காவிரி டெல்டாவில் மீண்டும் ஹைட்ரோகார்பன் எடுக்க முயற்சி: தமிழக அரசு நடவடிக்கை எடுக்க பூவுலகின் நண்பர்கள் அமைப்பு கோரிக்கை!

தஞ்சாவூர், திருவாரூர், நாகை, புதுக்கோட்டை, அரியலூர், கடலூர், திருச்சி, கரூர் ஆகிய 8 மாவட்டங்களை உள்ளடக்கிய காவேரி டெல்டா பகுதிகளை பாதுகாக்கப்பட்ட சிறப்பு வேளாண் மண்டலமாக அறிவித்து சட்டம் இயற்றப்பட்டுள்ளது. இதைத் தெரிந்தும் கூட தொடர்ச்சியாக ஹைட்ரோகார்பன் ஏலங்களில் காவேரி டெல்டா பகுதிகளை மத்திய அரசு இடம்பெறச் செய்வது எதேச்சதிகாரமாக உள்ளது.

தஞ்சாவூர், திருவாரூர், நாகை, புதுக்கோட்டை, அரியலூர், கடலூர், திருச்சி, கரூர் ஆகிய 8 மாவட்டங்களை உள்ளடக்கிய காவேரி டெல்டா பகுதிகளை பாதுகாக்கப்பட்ட சிறப்பு வேளாண் மண்டலமாக அறிவித்து சட்டம் இயற்றப்பட்டுள்ளது. இதைத் தெரிந்தும் கூட தொடர்ச்சியாக ஹைட்ரோகார்பன் ஏலங்களில் காவேரி டெல்டா பகுதிகளை மத்திய அரசு இடம்பெறச் செய்வது எதேச்சதிகாரமாக உள்ளது.

  • Share this:
    காவிரி டெல்டாவில் மீண்டும் ஹைட்ரோகார்பன்  முயற்சிகள் தொடங்கியுள்ளதாகவும் இதனை தமிழக அரசு தடுத்து நிறுத்த வேண்டும் என்றும் பூவுலகின் நண்பர்கள் அமைப்பு கோரிக்கை வைத்துள்ளது.

    இது தொடர்பாக பூவுலகின் நண்பர்கள் அமைப்பு வெளியிட்டுள்ள அறிக்கையில்,  இந்திய அரசின் நிறுவனங்களான ONGC, OIL போன்றவற்றால் ஏற்கெனவே எண்ணெய் மற்றும் இயற்கை எரிவாயும் இருக்கும் இடங்களாக அறியப்பட்ட வயல்களில் இருந்து ஹைட்ரோகார்பன் வளங்களை எடுத்து வருவாய் மேற்கொள்ள முடியாமல் இருந்த பகுதிகளை தனியார் நிறுவனங்களுக்கு ஏலத்தில் விட்டு வருவாய் பங்கீடு ஒப்பந்தம் மூலம் வருவாய் ஈட்டுவதற்காக 2015ஆம் ஆண்டு உருவாக்கப்பட்டதுதான் Discovered Small Field Policy (DSF).

    இந்த கொள்கை மூலம் 2016ஆம் ஆண்டில் ஒரு ஏலமும் 2018ஆம் ஆண்டில் ஒரு ஏலமும் நடைபெற்றது. தற்போது மூன்றாம் கட்டமாக 75 எண்ணெய் வயல்கள் 32 ஒப்பந்த பகுதிகள் மூலமாக ஏலம் விடப்படவுள்ளது. இந்தியா முழுவதுமுள்ள 13 ஆயிரம் சதுர கிலோமீட்டர் பரப்பளவில் 230MMT ஹைட்ரோகார்பன் இதில் கிடைக்கும் என பெட்ரோலியத்துறை அமைச்சகம் தெரிவித்துள்ளது.

    கடந்த 10ஆம் தேதி நடைபெற்ற மூன்றாம் கட்ட ஏல அறிவிப்பில் காவேரி படுகையின் புதுக்கோட்டை மாவட்டம் வடதெரு பகுதியில் உள்ள 463.2 சதுர கிலோமீட்டர் பகுதியும் இடம்பெற்றுள்ளது அதிர்ச்சியளிக்கிறது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்

    தஞ்சாவூர், திருவாரூர், நாகை, புதுக்கோட்டை, அரியலூர், கடலூர், திருச்சி, கரூர் ஆகிய 8 மாவட்டங்களை உள்ளடக்கிய காவேரி டெல்டா பகுதிகளை பாதுகாக்கப்பட்ட சிறப்பு வேளாண் மண்டலமாக அறிவித்து சட்டம் இயற்றப்பட்டுள்ளது. இதன் மூலம் எவ்வித புதிய ஹைட்ரோகார்பன் திட்டங்களையும் தமிழ்நாட்டில் செயல்படுத்த முடியாத நிலை ஏற்பட்டுள்ளது. இதைத் தெரிந்தும் கூட தொடர்ச்சியாக ஹைட்ரோகார்பன் ஏலங்களில் காவேரி டெல்டா பகுதிகளை மத்திய அரசு இடம்பெறச் செய்வது எதேச்சதிகாரமாக உள்ளது.

    இந்த குறிப்பிட்ட வடதெரு பகுதிக்கு ஏற்கெனவே ONGC நிறுவனம் 2027ஆம் ஆண்டு வரை Petroleum Mining Lease- ஐ பெற்றுள்ளதாக ஏல அறிவிப்பு ஆவணத்தில் பெட்ரோலியத்துறை அமைச்சகம் தெரிவித்துள்ளது. இதனைக் காட்டி காவிரி டெல்டா பகுதியில் ஹைட்ரோகார்பன் எடுக்கும் பணியை ஏலத்தில் எடுக்கும் நிறுவனம் மேற்கொள்ள முயன்றால் அதை தடுக்க தமிழ்நாடு அரசு எல்லா முயற்சிகளையும் மேற்கொள்ள வேண்டும். பெட்ரோலியத்துறை அமைச்சகம் காவிரி படுகையை இந்த ஏல அறிவிப்பிலிருந்து நீக்கவும் மேற்கொண்டு எந்த ஏல அறிவிப்பிலும் காவேரி டெல்டா பகுதியை சேர்க்கக் கூடாது என்பதையும் அழுத்தமாக ஒன்றிய அரசிற்கு தமிழ்நாடு அரசு தெரிவிக்க வேண்டும்” என்று வலியுறுத்தப்பட்டுள்ளது.

    மேலும் படிக்க.. இலவச ஐ.ஏ.எஸ். பயிற்சி  வழங்கு சோனு சூட்: விண்ணப்பிப்பது எப்படி?
    Published by:Murugesh M
    First published: