AUTO-REFRESH
சென்னை ரயில் நிலையத்தில் மாணவி கொல்லப்பட்ட வழக்கு சிபிசிஐடி-க்கு மாற்றம்
சென்னை பரங்கிமலை ரயில் நிலையத்தில் கல்லூரி மாணவி சத்யா கொல்லப்பட்ட வழக்கு இருப்புப் பாதை காவல்துறையிடம் இருந்து சிபிசிஐடிக்கு மாற்றம் செய்து டிஜிபி சைலேந்திரபாபு உத்தரவிட்டுள்ளார்.
தமிழகம் முழுவதும் லஞ்ச ஒழிப்புத்துறை அதிரடி சோதனை
தமிழகம் முழுவதும் 30-க்கும் மேற்பட்ட இடங்களில் லஞ்ச ஒழிப்புத்துறையினர் சோதனை செய்து வருகின்றனர். போக்குவரத்து துறை, பத்திரப்பதிவுத் துறை உள்ளிட்ட அரசு அலுவலங்களில் சோதனை நடைபெற்று வருகிறது. தீபாவளியை முன்னிட்டு அதிகாரிகள் வசூல் வேட்டையில் இறங்குவதை தடுக்க நடவடிக்கை எடுக்கப்பட்டுள்ளது. இதுவரை கணக்கில் வராத ரூ.2 லட்சம் ரொக்கம் பறிமுதல் செய்யப்பட்டுள்ளது.
மாணவியை கொலை செய்த சதீஷிற்கு 14 நாட்கள் நீதிமன்ற காவல்
மாணவியை ரயிலில் தள்ளிவிட்டு கொலை செய்த சதீஷை சைதாப்பேட்டை நீதிமன்றத்தில் காவல்துறையினர் ஆஜர்படுத்தினர். சதீஷை 14 நீதிமன்றத்தில் காவல் அடைக்க நீதிபதி உத்தரவிட்டார். இதனிடையே நீதிமன்றத்திற்கு சதீஷ் அழைத்து வரப்பட்ட போது அவர் மீது சிலர் தாக்குதல் நடத்த முயற்சி செய்தனர்.
சின்னத்திரை நடிகர் அர்னவ் கைது
நடிகை திவ்யாவை தாக்கியதாக அளித்த புகாரில் தலைமறைவாக இருந்த சின்னத்திரை நடிகர் அர்னவ் பூந்தமல்லி அடுத்த நேமம் பகுதியில் படப்பிடிப்பு தளத்தில் கலந்து கொண்ட போது அவரை போலீசார் கைது செய்துள்ளனர்.
நவம்பர் 12-ல் இமாச்சலப்பிரதேச சட்டப்பேரவை தேர்தல்
இமாச்சலப்பிரதேச சட்டப்பேரவைக்கு நவம்பர் 12-ம் தேதி ஒரே கட்டமாக தேர்தல் நடைபெறும் என தலைமை தேர்தல் ஆணையர் தெரிவித்துள்ளார். டிசம்பர் 8-ம் வாக்கு எண்ணிக்கை நடைபெறும் என்று தெரிவிக்கப்பட்டுள்ளது.
தமிழக அரசு ஊழியர்களுக்கு போனஸ் அறிவிப்பு
தமிழக அரசின் பொதுத்துறை ஊழியர்களுக்கு தீபாவளி போனஸ் அறிவிக்கப்பட்டுளய்ளது. சி மற்றும் டி பிரிவு ஊழியர்களுக்கு 10 சதவீத போனஸ். 8.33 போனஸ் மற்றும் 1.67 சதவீத கருணை தொகை என 10 சதவீதம் வழங்கப்படும் என தமிழக அரசு அறிவித்துள்ளது.
சென்னை வழியாக அடுத்த வந்தே பாரத் ரயில்
5ஆவது வந்தே பாரத் ரயில் நவம்பர் 10ஆம் தேதி தொடங்கி வைக்கப்பட இருக்கிறது. இந்த ரயில் சென்னை - பெங்களூர் - மைசூர் வழியாக பயணிக்க இருக்கிறது. நேற்று பிரதமர் மோடி ஹிமாச்சல பிரதேசத்தில் 4ஆவது வந்தே பாரத் ரயிலை கொடி அசைத்து தொடக்கி வைத்தார் என்பது குறிப்பிடத்தக்கது.
நளினி மற்றும் ரவிச்சந்திரன் தொடர்ந்த மனு - அவசர வழக்காக விசாரிக்க முடியாது என நீதிபதிகள் கருத்து
பேரறிவாளனை போல தங்களையும் விடுவிக்க கோரி நளினி மற்றும் ரவிச்சந்திரன் ஆகியோர் தொடர்ந்த மனு மீதான விசாரணை திங்கட்கிழமைக்கு ஒத்திவைப்பு. இந்த வழக்கை அவசர வழக்காக விசாரிக்க முடியாது என நீதிபதிகள் கருத்து.
வேல்முருகன் பழங்குடியினரல்ல - தமிழக அரசு விளக்கம்
உயர்நீதிமன்ற வளாகத்தில் தீக்குளித்து தற்கொலை செய்துகொண்ட வேல்முருகன் பழங்குடியினரே அல்ல என தமிழக அரசு விளக்கம். மலைக்குறவர் என சாதிச்சான்று வழங்காமல் அலைகழித்ததாக கூறி வேல்முருகன் தற்கொலை செய்துகொண்டார். இந்த வழக்கை தாமாக முன்வந்து விசாரித்த உயர் நீதிமன்றம், இதனை விசாரிக்க டிஆரோ-வை நியமித்து 2 வாரங்களில் அறிக்கை தர காஞ்சிபுரம் ஆட்சியருக்கு சென்னை உயர் நீதிமன்றம் உத்தரவு.
காவிரி கரையோர மக்களுக்கு எச்சரிக்கை
மேட்டூர் அணையிலிருந்து மதியம் 1 மணி முதல் வினாடிக்கு 45,000 கன அடி நீர் வெளியேற்றப்பட்டு கொண்டிருந்த நிலையில், இன்று மதியம் முதல் 55,000 கன அடியாக உயர்கிறது. இதனால் கவிரி கரையோர மக்களுக்கு வெள்ல அபாய எச்சரிக்கை விடுக்கப்பட்டுள்ளது.
