப்பட்டு விட்டது.அனைத்து தொலைக்காட்சிகளிலும் நேரலை செய்தார்கள். உறுப்பினர்கள் அல்லாதவர்கள் கூட அறிந்து கொண்டார்கள். ஓ.பி.எஸ் தனக்கு தெரிவிக்காமல் பொதுக்குழு அறிவிக்கப்பட்டதாக கூற முடியாது - இபிஎஸ் தரப்பு
ஒருங்கிணைப்பாளர் இணை ஒருங்கிணைப்பாளர் பதவிகள் காலாவதியாகவில்லை- ஈ.பி.எஸ் தரப்பு
ஒருங்கிணைப்பாளர் - இணை ஒருங்கிணைப்பாளர் பதவிகள் காலாவதியாகவில்லை என நீதிமன்றத்தில் விளக்கம்.
2 கோடி உறுப்பினர்கள் கொண்ட கட்சிக்கு எதிராகவும் பொதுக்குழுவுக்கும் எதிராகவும் கட்சியின் ஒருங்கிணைப்பாளர் வழக்கு தொடர்ந்துள்ளார். ஒட்டு மொத்த கட்சியும் தனக்கு எதிராக இருப்பதாக நினைத்து வழக்கு தொடர்ந்துள்ளார். - ஈபிஎஸ் தரப்பு
ஜூலை 11ம் தேதி நடக்க உள்ள அதிமுக பொதுக்குழு கூட்டத்துக்கு தடை விதிக்க கோரி, ஒருங்கிணைப்பாளர் பன்னீர்செல்வம் தொடர்ந்த வழக்கு விசாரணை தொடங்கியது.நீதிபதி கிருஷ்ணன் ராமசாமி கேட்ட கேள்விகள் தொடர்பாக இ.பி.எஸ் தரப்பில் பதில் மனு தாக்கல்.
ஷின்சோ அபே மரணம்
ஜப்பானில் துப்பாக்கியால் சுடப்பட்ட முன்னாள் பிரதமர் ஷின்சோ அபே மரணம். படுகாயமடைந்து மருத்துவமனையில் சிகிச்சை பெற்று வந்த நிலையில் உயிரிழந்தார்
நடிகர் விக்ரம் மருத்துவமனையில் அனுமதி
சென்னை ஆழ்வார்ப்பேட்டையில் உள்ள காவிரி மருத்துவமனையில் உடல்நலக்குறைவு காரணமாக அனுமதிக்கப்பட்டுள்ளார். மாரடைப்பு காரணமாக நேற்றிரவு அனுமதிக்கப்பட்டதாக மருத்துவமனை தகவல்.
செங்கல்பட்டு சாலை விபத்து.. ரூ.5 லட்சம் நிதியுதவி அறிவிப்பு
செங்கல்பட்டு அருகே நிகழ்ந்த சாலை விபத்தில் பலியானவர்களின் குடும்பத்தினருக்கு தலா 5 லட்ச ரூபாயும், காயமடைந்தவர்களுக்கு 50,000 ரூபாயும் தமிழக அரசு சார்பில் நிதியுதவி - முதல்வர் ஸ்டாலின் அறிவிப்பு..
ஷின்சோ அபே உடல்நிலை கவலைக்கிடமாக உள்ளது - ஜப்பான் பிரதமர் தகவல்
ஜப்பான் முன்னாள் பிரதமர் ஷின்ஸோ அபே நாரா நகரில் மேடையில் பேசிக்கொண்டிருந்தபோது துப்பாக்கியால் சுடப்பட்டார். இரத்த காயங்களுடன் அவர் மருத்துமனையில் அனுமதிக்கப்பட்டு சிகிச்சை பெற்று வருகிறார். இந்நிலையில் ஷின்சோ அபே உடல்நிலை கவலைக்கிடமாக இருப்பதாக ஜப்பான் பிரதமர் ஃபுமியோ கிஷிடா தெரிவித்துள்ளார்.
கல்லூரிகளில் விண்ணப்பிக்க அவகாசம் : அமைச்சர் பொன்முடி
பொறியியல், கலை அறிவியல் கல்லூரிகளில் சேர விண்ணப்பிக்க அவகாசம்.சிபிஎஸ்இ தேர்வு முடிவுகள் வெளியான பிறகும் கல்லூரிகளில் சேர விண்ணப்பிக்கலாம். கல்லூரிகளில் விண்ணப்பிக்க தேதி குறிப்பிடாமல் கால நீட்டிப்பு செய்யப்பட்டுள்ளது. அனைத்து மாணவர்களுக்கும் நீட்டிப்பு வழங்குவதாக உயர்கல்வித்துறை அமைச்சர் பொன்முடி தெரிவித்துள்ளார்.
ஷின்ஸோ அபே மீது தாக்குதல் : பிரதமர் மோடி வேதனை
எனது நண்பர் ஷின்ஸோ அபே மீதான தாக்குதல் மிகுந்த கவலை அளிக்கிறது. ஷின்ஸோ அபே, அவரது குடும்பத்தினருக்காக பிரார்த்திக்கின்றேன் - பிரதமர் மோடி
