Home /News /tamil-nadu /

பா.ஜ.கவில் சசிகலா; நயினார் நாகேந்திரன் கருத்தை மறுக்கும் அண்ணாமலை

பா.ஜ.கவில் சசிகலா; நயினார் நாகேந்திரன் கருத்தை மறுக்கும் அண்ணாமலை

அண்ணாமலை, சசிகலா, நயினார் நாகேந்திரன்

அண்ணாமலை, சசிகலா, நயினார் நாகேந்திரன்

சசிகலாவை பா.ஜ.கவில் சேர்ப்பது குறித்து டெல்லி தலைமைதான் முடிவு செய்யும் என்று பா.ஜ.க தமிழகத் தலைவர் அண்ணாமலை தெரிவித்துள்ளார்.

    அ.தி.மு.கவில் சசிகலாவை சேர்த்தால் அ.தி.மு.க வலுப்பெறும்.
    அ.தி.மு.கவில் சசிகலாவை சேர்க்க விருப்பம் இல்லை என்றால் அவர் பாரதிய ஜனதா கட்சிக்கு வந்தால் நாங்கள் அவரை வரவேற்போம் என்று பா.ஜ.க துணைத் தலைவர் நயினார் நாகேந்திரன் தெரிவித்துள்ளார்.

    புதுக்கோட்டைக்கு திருமண விழாவில் கலந்துகொள்ள வந்த தமிழக சட்டமன்ற பா.ஜ.க தலைவரும் முன்னாள் அமைச்சருமான நயினார் நாகேந்திரன் செய்தியாளர்களிடம் பேசினார். அப்போது அவர், ‘அதிமுகவில் சசிகலாவை சேர்த்துக்கொண்டால் அக்கட்சி வளரும்
    அதிமுகவில் அவர்களை சேர்த்துக் கொள்ளவில்லை என்று கூறினால் பாஜகவில் செய்தால் நாங்கள் அவரை வரவேற்போம். அது பாரதிய ஜனதா கட்சிக்கு உறுதுணையாக இருக்கும். இதற்கான முயற்சிகளை நாங்கள் எடுத்து வருகிறோம். கடந்த சில மாதங்களுக்கு முன்பு மத்திய அரசு ஏன் பெட்ரோல் டீசல் விலையை குறைக்கவில்லை என்று திமுக கூறியது.

    ஆனால் இரண்டு முறை தற்போது பெட்ரோல், டீசல் விலையை மத்திய அரசு குறைத்து விட்டது. இருப்பினும் தமிழக அரசு பெட்ரோல் மற்றும் டீசல் விலையை குறைக்கத் தயாராகவில்லை. பெயரளவிற்கு பெட்ரோல் விலையை மட்டும் சிறிது குறைத்து விட்டு அவர்கள் கொடுத்த தேர்தல் வாக்குறுதியை காற்றில் பறக்க விட்டு வருகின்றனர்.

    ஒன்றிய அரசு என்று கூறுவதை திமுகவினர் பெருமையாக கருதுகின்றனர். திமுக தங்களை பெருமைபடுத்திக் கொள்வதை முன்னெடுத்து செல்கிறதே தவிர மக்கள் பிரச்சினையை மக்களுக்கு நல்லது செய்ய வேண்டும் என்ற கருத்தையும் அவர்கள் முன்னெடுக்கவில்லை.

    தேசிய கல்வி அமைச்சர்கள் மாநாட்டை புறக்கணித்த அன்பில் மகேஷ், பொன்முடி..

    தமிழகத்தில் அதிகரித்து வரும் பாலியல் வன்கொடுமை விவகாரத்தில் காவல்துறை நடவடிக்கை எடுக்க வேண்டும். இதில் முதலமைச்சர் தனிக்கவனம் செலுத்த வேண்டும்’ என்று தெரிவித்தார்.

    இந்தநிலையில் இதுகுறித்து பேசிய பா.ஜ.க தலைவர் அண்ணாமலை, ‘சசிகலாவை பாஜகவில் இணைப்பது குறித்து நயினார் நாகேந்திரன் தெரிவித்த கருத்து அவரது சொந்த கருத்து. பாஜகவின் கருத்து இல்லை. பாஜகவில் யார் வேண்டுமானாலும் இணையலாம். குறிப்பிட்ட சிலர் (சசிகலா) இணைவது குறித்து டில்லி தலைமை முடிவு செய்யும்’ என்று தெரிவித்தார்.
    Published by:Karthick S
    First published:

    Tags: Annamalai, Nainar Nagendran, Sasikala

    அடுத்த செய்தி